IPL 2025 KL Rahul : ఐపీఎల్ 2025 సీజ‌న్ కోసం ఆశ్చర్యకరమైన నిర్ణ‌యాల్లో భాగంగా లక్నో సూపర్ జెయింట్స్ (LSG) టీమ్ కెప్టెన్ కేఎల్ రాహుల్‌ని విడుదల చేస్తూ.. బదులుగా నికోలస్ పూరన్, రవి బిష్ణోయ్, మయాంక్ యాదవ్, మొహ్సిన్ ఖాన్, ఆయుష్ బదోనీలను రిటైన్ చేసుకుంది.
IPL 2025 KL Rahul: రాబోయే ఇండియ‌న్ ప్రీమియ‌ర్ లీగ్ (ఐపీఎల్ 2025) కొత్త సీజ‌న్ కు ముందు ఆట‌గాళ్ల కోసం మెగా వేలం నిర్వ‌హించ‌నున్నారు. దీనికి సంబంధించిన ఇప్ప‌టికే అన్ని ఫ్రాంఛైజీలు తమ జ‌ట్ల‌లో రిటైన్ చేసుకున్న ప్లేయ‌ర్ల వివ‌రాలు అధికారికంగా ప్ర‌క‌టించాయి.
అనూహ్యంగా ప‌లువురు స్టార్ ప్లేయ‌ర్ల‌ను ఫ్రాంఛైజీలు వ‌దులుకున్నాయి. అయితే, అలాంటి కొంత మంది ప్లేయ‌ర్ల కోసం వేలంలో బిగ్ ఫైట్ జ‌ర‌గ‌నుంద‌ని క్రికెట్ వ‌ర్గాల్లో చ‌ర్చ సాగుతోంది. అలాంటి వారిలో భారత స్టార్ వికెట్ కీపర్ బ్యాట్స్ మెన్ కేఎల్ రాహుల్ ఒక‌రు.
ఐపీఎల్ 2025 మెగా వేలం విషయంలో ఇప్ప‌టికే క్రికెట్ స‌ర్కిల్ లో ఉత్కంఠ నెలకొంది. మెగా వేలంలో రిషబ్ పంత్, కేఎల్ రాహుల్, శ్రేయాస్ అయ్యర్ సహా చాలా మంది భ‌ర‌త స్టార్ ఆటగాళ్లు కనిపించనున్నారు. ఇప్ప‌టికే ఆయా ప్లేయ‌ర్ల‌లో ఫ్రాంఛైజీలు చ‌ర్చ‌లు మొద‌లు పెట్టాయని స‌మాచారం.
భారత మాజీ స్టార్ ప్లేయ‌ర్ సునీల్ గవాస్కర్ మాట్లాడుతూ.. రాబోయే మెగా వేలంలో భారత వికెట్ కీపర్ బ్యాట్స్ మెన్ కేఎల్ రాహుల్ హాట్ కేక్ అవుతాడ‌నీ, ప‌లు టీమ్స్ అతని కోసం బిగ్ ఫైట్ చేస్తాయ‌ని జోస్యం చెప్పాడు. ముఖ్యంగా కేఎల్ రాహుల్ 3 జట్ల రాడార్‌లో ఉంటాడని తెలిపారు. ఐపీఎల్ 2024 లో ఐపీఎల్ ఫ్రాంఛైజీ య‌జ‌మాని సంజీవ్ గోయెంకా రాహుల్‌ను బహిరంగంగా తిట్టడంతో లక్నో సూపర్ జెయింట్స్ కు అతను వీడ్కోలు ప‌లికిన సంగ‌తి తెలిసిందే.
అక్టోబర్ 31న అన్ని జట్లు తమ తమ రిటెన్షన్ జాబితాలను విడుదల చేశాయి. కెప్టెన్ కేఎల్ రాహుల్ పేరు లేకుండానే ఐదుగురు ఆటగాళ్లను లక్నో జట్టు అట్టిపెట్టుకుంది. ఈ జాబితాలో నికోలస్ పురాన్, రవి బిష్ణోయ్, మయాంక్ యాదవ్, మొహ్సిన్ ఖాన్, ఆయుష్ బదోనీలు ఉన్నారు.
దీంతో కేఎల్ రాహుల్ వేలంలోకి వ‌చ్చాడు. అతని పై ఏ జట్టు పందెం నెగ్గుతుంద‌నేది ఇప్పుడు అందరి మదిలో మెదులుతున్న ప్రశ్న. అటువంటి పరిస్థితిలో సునీల్ గవాస్కర్ మాట్లాడుతూ.. కేఎల్ రాహుల్‌ను ద‌క్కించుకోవ‌డానికి 3 జట్లు ముందుంటాయ‌ని చెప్పారు. వాటిలో ఆర్సీబీ, సీఎస్కే, ఎస్ఆర్హెచ్ ల గురించి ప్ర‌స్తావించారు.
స్టార్ స్పోర్ట్స్‌లో సునీల్ గవాస్కర్ మాట్లాడుతూ, 'కెఎల్ రాహుల్‌ను బెంగళూరు, చెన్నై రెండు టీమ్స్ ఎంపిక చేసుకుంటాయని నేను భావిస్తున్నాను. బహుశా హైదరాబాదుకు ఈ రేసులోకి రావ‌చ్చు. కానీ బెంగళూరు ఖచ్చితంగా కేఎల్ రాహుల్ స్వస్థలం. ఆ జ‌ట్టుతో చేర‌డానికి అతను ఉత్సాహంగా ఉంటాడని, అతను ప్రోత్సహించబడతాడనీ, త‌న సొంత ప్రేక్షకుల ముందు ఆడాలని నేను భావిస్తున్నాను. అందువల్ల బెంగళూరు కేఎల్ రాహుల్‌ను ఎంచుకోవచ్చుని తెలిపాడు. ఆ మూడు టీమ్స్ కేఎల్ రాహుల్ కోసం భారీ వేలం చేయ‌వ‌చ్చ‌ని కూడా తెలిపారు.
కాగా, కేఎల్ రాహుల్ బ్యాట్ గత కొన్ని నెలలుగా నిశ్శబ్దంగా ఉంది. అతని నుంచి పెద్ద‌గా పరుగులు రావ‌డం లేదు. ఐపీఎల్ లో భారీగానే పరుగులు వ‌స్తున్నా.. అతని బ్యాటింగ్ స్ట్రైక్ రేటు గొప్ప‌గా ఉండ‌టం లేదు. ప్రస్తుతం ఆస్ట్రేలియాతో టెస్టు సిరీస్‌లో అందరి దృష్టి రాహుల్‌పైనే ఉంది. కానీ అంతకు ముందు బంగ్లాదేశ్, న్యూజిలాండ్‌లపై అతను పూర్తిగా ఫ్లాప్ అని నిరూపించుకున్నాడు. ఇదొక్కటే కాదు, రాహుల్‌కు ఇండియా ఎపై ఓపెనింగ్ అవకాశం లభించింది, కానీ ఇక్కడ కూడా అతని బ్యాట్ నుండి పరుగులు రాలేదు. నవంబర్ 24, 25 తేదీల్లో జరిగే మెగా వేలంలో రాహుల్‌పై ఏ జట్టు భారీ పందెం కాస్తుందనేది ఇప్పుడు ఆసక్తికరంగా మారింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి