మహీంద్రా స్కార్పియో కొనాలంటే ఇదే బెస్ట్ టైమ్: రూ.65,000 వరకు డిస్కౌంట్

మహీంద్రా స్కార్పియోకి ప్రత్యేకంగా ఫ్యాన్స్ ఉంటారు. ఇది కొనాలని చాలా మంది లక్ష్యంగా కూడా పెట్టుకుంటారు. మీరు కూడా స్కార్పియో కొనాలనుకుంటే ఇదే మంచి టైమ్. స్కార్పియో ఎన్, క్లాసిక్ మోడళ్లపై రూ.65,000 వరకు డిస్కౌంట్స్ ను మహీంద్రా ప్రకటించింది. ఇది కూడా లిమిటెడ్ ఆఫర్. దీని గురించి పూర్తి వివరాలు తెలుసుకుందామా? 

గణాంకాల ప్రకారం మే నెలలో అత్యధికంగా అమ్ముడవుతున్న ఎస్‌యూవీ మహీంద్రా స్కార్పియో. అందుకే మహీంద్రా స్కర్పియో మోడల్స్ పై అద్భుతమైన తగ్గింపులను అందిస్తోంది. స్కార్పియో ఎన్, స్కార్పియో క్లాసిక్ మోడళ్లపై కంపెనీ డిస్కౌంట్లు ప్రకటించింది.

2024, 2025 మోడల్స్ కు వివిధ తగ్గింపులను కంపెనీ అందిస్తోంది. ఈ నెలలో మీరు స్కార్పియోను కొనుగోలు చేయాలని ప్లాన్ చేస్తే రూ.65,000 వరకు తగ్గింపు పొందవచ్చు.

మే 31 వరకే ఈ ఆఫర్

గత నెలలో అంటే ఏప్రిల్‌లో 15,534 స్కార్పియోలు అమ్ముడయ్యాయి. మరింత సేల్స్ పెంచుకోవాలని మహీంద్రా కంపెనీ మే 31 వరకు ఈ డిస్కౌంట్ ఆఫర్ ను ప్రకటించింది. స్కార్పియో ఎక్స్ షోరూమ్ ధర రూ.13.99 లక్షల నుండి రూ.24.89 లక్షల వరకు ఉంది.

మహీంద్రా స్కార్పియోలో మహీంద్రా థార్, మహీంద్రా ఎక్స్‌యూవీ 700 లాంటి ఇంజిన్ ఉంది. ఇందులో పెట్రోల్, డీజిల్ రెండు రకాల ఇంజిన్లు ఉన్నాయి. స్కార్పియో N హై ఎండ్ మోడల్‌లో నాలుగు చక్రాల డ్రైవ్ (4WD) సిస్టమ్ ను కలిగి ఉంది. గ్లోబల్ NCAP క్రాష్ టెస్ట్‌లో స్కార్పియో ఐదు స్టార్ సేఫ్టీ రేటింగ్‌ను పొందింది.

మహీంద్రా స్కార్పియో స్టైలిష్ డిజైన్..

స్కార్పియో Nలో కొత్త సింగిల్ గ్రిల్ ఉంది. దానిపై క్రోమ్ ఫినిషింగ్ ఉంది. కంపెనీ కొత్త లోగో గ్రిల్‌పై ఉంది. దీనివల్ల ముందు భాగం అందంగా కనిపిస్తుంది. కొత్త డిజైన్ లో LED ప్రొజెక్టర్ హెడ్‌ల్యాంప్‌లు, కొత్త ఫాగ్ ల్యాంప్ హౌసింగ్‌తో కూడిన కొత్త ఫ్రంట్ బంపర్, C-ఆకారపు LED డేటైమ్ రన్నింగ్ లైట్లు, హెక్సాగోనల్ లోయర్ గ్రిల్ ఇన్సర్ట్‌తో కూడిన వైడ్ సెంట్రల్ ఎయిర్ ఇన్‌టేక్ ఉన్నాయి.

ఈ SUVకి కొత్త డిజైన్ చేయబడిన డ్యూయల్-టోన్ అల్లాయ్ వీల్స్ ఉన్నాయి. స్ట్రాంగ్ రూఫ్ రెయిల్స్, సైడ్ మౌంటెడ్ డోర్లతో కూడిన కొత్త బోనెట్, బూట్‌లిడ్, కొత్త రియర్ బంపర్, కొత్త వర్టికల్ LED టెయిల్ ల్యాంప్‌లు ఉన్నాయి. 

సేఫ్టీ ఫీచర్లు ఇవే..

స్కార్పియోలో కొత్త డాష్‌బోర్డ్, సెంటర్ కన్సోల్, కొత్త సెమీ డిజిటల్ ఇన్స్ట్రుమెంట్ క్లస్టర్, ఫ్లాట్ బాటమ్ స్టీరింగ్ వీల్, రూఫ్ మౌంటెడ్ స్పీకర్లు, లెదర్ సీట్లు, అడ్జస్టబుల్ హెడ్‌రెస్ట్‌లు, వైర్‌లెస్ ఛార్జింగ్ ప్యాడ్, సెంటర్ మౌంటెడ్ టచ్‌స్క్రీన్ ఇన్ఫోటైన్‌మెంట్ సిస్టమ్ తదితర ఫీచర్లు ఉన్నాయి.

భద్రత కోసం సన్‌రూఫ్, 6 ఎయిర్‌బ్యాగ్‌లు, రివర్స్ కెమెరా, టైర్ ప్రెజర్ మానిటరింగ్ సిస్టమ్, క్రూయిజ్ కంట్రోల్, రియర్ డిస్క్ బ్రేక్ వంటి అనేక ఫీచర్లు ఉన్నాయి.

నోట్: పైన పేర్కొన్న డిస్కౌంట్లు వివిధ వెబ్‌సైట్ల నుండి సేకరించినవి. ఈ తగ్గింపులు రాష్ట్రం, ప్రాంతం, నగరం, డీలర్‌షిప్, లభ్యత, రంగు, వేరియంట్ ను బట్టి మారుతూ ఉంటాయి. కాబట్టి కారు కొనుగోలు చేసే ముందు మీ స్థానిక డీలర్‌ను సంప్రదించి కచ్చితమైన డిస్కౌంట్, ఇతర సమాచారాన్ని తెలుసుకోండి.