Jupiter Transit: గురు సంచారం.. ఈ 5 రాశులకు డబ్బే డబ్బు!

జ్యోతిష్య శాస్త్రం ప్రకారం గురుడు త్వరలో తన నక్షత్రాన్ని మార్చనున్నాడు. జూన్ 14న ఆరుద్ర నక్షత్రంలోకి ప్రవేశించనున్నాడు. దీనివల్ల 5 రాశుల వారిపై డబ్బుల వర్షం కురుస్తుందట. వీరి జీవితాల్లో ఊహించని మార్పులు వస్తాయట. మరి ఆ రాశులెంటో చూద్దామా.

వృషభ రాశి

గురుడి నక్షత్ర మార్పు వృషభ రాశి వారికి చాలా శుభప్రదం. ఈ సమయంలో వీరి ఆర్థిక స్థితి మెరుగు పడుతుంది. ఆగిపోయిన పనులు పూర్తవుతాయి. మొండి బాకీలు వసూలవుతాయి. కుటుంబంలో ఆనందం పెరుగుతుంది. ఉద్యోగంలో పురోగతి, వ్యాపారంలో లాభాలు ఉంటాయి. ఆస్తి కొనడానికి లేదా పెద్ద పెట్టుబడి పెట్టడానికి ఇది మంచి సమయం.

మిథున రాశి

మిథున రాశి వారికి గురు గ్రహ సంచారం ప్రయోజనకరంగా ఉంటుంది. ఆత్మవిశ్వాసం పెరుగుతుంది. మాటలతో అందరిని ఆకట్టుకుంటారు. ఉద్యోగంలో పదోన్నతులు దక్కవచ్చు. వ్యాపారం అభివృద్ధి చెందుతుంది. విద్యార్థులు మంచి ఫలితాలు పొందుతారు. కొత్త ప్రాజెక్టులు ప్రారంభించడానికి సమయం అనుకూలంగా ఉంటుంది. బుధవారం గణపతిని పూజిస్తే.. పనుల్లో అడ్డంకులు తొలగిపోతాయి.

సింహ రాశి

గురు నక్షత్ర మార్పు సింహ రాశి వారికి శుభప్రదం. వ్యాపారంలో లాభాలు వస్తాయి. ఉద్యోగంలో పెద్ద స్థానం సంపాదించడానికి ఇది మంచి సమయం. స్నేహితులు, సహోద్యోగుల సహకారంతో ఆగిపోయిన పనులు పూర్తి చేస్తారు. పెద్ద లక్ష్యాలు సాధించడానికి ఇది మంచి సమయం. కొత్త ప్రాజెక్టుల్లో పనిచేయడానికి అనుకూలం. పెద్ద మొత్తంలో పెట్టుబడులు పెట్టే విషయంలో జాగ్రత్త వహించాలి.

తుల రాశి

గురు నక్షత్ర మార్పు.. తుల రాశి వారికి శుభ ఫలితాలను ఇస్తుంది. అదృష్టం వీరి వెంటే ఉంటుంది. వ్యాపారం కోసం చేసే ప్రయాణాలు లాభిస్తాయి. చదువు, ఉద్యోగంలో విజయానికి మార్గం సుగమం అవుతుంది. ఆధ్యాత్మిక కార్యక్రమాలు విజయవంతంగా పూర్తి చేస్తారు. కోపంలో పెద్ద నిర్ణయాలు తీసుకోవడం హానికరం. కాబట్టి జాగ్రత్తగా ఉండడం మంచిది.

కుంభ రాశి

గురు నక్షత్ర మార్పు ఈ రాశి వారికి చాలా ప్రయోజనకరంగా ఉంటుంది. పిల్లల నుంచి శుభవార్తలు అందుతాయి. కళలు, సృజనాత్మక రంగాల్లో పనిచేసేవారు మంచి విజయం సాధిస్తారు. ప్రేమ సంబంధాలు బలపడతాయి. గురు నక్షత్ర సంచార సమయంలో కొత్త వ్యాపారం ప్రారంభించవచ్చు. అనవసర వాదనలు గౌరవాన్ని తగ్గిస్తాయి.