Today Rasi Phalalu: ఈ రాశి వారికి అధికారుల అనుగ్రహం.. శత్రువుల నుంచి ఆహ్వానం!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 18.05.2025 ఆదివారానికి సంబంధించినవి.

మేష రాశి ఫలాలు

చేపట్టిన వ్యవహారాల్లో మిత్రుల సహకారం అందుతుంది. ఆరోగ్యం విషయంలో శ్రద్ద వహించాలి. ఆర్థిక పరిస్థితి ఆశాజనకం. దూర ప్రయాణ సూచనలు ఉన్నాయి. సోదరుల నుంచి ఆర్థిక సహాయం అందుతుంది. వృత్తి, ఉద్యోగాలు సంతృప్తిగా సాగుతాయి. వ్యాపారాల్లో తొందరపాటు పనిచేయదు.

వృషభ రాశి ఫలాలు

ఒత్తిడి పెరుగుతుంది. వృథా ఖర్చులు చేస్తారు. దూర ప్రయాణాలు వాయిదా పడతాయి. కుటుంబ సభ్యులతో వివాదాలు కలుగుతాయి. వృత్తి, వ్యాపారాల్లో పెట్టుబడుల విషయంలో ఆలోచించి నిర్ణయాలు తీసుకోవాలి. కుటుంబ పెద్దల ఆరోగ్యం విషయంలో అప్రమత్తంగా ఉండాలి.

మిథున రాశి ఫలాలు

నూతన కార్యక్రమాలను ప్రారంభించి లాభాలు అందుకుంటారు. కుటుంబ సభ్యులతో కీలక విషయాల గురించి చర్చిస్తారు. ఆర్థిక పరిస్థితి మెరుగుపడుతుంది. వృత్తి, వ్యాపారాలు అనుకూలం. నిరుద్యోగులకు కొత్త అవకాశాలు లభిస్తాయి.

కర్కాటక రాశి ఫలాలు

ఆర్థిక పరిస్థితి ఆశాజనకంగా ఉంటుంది. భాగస్వామ్య వ్యాపారాల్లో లాభాలు అందుకుంటారు. కొన్ని వ్యవహారాల్లో కుటుంబ సభ్యుల సహకారం ఉంటుంది. నిరుద్యోగులకు నూతన అవకాశాలు లభిస్తాయి. వృత్తి, ఉద్యోగాల్లో శ్రమకు తగ్గ గుర్తింపు దక్కుతుంది.

సింహ రాశి ఫలాలు

ఆర్థిక పరిస్థితి కొంత అనుకూలంగా ఉంటుంది. దూర ప్రాంతాల నుంచి అందిన సమాచారం ఆసక్తి కలిగిస్తుంది. బంధు మిత్రులతో ఏర్పడిన వివాదాలు పరిష్కారం దిశగా సాగుతాయి. వ్యాపార వ్యవహారాలు వేగవంతం చేస్తారు. వృత్తి, ఉద్యోగాల్లో శుభవార్తలు వింటారు.

కన్య రాశి ఫలాలు

చేపట్టిన వ్యవహారాల్లో ఆటంకాలు ఎదురైనా ధైర్యంగా పూర్తి చేస్తారు. అనుకోకుండా చేసిన ప్రయాణాలు లాభసాటిగా ఉంటాయి. క్రయ విక్రయాల్లో నూతన లాభాలు పొందుతారు. కుటుంబ సభ్యులతో శుభకార్యాల్లో పాల్గొంటారు. ఉద్యోగంలో ఉన్నతి కలుగుతుంది.

తుల రాశి ఫలాలు

వృత్తి, ఉద్యోగాల్లో ఆశించిన స్థానాలు దక్కుతాయి. వ్యాపారంలో ఎదురైనా  అవరోధాలను అధిగమిస్తారు. పిల్లల చదువు విషయాల్లో నూతన అవకాశాలు లభిస్తాయి. ఆర్థిక వ్యవహారాలు ఆశాజనకంగా ఉంటాయి. దూర ప్రాంత మిత్రుల నుంచి కీలక విషయాలు సేకరిస్తారు.

వృశ్చిక రాశి ఫలాలు

భూ సంబంధిత క్రయ విక్రయాల్లో నూతన ఒప్పందాలు చేసుకుంటారు. దీర్ఘకాలిక వివాదాలు తొలగి మానసిక ప్రశాంతత పొందుతారు. వృత్తి, వ్యాపారాల్లో స్వల్ప లాభాలు అందుతాయి. సోదరుల నుంచి ఊహించని ఆర్థిక సహాయం అందుతుంది.

ధనుస్సు రాశి ఫలాలు

విలువైన వస్తువులు కొనుగోలు చేస్తారు. రుణ ఒత్తిడి నుంచి బయటపడతారు. విందు వినోదాలకు ఆహ్వానాలు అందుతాయి. వృత్తి, ఉద్యోగాల్లో నూతన ప్రోత్సాహకాలు పొందుతారు. వ్యాపారాల్లో ఊహించని లాభాలు అందుకుంటారు.

మకర రాశి ఫలాలు

ఉద్యోగులకు అధికారుల అనుగ్రహంతో హోదాలు పెరుగుతాయి. చాలా కాలంగా వేధిస్తున్న సమస్యల నుంచి బయటపడతారు. సంఘంలో గౌరవ మర్యాదలు.. శత్రువుల నుంచి ఊహించని ఆహ్వానాలు అందుతాయి. జీవిత భాగస్వామి సలహాతో నూతన కార్యక్రమాలను ప్రారంభిస్తారు.

కుంభ రాశి ఫలాలు

ఆర్థిక పరిస్థితి అంతంత మాత్రంగా ఉన్నా అవసరానికి డబ్బు అందుతుంది. నిరుద్యోగులకు నూతన అవకాశాలు లభిస్తాయి. ప్రయాణాల్లో పరిచయాలు పెరుగుతాయి. వృత్తి, వ్యాపారాల్లో కీలక నిర్ణయాలు అమలు చేస్తారు. పిల్లల ఉద్యోగ, వివాహ ప్రయత్నాలు అనుకూలిస్తాయి.

మీన రాశి ఫలాలు

వాహన కొనుగోలు ప్రయత్నాలు ఫలిస్తాయి. వృత్తి, ఉద్యోగాల్లో సొంత ఆలోచనలను ఆచరణలో పెడతారు. చేపట్టిన పనులను సకాలంలో పూర్తి చేసి.. ప్రముఖుల నుంచి ప్రశంసలు పొందుతారు. కుటుంబ సభ్యుల నుంచి శుభవార్తలు వింటారు. నూతన వ్యాపార ప్రారంభానికి అవరోధాలు తొలగుతాయి.