Ola: రూ. 39 వేల‌కే ఓలా ఎల‌క్ట్రిక్ స్కూట‌ర్‌.. 112 కిలోమీట‌ర్ల మైలేజ్‌, మ‌రెన్నో సూప‌ర్ ఫీచ‌ర్స్

ఎల‌క్ట్రిక్ వాహ‌నాల‌కు ప్ర‌జ‌ల‌కు ఎక్కువ‌గా మొగ్గు చూపుతున్నారు. ఇంధ‌న ధ‌ర‌లు పెరుగుతుండ‌డం, ప్ర‌భుత్వాలు స‌బ్సిడీలు అందిస్తుండ‌డంతో చాలా మంది ఎల‌క్ట్రిక్ వాహ‌నాల‌ను కొనుగోలు చేసేందుకు ఆస‌క్తి చూపిస్తున్నారు. దీంతో ఈ రంగంలో పోటీ కూడా తీవ్ర‌మ‌వుతోంది. ఈ నేప‌థ్యంలోనే ప్ర‌ముఖ ఎల‌క్ట్రిక్ స్కూట‌ర్ త‌యారీ సంస్థ ఓలా తాజాగా మార్కెట్లోకి కొత్త స్కూటీని లాంచ్ చేస్తోంది. ఇంత‌కీ ఏంటా స్కూటీ, అందులో ఎలాంటి ఫీచ‌ర్లు ఉన్నాయి.? లాంటి పూర్తి వివ‌రాలు ఇప్పుడు తెలుసుకుందాం..   

ప్ర‌ముఖ ఎల‌క్ట్రిక్ స్కూట‌ర్ త‌యారీ సంస్థ ఓలా మార్కెట్లోకి ఓలా గిగ్ పేరుతో కొత్త స్కూటీని లాంచ్ చేస్తోంది. అత్యంత త‌క్కువ ధ‌ర‌లోనే అధునాత‌న ఫీచ‌ర్ల‌తో ఈ స్కూటర్‌ను తీసుకొస్తున్నారు. ఈ స్కూట‌ర్ న‌డప‌డానికి లైసెన్స్ కూడా అవ‌స‌రం లేదు.

రిజిస‌స్ట్రేష‌న్ కూడా లేకుండా ఈ స్కూట‌ర్‌ను ఉప‌యోగించుకోవ‌చ్చు. విద్యార్థుల‌కు, రోజువారీ ప‌నుల‌కు ఉప‌యోగించుకునే వారికి ఈ స్కూట‌ర్ బెస్ట్ ఆప్షన్‌గా చెబుతున్నారు. 

License Free Electric Scooter

ధ‌ర విష‌యానికొస్తే.. ఈ ఓలా గిగ్ కేవ‌లం రూ. 39,999కే అందుబాటులోకి రానుంది. ఇక ఈ స్కూట‌ర్‌ను  250W మోటార్, 1.5 kWh బ్యాటరీ అనే రెండు వేరియంట్స్‌లో రానుంది. ఈ స్కూట‌ర్ 4 నుంచి 5 గంట‌ల్లోనే పూర్తిగా ఛార్జ్ అవుతుంది. ఒక్క‌సారిగా ఫుల్ ఛార్జ్ చేస్తే ఏకంగా 112 కి.మీల దూరం ప్ర‌యాణిస్తుంది. ఈ స్కూటర్ గంట‌కు గ‌రిష్టంగా 25 కిలోమీట‌ర్లు ప్ర‌యాణిస్తుంది. 

License Free Electric Scooter

అలాగే ఈ స్కూట‌ర్‌లో ట్యూబ్‌లెస్ టైర్లను అందించ‌నున్నారు. టెలిస్కోపిక్ సస్పెన్షన్, డిజిటల్ స్పీడోమీటర్, పుష్-బటన్ స్టార్ట్ వంటి ఫీచ‌ర్ల‌ను అందిస్తున్నారు. అంతేకాకుండా సీటు కింద మొబైల్ ఛార్జింగ్ పోర్ట్, యాంటీ-థెఫ్ట్ అలారం ఫీచ‌ర్లు ఉండ‌నున్నాయి. నిర్వ‌హ‌ణ ఖ‌ర్చు కూడా చాలా త‌క్కువ‌గా ఉంటుంది. 

License Free Electric Scooter

బేసిక్ వేరియంట్‌లో నెల‌కొన్న పోటీని త‌ట్టుకునే ఉద్దేశంతో ఓలా ఈ స్కూట‌ర్‌ను తీసుకొస్తున్నారు. ప్ర‌స్తుతం ఈ స్కూటీని ఓలా అధికారిక వెబ్‌సైట్‌లో బుకింగ్ చేసుకునే అవ‌కాశం క‌ల్పించారు. ఈ స్కూట‌ర్ ధ‌ర రూ. 39,999కి ల‌భిస్తోంది. ఈఎంఐ ఆప్ష‌న్‌తో కూడా ఈ స్కూటీని సొంతం చేసుకోవ‌చ్చు.