అబ్బే అలాంటిదేమీ లేదే.. జడ్డూతో విబేధాలపై సీఎస్కే సీఈవో ఇంట్రెస్టింగ్ కామెంట్స్

Published : May 14, 2022, 05:51 PM IST

IPL 2022: ఈ సీజన్  ప్రారంభంలో   చెన్నై సూపర్ కింగ్స్ కు  బాద్యతలు చేపట్టిన  స్టార్ ఆల్ రౌండర్ రవీంద్ర జడేజా 8 మ్యాచుల తర్వాత వాటి నుంచి తప్పుకున్నాడు. ఆ తర్వాత రెండు మ్యాచులాడి ఏకంగా సీజన్ నుంచే వైదొలిగాడు.  

PREV
17
అబ్బే అలాంటిదేమీ లేదే.. జడ్డూతో విబేధాలపై సీఎస్కే సీఈవో ఇంట్రెస్టింగ్ కామెంట్స్
jadeja csk

చెన్నై సూపర్ కింగ్స్ స్టార్ ఆల్ రౌండర్ రవీంద్ర జడేజాకు.. జట్టు యాజమాన్యానికి  మధ్య విబేధాలు వచ్చాయని.. అందుకే అతడిని గాయం పేరు చెప్పి సీజన్ మొత్తం తప్పించారని మీడియాలో వార్తలు పుంఖానుపుంఖాలుగా వస్తున్నాయి.  

27

కెప్టెన్ గా జడ్డూ చెన్నై యాజమాన్యాన్ని మెప్పించకపోవడం.. అనూహ్య పరిస్థితుల్లో సారథి గా వైదొలగడం.. తర్వాత కొన్ని రోజులకే చెన్నై సోషల్ మీడియా ఖాతాలను అతడు అన్ఫాలో చేయడం..  రెండ్రోజుల క్రితం సీఎస్కే కూడా అదే పనిచేయడంతో జడ్డూ-సీఎస్కే యాజమాన్యం మధ్య ఏదో జరిగిందని మాత్రం  మీడియా కోడై కూస్తున్నది. 

37

ఈ నేపథ్యంలో చెన్నై  సూపర్ కింగ్స్ సీఈవో కాశీ విశ్వనాథన్ స్పందించారు. ఆయన మాట్లాడుతూ.. ‘రవీంద్ర జడేజాతో విబేధాలా..? అలాంటిదేమీ లేదే.. సోషల్ మీడియాలో దీని గురించి చర్చించుకుంటున్నారా...? నేనైతే కచ్చితంగా దానిని ఫాలో అవను...

47

అక్కడ ఏం జరుగుతుందో నాకైతే తెలియదు.  సీఎస్కే యాజమాన్యం తరఫున నేను చెప్పేది ఏమిటంటే.. జడ్డూ తో మాకు ఎటువంటి సమస్యా లేదు.  సోషల్ మీడియాలో ఏం మాట్లాడుకుంటున్నారో వదిలేయండి. జడేజా  కు గాయం అవడం వల్లే  సీజన్ నుంచి అర్థాంతరంగా తప్పుకున్నాడు. 

57

అతడితో మాకు ఎటువంటి విబేధాలు లేవు. భవిష్యత్ లో సీఎస్కే తరఫున ఆడటానికి జడేజా కూడా సిద్ధంగా ఉంటాడు..’ అని కుండబద్దలుకొట్టాడు.  

67

ఇదిలాఉండగా.. కొన్ని రోజుల క్రితం సీఎస్కే వర్గాల ప్రకారం.. ‘అవును.. జడేజాకు గాయమైన మాట వాస్తవమే. కానీ సీఎస్కే యాజమన్యానికి  జడేజా కు మధ్య అంతా బాగాలేదన్నది కూడా నిజం. కెప్టెన్ గా తొలగించడంతో అతడు నిరాశకు గురయ్యాడు..’ అని వ్యాఖ్యానించిన విషయం తెలిసిందే.   

77

ఈ సీజన్ లో సీఎస్కే తరఫున 10 మ్యాచులాడిన జడ్డూ..  బ్యాటింగ్ లో 116 పరుగులు చేశాడు. బౌలింగ్ లో  33 ఓవర్లు బౌలింగ్ చేసి 5 వికెట్లు మాత్రమే పడగొట్టాడు. కెప్టెన్ గా 8 మ్యాచులకు సారథ్యం వహించి రెండింట్లో గెలిచి  ఆరు మ్యాచుల్లో ఓడాడు. రాయల్ ఛాలెంజర్స్ తో జరిగిన మ్యాచ్ లో గాయపడ్డ  జడ్డూ.. ఆ తర్వాత  చెన్నై ఆడిన మూడు  మ్యాచుల్లో కనిపించలేదు. 

click me!

Recommended Stories