Zodiac signs: ఈ రాశుల వారిని ప్రేమిస్తే.. మిమ్మల్ని నట్టేట ముంచేస్తారు జాగ్రత్త..!

జోతిష్యశాస్త్రం ప్రకారం కూడా కొన్ని రాశులవారి లవ్ లైఫ్ మధ్యలోనే ఆగిపోతుంది. వీరు ప్రేమించిన వారిని మధ్యలోనే వదిలేస్తారు.

Zodiac signs

ప్రేమ జీవితం అందంగా ఉండాలని కోరుకునేవారు చాలా మంది ఉంటారు. ప్రేమించిన వారితో తమ లైఫ్ అంతా ఆనందంగా జీవించాలని కూడా కోరుకుంటారు. కానీ.. అన్ని ప్రేమ కథలు సుఖాంతం కావు. కొన్ని మధ్యలోనే ఆగిపోతాయి. జోతిష్యశాస్త్రం ప్రకారం కూడా కొన్ని రాశులవారి లవ్ లైఫ్ మధ్యలోనే ఆగిపోతుంది. వీరు ప్రేమించిన వారిని మధ్యలోనే వదిలేస్తారు. మరి, ఆ రాశులేంటో చూద్దామా.. ? దానికి గల కారణాలేంటో చూద్దాం...

కర్కాటక రాశి...

కర్కాటక రాశివారు చాలా ఎమోషనల్ పర్సన్స్. ఈ రాశివారిని చంద్రుడు పాలిస్తూ ఉంటాడు. కాబట్టి, వారు సంబంధాలకు గొప్ప ప్రాముఖ్యత ఇస్తారు. ఎక్కువ మందితో స్నేహం చేస్తారు. వీరు చాలా తొందరగా ప్రేమలో పడిపోతారు. కానీ, ప్రేమించిన వారు తమను కొంత నిర్లక్ష్యం చేసినా వీరు తట్టుకోలేరు. చిన్న మాట అన్నా తట్టుకోలేరు. ఇక తమను మోసం చేశారు అనిపిస్తే.. కొంచెం కూడా రాజీ పడరు. వెంటనే ఆ బంధాన్ని తెంచేసుకుంటారు. పూర్తిగా దూరమైపోతారు. చాలా చిన్న విషయానికే ప్రేమించిన వారి హార్ట్ బ్రేక్ చేసేస్తారు.

మిథునరాశి

మిథునరాశి సహజంగా తెలివైనవారు. జీవితంలో చాలా ఉల్లాసంగా కూడా ఉంటారు. సహజంగానే ఈ రాశుల వారికి చాలా విషయాలపై ఆసక్తి చాలా ఎక్కువగా ఉంటుంది. ఒక సంబంధం బోరింగ్‌గా లేదా నిరాశాజనకంగా మారితే, వారు ఎటువంటి ఆలోచన లేకుండా దాని నుండి దూరంగా వెళ్లిపోతారు. వారు కొత్త అనుభవాలను , కొత్త విషయాలను నేర్చుకోవడాన్ని ఇష్టపడతారు. తాము ప్రేమించిన వ్యక్తితో చిన్న తేడా వచ్చినా కూడా ఆ బంధాన్ని వదులుకోవడానికి ఏ మాత్రం ఆలోచించరు. ఈ రాశివారు ప్రేమించిన వ్యక్తికి పూర్తిగా కట్టుబడి ఉండలేరు. ముఖ్యంగా తమను ఎవరైనా కంట్రోల్ చేయాలంటే వీరు అస్సలు ఊరుకోరు. మధ్యలోనే వారికి గుడ్ బై చెప్పేస్తారు.

ధనస్సు రాశి..

ధనస్సు రాశివారు ఎక్కువగా స్వేచ్ఛను కోరుకుంటారు. ఈ రాశివారికి కొత్త విషయాలను నేర్చుకోవడానికి, ప్రపంచాన్ని అనేష్వించడానికి ఇష్టపడతారు. తమను ప్రేమించిన వారు.. తమ స్వేచ్ఛకు అడ్డుగా మారితే వీరు తట్టుకోలేరు. తమ స్వేచ్ఛకు అడ్డుపడే వారికి దూరంగా వెళ్లడానికి వీరు ఏ మాత్రం వెనకాడరు. తమకు నచ్చినంత ఫ్రీడమ్ ఇచ్చినంత వరకు మాత్రమే ప్రేమించిన వారితో కలిసి ఉంటారు. కాస్త తేడా వచ్చినా వారిని చాలా సులభంగా వదిలేస్తారు.

తుల రాశి...

తుల రాశివారు శాంతి, సమతుల్యతను ఇష్టపడే మనసు కలిగి ఉంటారు. వీరు ప్రేమించిన వారితో ఎలాంటి గొడవలు, సమస్యలు లేకుండా ప్రశాంతంగా ఉండాలని వీరు అనుకుంటారు. కానీ, ఏవైనా సమస్యలు వస్తే మాత్రం వీరు తట్టుకోలేరు. ఆ బంధం నుంచి దూరంగా పారిపోవాలని అనుకుంటారు. వీరు బంధం కంటే మనశ్శాంతిని ఎక్కువగా కోరుకుంటారు. సంబంధంలో శాంతి లేనప్పుడు.. వారు ఆ సంబంధాన్ని వదులుకోవడానికి ఏ మాత్రం ఆలోచించరు. అలాంటి వారితో కలిసి ఉండటం కంటే.. దూరంగా ఉండటమే మంచిది అని వీరు భావిస్తారు.వీరికి గొడవలు, వాటి వల్ల వచ్చే ఒత్తిడి ఏ మాత్రం నచ్చదు.

కుంభ రాశి..

కుంభ రాశివారు భావోద్వేగ సంబంధాల కంటే మేధోపరమైన స్నేహాలను ఏర్పరుచుకోవడానికి ఎక్కువగా ఇష్టపడతారు. వీరు ప్రేమించిన వారిని ఏ సమయంలో అయినా , ఏ క్షణమేనా వదిలేస్తారు. ఎంత ప్రేమించినా.. తమ అభిప్రాయాలకు, తమ వ్యక్తిగత స్వేచ్ఛకు విలువ ఇవ్వకపోతే వీరు తట్టుకోలేరు. అలాంటి బంధం తమకు అవసరం లేదు అని ఫీలౌతారు. తమకు ఏదైనా సమస్య వచ్చినట్లు అనిపిస్తే.. ఏ బంధాన్ని అయినా వదులుకుంటారు.