Bhuvneshwar Kumar: ముంబై ఇండియన్స్ తో జ‌రిగిన మ్యాచ్ లో రాయల్ ఛాలెంజర్స్ బెంగళూరు (ఆర్సీబీ) బౌలర్ భువనేశ్వర్ కుమార్ కీల‌క‌మైన స‌మ‌యంలో తిలక్ వర్మ వికెట్ ను తీసుకుని మ్యాచ్ ను మ‌లుపు తిప్పాడు. అలాగే, డ్వేన్ బ్రాబో, లసిత్ మ‌లింగ్ రికార్డుల‌ను బద్దలు కొట్టి ఐపీఎల్ లో చరిత్ర సృష్టించాడు.
Fast bowler with the most wickets in IPL: ఐపీఎల్ 2025లో ముంబైలోని వాంఖడే స్టేడియంలో థ్రిల్లింగ్ మ్యాచ్‌లో ముంబై ఇండియన్స్ ను రాయల్ ఛాలెంజర్స్ బెంగళూరు 12 పరుగులు తేడాతో ఓడించింది. విరాట్ కోహ్లీ, రజత్ పాటిదార్ అద్భుత‌మైన బ్యాటింగ్ తో పాటు భువనేశ్వర్ కుమార్ తో పాటు ఆ జ‌ట్టులోని బౌల‌ర్లు ఈ విజ‌యంలో కీల‌క‌పాత్ర పోషించారు.
సీనియ‌ర్ స్టార్ పేస‌ర్ భువనేశ్వర్ కుమార్ ఈ మ్యాచ్‌లో మ‌రో ఐపీఎల్ బిగ్ రికార్డును బద్దలు కొట్టాడు. ఐపీఎల్ చరిత్రలో అత్యధిక వికెట్లు తీసిన ఫాస్ట్ బౌలర్‌గా ఘ‌న‌త సాధించాడు. ఆర్సీబీ సాధించిన 222 పరుగుల టార్గెన్ ను అందుకునే క్ర‌మంలో ముంబై టీమ్ 209/9 ప‌రుగుల‌కే ప‌రిమిత‌మైంది. చివ‌రి ఓవర్లలో అద్భుత‌మైన బౌలింగ్ తో ఆర్సీబీ విజ‌యాన్ని అందుకుంది.
ఈ మ్యాచ్ లో మొదట బ్యాటింగ్ చేసిన ఆర్సీబీ 221 పరుగులు చేసింది. భారీగా టార్గెట్ తో బ‌రిలోకి దిగి ముంబై టీమ్ విజ‌యానికి 12 పరుగులు దూరంలో ఆగిపోయింది. ఈ మ్యాచ్‌లో భువనేశ్వర్ కుమార్ 4 ఓవర్లలో 48 పరుగులు ఇచ్చి తిలక్ వర్మ వికెట్‌ను తీసుకున్నాడు.
అద్భుత‌మైన బ్యాటింగ్ తో హాఫ్ సెంచ‌రీ ఇన్నింగ్స్ తో ముంబై టీమ్ ను తిలక్ వర్మ విజ‌యం వైపు న‌డిపించాడు కానీ, కీల‌క స‌మ‌యంలో తిలక్ వర్మను భువనేశ్వర్ కుమార్ అవుట్ చేసిన తర్వాత మ్యాచ్ గ‌మ‌నం మారిపోయింది. ఈ వికెట్ తర్వాత భువనేశ్వర్ కుమార్ తన ఐపీఎల్ కెరీర్‌లో 184 వికెట్లను అందుకున్నాడు. దీంతో ఐపీఎల్ లో అత్యధిక వికెట్లు తీసుకున్న ఫాస్ట్ బౌలర్ డ్వేన్ బ్రావో 183 వికెట్ల రికార్డును భూవీ అధిగ‌మించాడు.
ఐపీఎల్ లో అత్యధిక వికెట్లు తీసుకున్న టాప్-5 ఫాస్ట్ బౌల‌ర్లు వీరే
భువనేశ్వర్ కుమార్: 184 వికెట్లు
డ్వేన్ బ్రావో: 183 వికెట్లు
లసిత్ మలింగ: 170 వికెట్లు
జస్‌ప్రీత్ బుమ్రా : 165 వికెట్లు
ఉమేష్ యాదవ్: 144 వికెట్లు
భువనేశ్వర్ కుమార్ ఐపీఎల్ రికార్డులు:
భువనేశ్వర్ కుమార్ ఇప్పటివరకు (ఏప్రిల్ 8, 2025) మొత్తం 179 ఐపీఎల్ మ్యాచ్‌లు ఆడి 184 వికెట్లు తీసుకున్నాడు. 27.28 బౌలింగ్ సగటుతో ఎకానమీ రేటు 7.58 గా ఉండటం విశేషం. ఐపీఎల్ లో భేవనేశ్వర్ కుమార్ బెస్ట్ బౌలింగ్ 5/19 వికెట్లు. ఐపీఎల్ లో అత్యధిక వికెట్లు తీసిన ఫాస్ట్ బౌలర్, మొత్తంగా అత్యధిక వికెట్లు తీసుకున్న మూడో బౌలర్. మొదటి రెండు స్థానాల్లో యుజ్వేంద్ర చాహల్ 206 వికెట్లు, పియూష్ చావ్లా 192 వికెట్లతో ఉన్నాడు. భూవీ తన ఐపీఎల్ కెరీర్‌లో 2 సార్లు 5 వికెట్లు, 2 సార్లు 4 వికెట్లు సాధించాడు.
భువనేశ్వర్ కుమార్ రాయల్ ఛాలెంజర్స్ బెంగళూరు తరఫున ఐపీఎల్ అరంగేట్రం చేశాడు. ఆ తర్వాత 11 సంవత్సరాలు సన్‌రైజర్స్ హైదరాబాద్‌కు ప్రధాన బౌలర్‌గా మారాడు. ఎస్ఆర్హెచ్ వదులుకోవడంతో ఐపీఎల్ 2025 మెగా వేలంలో అతన్ని ఆర్సీబీ 10.75 కోట్ల రూపాయలకు కొనుగోలు చేసింది. భువనేశ్వర్ కుమార్ ఐపీఎల్ 2016, 2017 ఎడిషన్లలో పర్పుల్ క్యాప్ గెలుచుకున్నాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి