రూ. 70 వేల‌లో స్ట‌న్నింగ్ బైక్‌...USB పోర్టుతో పాటు మ‌రెన్నో సూప‌ర్ ఫీచ‌ర్స్

ప్రముఖ టూ వీలర్ తయారీ సంస్థ బజాజ్ మార్కెట్లోకి కొత్త బైక్ ను తీసుకొచ్చింది. బజాజ్ ప్లాన్ 110 NXT పేరుతో ఈ బైక్ ను తీసుకొచ్చారు. ఇందులో అధునాతన ఫీచర్లను అందించారు. ఈ బైక్ ధర ఎంత.? ఎలాంటి ఫీచర్లు ఉన్నాయి.? లాంటి పూర్తి వివరాలు ఇప్పుడు తెలుసుకుందాం.. 

2025 బజాజ్ ప్లాటినా 110 NXT

భారత్‌లో బజాజ్ ఆటో ప్లాటినా 110 కొత్త వెర్షన్‌ను విడుదల చేసింది. ఈ 2025 వెర్షన్ బజాజ్ ప్లాటినా 110 NXT పేరుతో తీసుకొచ్పిచారు.సరికొత్త మోడల్, ఫీచర్లతో కొత్త బజాజ్ ప్లాటినాను లాంచ్ చేశారు. OBD-2B నిబంధనలకు అనుగుణంగా ఇంజిన్ లో మార్పులు చేశారు. ఈ అప్‌డేట్‌లు స్టాండర్డ్ మోడల్ కంటే ₹2,600 ధర పెరగడానికి కారణమైంది. 

అప్‌డేట్ చేసిన ప్లాటినా 110 NXTలో అంతకు ముందు మోడల్ లో ఉన్న ఇంజన్ ను అందించారు. అయితే, ఇప్పుడు కేంద్ర ప్రభుత్వం అమలు చేసిన OBD-2B నిబంధనలకు అనుగుణంగా దీనిలో మార్పులు చేశారు. 115.45cc ఇంజిన్ తో తీసుకొచ్చారు. ఇందులో 8.5 bhp గరిష్ట శక్తి, 9.81 Nm  టార్క్ ఉత్పత్తి చేస్తుంది. అదనంగా, ఎలక్ట్రానిక్ కార్బ్యురేటర్ ఇప్పుడు ఫ్యూయల్ ఇంజెక్షన్ యూనిట్ ద్వారా భర్తీ చేశారు. 

కొత్త బజాజ్ ప్లాటినా 110 NXT

2025 బజాజ్ ప్లాటినా మునుపటి మోడల్‌లో కనిపించే అదే ఫ్రేమ్‌ను కలిగి ఉంది. ఇప్పుడు హెడ్‌లైట్ సిస్టమ్ చుట్టూ క్రోమ్ బెజెల్ ముందు భాగంలో LED DRLలతో ఎరుపు-నలుపు, సిల్వర్-నలుపు, పసుపు-నలుపు రంగులలో లాంచ్ చేశారు. అలాగే, ఫ్యూయల్ ట్యాంక్‌పై కొత్త గ్రాఫిక్స్ ను అందించారు. అదనంగా డిజిటల్ కన్సోల్ పైన USB ఛార్జింగ్ పోర్ట్‌ను బ్రాండ్ ను యాడ్ చేశారు. 

ప్లాటినా NXT 17 అంగుళాల అల్లాయ్ వీల్స్‌తో వస్తుంది. ముందు భాగంలో టెలిస్కోపిక్ ఫోర్కులు, గ్యాస్-ఛార్జ్డ్ ప్రీలోడ్-సర్దుబాటు చేయగల డ్యూయల్ రియర్ షాక్ అబ్జార్బర్లు సస్పెన్షన్ డ్యూటీని నిర్వహిస్తాయి.ధర విషయానికొస్తే 2025 బజాజ్ ప్లాటినా 110 NXT రూ. 74,214కి లభిస్తోంది. 

ఇదిలా  త్వరలోనే బజాజ్ పల్సర్ NS400Zను విడుదల చేయనున్నట్లు తెలుస్తోంది. బైక్ ఇప్పటికే డీలర్‌షిప్‌లకు రావడం ప్రారంభించింది. బైక్‌కు కొత్త అపోలో H1 టైర్లు లభిస్తున్నాయి, వెనుక టైర్ ఇప్పుడు 140-సెక్షన్ MRF Revzకి బదులుగా వెడల్పు 150-సెక్షన్ టైర్. MRFలు మంచివైనప్పటికీ, అపోలో ఆల్ఫా H1లు ఎక్కువ గ్రిప్ కలిగి ఉంటాయి. 

ఈసారి బజాజ్ ఆర్గానిక్ బ్రేక్ ప్యాడ్‌లకు బదులుగా 'సింటర్డ్ బ్రేక్ ప్యాడ్‌లను' ఉపయోగించింది. దీని ద్వారా, హై-స్పీడ్ రైడింగ్‌లో చాలా ముఖ్యమైన బైక్ బ్రేకింగ్ పనితీరు, స్టాపింగ్ పవర్‌లో గణనీయమైన మెరుగుదల ఉంటుంది. అన్ని కొత్త బైక్‌లలో లాగే పల్సర్ NS400Z కొత్త OBD-2B ఉద్గార నిబంధనలకు అనుగుణంగా మార్పలు చేశారు. అయితే బైక్ శక్తి, టార్క్‌లో ఎలాంటి మార్పు లేదు. ఇది ఇప్పటికీ 39.4 bhp శక్తి 35 Nm టార్క్‌ను ఉత్పత్తి చేస్తుంది.

సరసమైన ధరలో మైలేజ్ బైక్

ఈ బైక్ ఫీచర్స్ గురించి చెప్పాలంటే, పూర్తి LED లైటింగ్ ఇందులో కనిపిస్తుంది. రోడ్, రెయిన్, స్పోర్ట్, ఆఫ్-రోడ్ అనే నాలుగు రైడింగ్ మోడ్‌లు ఇందులో ఉన్నాయి. ఇందులో స్విచ్ చేయగల ట్రాక్షన్ కంట్రోల్, డిజిటల్ ఇన్‌స్ట్రుమెంట్ క్లస్టర్, స్టన్నింగ్ డిజైన్ ఉండనున్నాయి.