200 కిలో మీట‌ర్లు మైలేజ్‌.. రూ. ల‌క్ష‌లోపు అదిరిపోయే ఎల‌క్ట్రిక్ స్కూట‌ర్లు

బడ్జెట్ ఎలక్ట్రిక్ స్కూటర్లకు డిమాండ్ పెరుగుతోంది. బజాజ్, టీవీఎస్, ఓలా వంటి కంపెనీలు కొత్త మోడల్స్ లాంచ్ చేస్తున్నాయి. లక్ష రూపాయల లోపు అందుబాటులో ఉన్న టాప్ 5 ఎలక్ట్రిక్ స్కూటర్ల గురించి ఇప్పుడు తెలుసుకుందాం.    

ఎలక్ట్రిక్ స్కూటర్ల మార్కెట్ వేగంగా విస్తరిస్తోంది, బజాజ్, టీవీఎస్ మోటార్స్, ఓలా వంటి ప్రముఖ కంపెనీలు కొత్త మోడల్స్‌ను విడుదల చేస్తున్నాయి. 

ఈ కంపెనీలు పనితీరు, ఫీచర్లను మెరుగుపరుస్తూనే బడ్జెట్ స్కూటర్లకు పెరుగుతున్న డిమాండ్‌ను గుర్తించాయి. దీంతో లక్ష రూపాయల లోపు అనేక ఎలక్ట్రిక్ స్కూటర్లు మార్కెట్లోకి వచ్చాయి.

భారతదేశంలో లక్ష రూపాయల లోపు లభించే టాప్ 5 మోడల్స్‌ను వాటి ఫీచర్లు, ధరలు, ముఖ్యమైన విషయాలను ఇప్పుడు తెలుసుకుందాం. 

బజాజ్ చేతక్ 2903

బజాజ్ చేతక్ 2903 బేస్ ధర రూ. 98,498 (ఎక్స్-షోరూమ్). ఈ వెర్షన్‌లోని 2.9kWh బ్యాటరీని అందించారు. 4 గంటల్లో 0% నుంచి 80% వరకు ఛార్జ్ అవుతుంది. గంటకు 63 కిలోమీటర్ల గరిష్ట వేగంతో దూసుకుపోతుంది. ఒక్కసారి ఛార్జ్ చేస్తే 123 కి.మీ వరకు ప్రయాణించవచ్చు. హిల్ హోల్డ్, సీక్వెన్షియల్ బ్లింకర్లు, స్మార్ట్‌ఫోన్ కనెక్షన్, రెండు రైడ్ మోడ్‌లు (స్పోర్ట్, ఎకో) వంటి ఫీచర్లు ఇందులో ఉన్నాయి.

టీవీఎస్ ఐక్యూబ్

2.2kWh బ్యాటరీతో టీవీఎస్ ఐక్యూబ్ ఎలక్ట్రిక్ స్కూటర్ ఎక్స్-షోరూమ్ ధర రూ. 89,999. ఒక్కసారి పూర్తిగా ఛార్జ్ చేస్తే 75 కిలోమీటర్ల వరకు ప్రయాణించవచ్చు, 0% నుంచి 80% వరకు ఛార్జ్ కావడానికి 2 గంటల 45 నిమిషాలు పడుతుంది. ఇది టైటానియం గ్రే గ్లాసీ, పెర్ల్ వైట్, వాల్‌నట్ బ్రౌన్ అనే మూడు రంగుల్లో లభిస్తుంది.

హోండా QC1

హోండా QC1 ఎలక్ట్రిక్ స్కూటర్ ఎక్స్-షోరూమ్ ధర రూ. 90,000గా ఉంది. ఇందులో 1.5kWh బ్యాటరీ, 1.8kW మోటార్ ఉన్నాయి. దీని గరిష్ట వేగం గంటకు 50 కి.మీ, ఒక్కసారి పూర్తిగా ఛార్జ్ చేస్తే 80 కిలోమీటర్ల వరకు ప్రయాణించవచ్చు. బ్యాటరీ 0% నుంచి 80% వరకు ఛార్జ్ కావడానికి 4 గంటల 30 నిమిషాలు, 0% నుండి 100% వరకు ఛార్జ్ కావడానికి 6 గంటల 50 నిమిషాలు పడుతుంది.

OLA S1 X E Scooter

ఓలా S1 X

ఓలా S1 X ఎలక్ట్రిక్ స్కూటర్లు రూ. 64,999 నుంచి రూ. 97,499 (ఎక్స్-షోరూమ్) వరకు లభిస్తుంది.

S1 X 2kWh - రూ. 64,999 - 95కి.మీ రేంజ్ అందిస్తుంది 
S1 X 3kWh - రూ. 81,999 - 151కి.మీ రేంజ్ అందిస్తుంది. 
S1 X 4kWh - రూ. 97,499 - 193కి.మీ రేంజ్ దూసుకెళ్తుంది. 

ఓలా రోడ్‌స్టర్ X

ఓలా రోడ్‌స్టర్ X ఎక్స్-షోరూమ్ ప్రారంభ ధర రూ. 84,999. ఈ ఎలక్ట్రిక్ మోటార్‌సైకిల్ ప్రస్తుతం బుకింగ్స్‌ను స్వీకరిస్తుంది. కస్టమర్ డెలివరీలు మే 2025లో ప్రారంభం కానున్నాయి.

2.5kWh బ్యాటరీతో ఓలా రోడ్‌స్టర్ X ఎక్స్-షోరూమ్ ధర రూ. 84,999. ఒక్కసారి పూర్తిగా ఛార్జ్ చేస్తే 140 కిలోమీటర్ల వరకు ప్రయాణించవచ్చు. 3.5kWh బ్యాటరీతో ఓలా రోడ్‌స్టర్ Xని రూ. 94,999 (ఎక్స్-షోరూమ్)కి కొనుగోలు చేయవచ్చు. ఈ మోడల్ 196 కిలోమీటర్ల సర్టిఫైడ్ రేంజ్ కలిగి ఉంది.