Dream: బ్రతికి ఉన్న మనిషి చనిపోయినట్లు కల వస్తే అర్థమేంటి? వారికేమైనా ప్రమాదమా?

Dream: నిద్రలో మనకు చాలా కలలు వస్తూనే ఉంటాయి. వాటిలో కొన్ని మనకు సంతోషాన్ని ఇస్తే.. మరి కొన్ని భయపెట్టేస్తూ ఉంటాయి.ముఖ్యంగా చావుకు సంబంధించిన కలలు మరింత భయపెడతాయి. మరి, అలాంటి కలలకు అర్థమేంటి?

ఈ కలలకు అర్థమేంటి?

కలలో చనిపోయిన వారు కనిపించినా, లేదంటే.. మన బంధువులు, కుటుంబ సభ్యులు చనిపోయినట్లు కనిపించినా చాలా కంగారుగా అనిపిస్తుంది. ఆ కలలను తలుచుకొని పదే పదే భయపడుతూ ఉంటాం.అయితే.. నిజంగా, అలాంటి కలలు చెడు సంకేతాలను చూపిస్తాయా? త్వరలో అశుభం జరగబోతోంది అనడానికి సంకేతమా? స్వప్న శాస్త్రం ఏం చెబుతోంది? ఈ కలల వెనక అర్థమేంటి అనే విషయాలు ఇప్పుడు తెలుసుకుందాం...

పాడే మోయడం..

ఎవరైనా చనిపోయిన వ్యక్తి పాడే మీద తీసుకువెళ్తున్నట్లు మీకు కలలో కనిపిస్తే.. త్వరలోనే మీ కోరికలు అన్నీ నెరవేరతాయి అని అర్థం.

కలలో శవం కనిపిస్తే...

కలలో ఎవరైనా చనిపోయినట్లు లేదా.. శవాన్ని తరలిస్తున్నట్లు కనిపిస్తే.. మీకు త్వరలోనే అదృష్టం కలిసి వస్తుంది అని అర్థం. ఇలాంటి కలలకు భయపడాల్సిన అవసరం లేదు. త్వరలో మంచి జరగబోతోంది అనడానికి సంకేతం.

మరణించిన వ్యక్తితో మాట్లాడితే..

మీ కుటుంబంలో ఎవరైనా ఆల్రెడీ చనిపోయి ఉంటే.. ఆ వ్యక్తితో మీరు మాట్లాడినట్లు కల వచ్చింది అనుకోండి.. త్వరలోనే మీకు ధనం కలిసి వస్తుందని అర్థం.

బతికున్న వ్యక్తి చనిపోయినట్లు కనిపిస్తే...

నిజ జీవితంలో బతికి ఉన్న మనిషి.. కలలో చనిపోయినట్లు కనిపించినా, లేదా ఆత్మహత్య చేసుకున్నట్లు కనిపించినా.. వారి ఆయుష్షు పెరుగుతుందని అర్థం. వారికి ఎలాంటి ప్రమాదం జరగదు.

నీటిలో మునిగిపోయినట్లు కల వస్తే...

ఇలాంటి కలలు చాలా భయపెడతాయి. కానీ, నీటిలో మునిగిపోయినట్లు కల వస్తే మరీ భయపడాల్సిన అవసరం లేదు. త్వరలోనే మీకు ఏదైనా అవమానం జరగబోతోందని అర్థం.

దేవుడు కలలోకి వచ్చినా, పూజ చేసినట్లు కనపడినా...

కలలో మీకు దేవుడు కనిపించినా లేదంటే.. మీరు పూజ చేస్తున్నట్లు కల వచ్చినా చాలా శుభం జరుగుతుంది. త్వరలోనే శుభవార్త వింటారు. చెక్కు చెదరని భక్తి, విశ్వాసానికి నమ్మకం.

వెండి వస్తువులు కలలో కనిపిస్తే..

మీకు కలలో వెండి వస్తువులు ఏవైనా కనిపించినా.. శుభం జరుగుతుందని అర్థం. త్వరలోనే.. మీరు ఊహించని సంతోషాలు మీ జీవితంలోకి అడుగుపెడతాయని ఈ కల అర్థం.