భారత క్రికెట్ దిగ్గజం సచిన్ టెండూల్కర్ కొడుకు, ఇండియన్ బౌలర అర్జున్ టెండూల్కర్ తన వ్యక్తిగత జీవితం గురించి కొన్ని ఆసక్తికరమైన విషయాలు పంచుకున్నాడు. తన మానసిక ప్రశాంతతకు అసలు కారణం ఏంటో చెప్పి అందరినీ ఆశ్చర్యపరిచాడు.
క్రికెట్ దేవుడు సచిన్ కొడుకు, లక్నో సూపర్ జెయింట్స్ ఆల్-రౌండర్ అర్జున్ టెండూల్కర్ తన పర్సనల్ లైఫ్ గురించి మాట్లాడాడు. శుభాంకర్ మిశ్రా పాడ్కాస్ట్లో మాట్లాడుతూ.. తనకు క్రికెట్ ప్రపంచంలో స్నేహితులు ఎవరూ లేరని అర్జున్ స్పష్టం చేశాడు. గోవాలోని తన ఇంట్లో 5 కుక్కలను పెంచుకుంటున్నానని, వాటితో సమయం గడపడమే తన జీవితంలో అతిపెద్ద ఆనందం అని చెప్పాడు.
24
అర్జున్ వద్ద ఐదు కుక్కలు
"ఎప్పుడూ ఇంత ప్రశాంతంగా ఎలా ఉంటావు?" అని అర్జున్ ని అడగ్గా ఆసక్తికరమైన సమాధానం ఇచ్చాడు. "గోవాలోని మా ఇంట్లో ఐదు కుక్కలు ఉన్నాయి. వాటితో సమయం గడపడమంటే నాకు చాలా ఇష్టం. అదే నాకు మానసిక ప్రశాంతతను ఇస్తుంది" అని చెప్పాడు.
క్రికెట్ ఫ్రెండ్స్ గురించి అడిగితే.. "నాకు క్రికెట్ ఆడే ఫ్రెండ్స్ ఎవరూ లేరు. నా స్నేహితులెవరూ క్రికెట్ ఆడరు. వాళ్లకు క్రికెట్ గురించి పెద్దగా తెలియదు. అందుకే మేం దాని గురించి అస్సలు మాట్లాడుకోం" అని అర్జున్ వివరించాడు.
34
అర్జున్ కు MI లో అవకాశాలెందుకు రాలేదు..?
సచిన్ కొడుకు కావడం వల్ల వచ్చే అంచనాలు, సోషల్ మీడియా విమర్శల గురించి అడిగినప్పుడు… "నేను విమర్శలకు భయపడను" అని అర్జున్ బదులిచ్చాడు. ఈ సీజన్లో ముంబై ఇండియన్స్ నుంచి లక్నో సూపర్ జెయింట్స్ జట్టుకు మారిన అర్జున్, కొత్త జెర్సీలో ఆడేందుకు సిద్ధమవుతున్నాడు.
ముంబై ఇండియన్స్ జట్టులో జస్ప్రీత్ బుమ్రా, ట్రెంట్ బౌల్ట్ లాంటి వరల్డ్ క్లాస్ ప్లేయర్స్ ఉండటంతో అర్జున్కు ఎక్కువ అవకాశాలు రాలేదు. కానీ లక్నో జట్టులో మహ్మద్ షమీ, మయాంక్ యాదవ్ వంటి ఆటగాళ్లతో కలిసి ఆడితే, అతనికి మరిన్ని అవకాశాలు వస్తాయని అభిమానులు ఆశిస్తున్నారు.
అర్జున్ టెండూల్కర్ కు ఇష్టమైన క్రికెటర్... సచిన్ తర్వాత
తండ్రి సచిన్ కాకుండా మీకు ఇష్టమైన ఆటగాడు ఎవరు అని అడగ్గా "యువరాజ్ సింగ్" అని అర్జున్ సమాధానమిచ్చాడు. "యువీ స్పిన్నర్ కదా?" అని ఇంటర్వ్యూయర్ అడిగితే, "అవును, అతను స్పిన్నర్. కానీ నేను ఫాస్ట్ బౌలర్ని" అని నవ్వుతూ చెప్పాడు. బౌలింగ్తో పాటు బ్యాటింగ్లోనూ రాణించగల అర్జున్, లక్నో జట్టు లోయర్ మిడిల్ ఆర్డర్లో కీలక ఆటగాడిగా మారతాడని అంచనా వేస్తున్నారు.
