Post office scheme: పదేళ్లలో రూ. 17 లక్షలు పొందొచ్చు.. నెలకు ఎంత పొదుపు చేయాలంటే

మారిన ఆర్థిక అవసరాలు, పెరిగిన ఖర్చుల నేపథ్యంలో చాలా మంది పొదుపు వైపు మొగ్గు చూపుతున్నారు. డబ్బు సంపాదించడం మొదలు పెట్టిన రోజు నుంచే పొదుపు చేసే వారి సంఖ్య ఎక్కువుతోంది. ఇందుకు అనుగుణంగా సంస్థలు ఆకర్షణీయమైన సేవింగ్‌ స్కీమ్‌లను పరిచయం చేస్తున్నాయి. ప్రముఖ ప్రభుత్వ రంగ సంస్థ పోస్టాఫీస్ ఇలాంటి ఒక బెస్ట్‌ సేవింగ్‌ స్కీమ్‌ను అందిస్తోంది. ఇంతకీ ఏంటా స్కీమ్‌.? ఈ పథకం బెనిఫిట్స్ ఏంటో ఇప్పుడు తెలుసుకుందాం..   

ప్రముఖ ప్రభుత్వ రంగ సంస్థ పోస్టాఫీస్‌ రకరకాల పథకాలను అమలు చేస్తోంది. ముఖ్యంగా ఆకర్షణీయమైన వడ్డీ రేట్లతో సేవింగ్‌ స్కీమ్స్‌ను అందిస్తున్నాయి. ఇలాంటి వాటిలో పోస్టాఫీస్ ఆర్‌డీ స్కీమ్‌ ఒకటి. రికరింగ్ డిపాజిట్‌ స్కీమ్‌గా చెప్పే ఈ పథకంలో పెట్టుబడి పెట్టడం ద్వారా మీ డబ్బుకు సెక్యూరిటీతోపాటు మంచి వడ్డీ లభిస్తుంది. ఈ పథకం ద్వారా రూ. 16 లక్షలు ఎలా పొందాలో ఇప్పుడు తెలుసుకుందాం 

పోస్టాఫీస్‌ ఆర్‌డీ స్కీమ్‌ మెచ్యూరిటీ 5 ఏళ్లు ఉంటుంది. మెచ్యూరిటీ సమయం ముగిసిన తర్వాత వడ్డీతో పాటు మొత్తం డబ్బును తిరిగి ఇస్తారు. అయితే మూడేళ్లలో కూడా డబ్బులు తీసుకునే అవకాశం ఉంటుంది. కానీ వడ్డీలో కొంతమేర కోతపడే అవకాశం ఉంటుంది. ఒకవేళ మీకు కావాలనుకుంటే మరో  ఏళ్లు పెంచుకునే అవకాశం ఉంటుంది. ప్రస్తుతం ఈ పథకంలో పెట్టుబడి పెట్టే వాళ్లకి 6.7 శాతం వడ్డీ లభిస్తోంది. ప్రతీ మూడు నెలలకు ఒకసారి వడ్డీ రేట్లను సమీక్షించి నిర్ణయిస్తారు. ఇక ఒకేసారి గరిష్టంగా 6 నెలల మొత్తాన్ని జమ చేసుకునే అవకాశం ఉంటుంది. 

రూ. 16 లక్షలు ఎలా పొందాలంటే నెలకు ఎంత ఇన్వెస్ట్ చేయాలంటే? 

ఉదాహరణకు మీరు పోస్టాఫీస్ ఆర్‌డీ పథకంలో నెలకు రూ.10 వేల చొప్పున డిపాజిట్ చేస్తున్నారు అనుకుందాం. 5 ఏళ్ల పాటు మీ పెట్టుబడి రూ.6 లక్షలు అవుతుంది. 6.7 శాతం వడ్డీ రేటుతో మీకు వడ్డీ రూ. 1,13,600 వరకు వస్తుంది. దీంతో 5 ఏళ్ల మెచ్యూరిటీ తర్వాత మీకు మొత్తంగా రూ. 713600 వరకు అందుతాయి. అయితే, మీరు మీ పొదుపు పథకాన్ని మరో 5 సంవత్సరాలు పొడిగించారనుకుందాం.

అప్పుడు మీ పెట్టుబడి మొత్తం రూ. 12 లక్షలు అవుతుంది. వడ్డీ రూ. 5,08,546 అవుతుంది. మొత్తం కలిపి రూ. 17,08,546 అవుతుంది. ఇలా పదేళల్లో రూ. 17 లక్షలు సంపాదించవచ్చు. అందులోనూ ఎలాంటి రిస్క్‌ లేకుండా. నెలలా కొంతమేర పొదుపు చేసుకుంటూ, భవిష్యత్తు అవసరాలకు డబ్బు జమ చేసుకునే వారికి ఈ స్కీమ్‌ బెస్ట్‌ ఆప్షన్‌గా చెప్పొచ్చు. ఈ పథకానికి సంబంధించిన పూర్తి వివరాల కోసం మీకు దగ్గర్లో ఉన్న పోస్టాఫీస్‌ను సందర్శించండి.