Today Horoscope:ఓ రాశివారికి వ్యాపారంలో లాభాలే లాభాలు

Today Horoscope: ఈ రోజు రాశిఫలాలు ఇలా ఉన్నాయి. రాశి చక్రం లోని పన్నెండు రాశుల వారికి ఈరోజు ఎలా ఉండబోతోంది?  ఎవరికీ శుభం జరుగుతుంది..  వారి అదృష్ట నక్షత్రాలు ఏమి చెబుతున్నాయి.  ఎవరికి కలిసి వస్తుంది...ఎవరికి ఇబ్బందులు ఉంటాయి ...ఈ రోజు రాశి ఫలాలు లో తెలుసుకుందాం..  

telugu astrology

మేషం (అశ్విని , భరణి, కృత్తిక 1)
నామ నక్షత్రాలు (చూ-చే-చో-లా-లీ-లూ-లే-లో-ఆ)
దినాధిపతులు
అశ్విని నక్షత్రం వారికి(దినపతి శుక్రుడు)
భరణి నక్షత్రం వారికి (దినపతి రాహు)
కృత్తిక నక్షత్రం వారికి (దినపతి రవి)

దిన ఫలం:-ఈ రోజు చిన్న చిన్న అనారోగ్య సమస్యలతో బాధపడతారు. గొడవలు, కొట్లాటలకు ఎంత దూరంగా ఉంటే అంత మంచిది. వ్యాపారాల్లో అనుకోని సమస్యలు వస్తాయి. ఉద్యోగులకు అధిక పని వల్ల ఒత్తిడికి లోనవుతారు. ఆర్థిక సమస్యలు వస్తాయి. 

telugu astrology

వృషభం (కృత్తిక 2 3 4, రోహిణి , మృగశిర 1 2)
నామ నక్షత్రాలు (ఈ-ఊ-ఏ-ఓ-వా-వీ-వూ-వే-వో)
దినాధిపతులు
రోహిణి నక్షత్రం వారికి  (దినపతి కుజుడు)
మృగశిర నక్షత్రం వారికి (దినపతి గురుడు)

దిన ఫలం:-చిన్ననాటి స్నేహితులతో ఆనందంగా ఈ రోజంతా గడుపుతారు. స్థిరాస్థికి సంబంధించిన శుభవార్తలు వింటారు. వృత్తి, వ్యాపారాల్లో మంచి లాభాలు వస్తాయి. ఉద్యోగుల జీతం పెరుగుతుంది. కుటుంబ సభ్యులతో దైవ దర్శనం చేసుకుంటారు. 

telugu astrology

మిథునం (మృగశిర 3 4 ఆరుద్ర ,పునర్వసు 1 2 3)
నామ నక్షత్రాలు (కా-కి-క-కూ-ఖం-జ్ఞ-చ్ఛ-కే-కో-హ-హి)
దినాధిపతులు
ఆరుద్ర నక్షత్రం వారికి  (దినాధిపతి శని)
పునర్వసు నక్షత్రం వారికి  (దినపతి కేతువు )

దిన ఫలం:-ఉద్యోగులు కష్టానికి తగ్గ ఫలితాన్ని పొందుతారు. అధికారుల ప్రశంసలు అందుకుంటారు. రుణ సమస్యలను తీర్చడంలో స్నేహితులు సహాయపడతారు. అన్నదమ్ములతో ఉన్న గొడవలు సర్దుమనుగుతాయి. వృత్తి, వ్యాపారాలు సజావుగా సాగుతాయి. నిరుద్యోగులు శుభవార్తలు వింటారు. 

telugu astrology

కర్కాటకం (పునర్వసు 4, పుష్యమి , ఆశ్లేష )
నామ నక్షత్రాలు (హి-హు-హే-హో-డా-డీ-డూ-డే-డో)
దినాధిపతులు
పుష్యమి నక్షత్రం వారికి  (దినపతి చంద్రుడు)
ఆశ్రేష నక్షత్రం వారికి (దినపతి బుధుడు)

దిన ఫలం:-వృత్తి, వ్యాపారాలు నిరాశ కలిగిస్తాయి. మొదలుపెట్టిన పనులు నత్తనడకన సాగుతాయి. ఇంటి విషయంలో తొందర పాటు నిర్ణయాలు తీసుకుంటే తర్వాత బాధపడాల్సి వస్తుంది. ఉద్యోగులకు ఈ రోజు భారంగా గడుస్తుంది. పిల్లల విషయంలో ఒత్తిడి చెందుతారు. 

telugu astrology

సింహం (మఖ , పుబ్బ , ఉత్తర 1)
నామ నక్షత్రాలు (మా-మీ-మూ-మో-టా-టీ-టూ-టే)
దినాధిపతులు
మఘ నక్షత్రం వారికి (దినపతి శుక్రుడు)
పూ.ఫల్గుణి నక్షత్రం వారికి (దినపతి రాహు)
ఉ.ఫల్గుణి నక్షత్రం వారికి  (దినపతి రవి)

దిన ఫలం:- పాత అప్పులను తీర్చడానికి కొత్త అప్పులు చేయాల్సిన పరిస్థితి ఏర్పడుతుంది. బంధుమిత్రులతో మాటలు పడతారు. ఖర్చులు బాగా పెరుగుతాయి. అందుకే ఖర్చు చేసేముందు ఒకటికి రెండు సార్లు  ఆలోచించండి. కుటుంబ వాతావరణం చిరాకు పెట్టిస్తుంది. వృత్తి, వ్యాపారులకు పనిభారం ఎక్కువగా ఉంటుంది. ఇది వీరికి విశ్రాంతి లేకుండా చేస్తుంది. పుణ్యక్షేత్రాలకు వెళతారు. 

telugu astrology

కన్య (ఉత్తర 2 3 4, హస్త , చిత్త 1 2)
నామ నక్షత్రాలు(టో-పా-పి-పూ-షం-ణా-ఠ-పే-పో)
దినాధిపతులు
హస్త నక్షత్రం వారికి  (దినపతి కుజుడు) 
చిత్త నక్షత్రం వారికి (దినపతి గురుడు)

దిన ఫలం:- కంటికి సంబంధించిన సమస్యలతో బాధపడతారు. ఇతరుల విషయాల్లో జోక్యం చేసుకుంటే మీ పేరు చెడుతుంది. కుటుంబంలో ఒకరి ప్రవర్తన మిమ్మల్ని ఒత్తిడికి గురిచేస్తుంది. వృత్తి, వ్యాపారులు మంచి లాభాలను పొందాలంటే బాగా కష్టపడి పనిచేయాలి. ఉద్యోగులు పై అధికారులతో మాట పడాల్సి వస్తుంది. 

telugu astrology

తుల (చిత్త 3 4 స్వాతి  విశాఖ 1 2 3)
నామ నక్షత్రాలు(రా-రి-రూ-రో-తా-తీ-తూ-తే)
దినాధిపతులు
స్వాతి నక్షత్రం వారికి (దినాధిపతి శని)
విశాఖ నక్షత్రం వారికి(దినపతి కేతువు )

దిన ఫలం:- ఆదాయ మార్గాలు బాగుంటాయి. ఇంట్లో ఆహ్లాదకరమైన వాతావరణం ఉంటుంది. కుటుంబ సభ్యుల సహాయ సహకారాలతో ముఖ్యమైన పనులను పూర్తి చేస్తారు. ఉద్యోగులకు బాధ్యతలు పెరుగుతాయి. వీరి పనికి అధికారుల నుంచి మంచి గుర్తింపు వస్తుంది. 

telugu astrology

వృశ్చికము (విశాఖ 4, అనూరాధ , జ్యేష్ఠ )
నామ నక్షత్రాలు (తో-నా-నీ-నూ-నె-నో-యా-యీ-య)
దినాధిపతులు
అనూరాధ నక్షత్రం వారికి (దినపతి చంద్రుడు)
జ్యేష్ట నక్షత్రం వారికి (దినపతి బుధుడు)

దిన ఫలం:-అన్నదమ్ములతో స్థిరాస్తికి సంబంధించిన సమస్యలు వస్తాయి. వృత్తి, వ్యాపారాలు మరింత లాభసాటిగా సాగుతాయి. ఇన్నాళ్లుగా దేనికోసమైతే ఎదురుచూస్తున్నారో ఆ అవకాశాన్ని పొందుతారు నిరుద్యోగులు. దైవ దర్శనం చేసుకుంటారు. ప్రయాణాల్లో జాగ్రత్తగా ఉండాలి. 

telugu astrology

ధనుస్సు (మూల,  పూ.షాఢ , ఉ.షాఢ 1)
నామ నక్షత్రాలు (యే -యో-య-భా-భీ-భూ-ధ-ఫ-ఢా-భే)
దినాధిపతులు
మూల నక్షత్రం వారికి (దినపతి శుక్రుడు)
పూ.షాఢ నక్షత్రం వారికి  (దినపతి రాహు)
ఉ.షాఢ నక్షత్రం వారికి (దినపతి రవి)

దిన ఫలం:-కుటుంబ సభ్యులతో వివాదాలు ఏర్పడతాయి. శత్రువులు కాస్త మిత్రులుగా మారుతారు. ఆత్మవిశ్వాసంతో పనిచేస్తే అన్నింట్లో విజయం మీదే. అకారణ కోపం కొత్త సమస్యలను తెచ్చిపెడుతుంది. తోడివారితో ఇబ్బందులు వస్తాయి. ప్రభుత్వ సంబంధిత పనుల్లో ఆటంకాలు ఏర్పడతాయి. 

telugu astrology

మకరం (ఉ.షాడ 2 3 4, శ్రవణం , ధనిష్ట 1 2)
నామ నక్షత్రాలు (భో-జా-జి-ఖి-ఖు-ఖె-ఖో-గా-గ)
దినాధిపతులు
శ్రవణా నక్షత్రం వారికి(దినపతి కుజుడు)
ధనిష్ఠ నక్షత్రం వారికి  (దినపతి గురుడు)

దిన ఫలం:-ముఖ్యమైన పనులు మీరు ఊహించని విధంగా పూర్తవుతాయి. నూతన వస్తు, వాహనాలను కొనే యోగం ఉంది. వృత్తి, వ్యాపారాలు లాభాల్లో కొనసాగుతాయి. డబ్బుకు సంబంధించిన విషయాలు ఆశాజనకంగా ఉంటాయి. ఉద్యోగులకు అధికారులతో మాటపట్టింపులు వస్తాయి. 

telugu astrology

కుంభం (ధనిష్ట 3 4, శతభిషం , పూ.భాద్ర 1 2 3)
నామ నక్షత్రాలు (గూ-గే-గో-సా-సీ-సు-సే-సో-దా)
దినాధిపతులు
శతభిషం నక్షత్రం వారికి  (దినాధిపతి శని)
పూ.భాద్ర నక్షత్రం వారికి (దినపతి కేతువు )

దిన ఫలం:-నిరుద్యోగులు శుభవార్త వింటారు. బంధుమిత్రుల నుంచి శుభవార్తలు అందుతాయి. భూమి క్రయ, విక్రయాలు లాభాదాయకంగా ఉంటాయి. వ్యాపారులు తమ పనితనంతో మంచి లాభాలను పొందుతారు. మొదలుపెట్టిన పనులు సకాలంలో పూర్తవుతాయి. 

telugu astrology

మీనం(పూ.భాద్ర 4, ఉ.భాద్ర , రేవతి )
నామ నక్షత్రాలు (దీ-దూ- ఝ-దా-దే-దో-చా-చ)
దినాధిపతులు
ఉ.భాద్ర  నక్షత్రం వారికి (దినపతి చంద్రుడు)
రేవతి నక్షత్రం వారికి (దినపతి బుధుడు)

దిన ఫలం:- ముఖ్యమైన పనులు వాయిదా పడతాయి. ఇదే మీకు మంచిది. బంధుమిత్రులతో కలహాలు ఏర్పడతాయి. వ్యాపారాలు పెట్టుబడి పెట్టే ముందు ఒకటికి రెండు సార్లు ఆలోచించాలి. అనవసర ఖర్చులు తగ్గించుకోవాలి. లేదంటే అప్పులు చేయాల్సి వస్తుంది.