Today Rasi Phalalu: ఈ రాశి వారికి అన్నదమ్ములతో ఆస్తి గొడవలు తప్పవు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 30.07.2025 బుధవారానికి సంబంధించినవి.

మేష రాశి ఫలాలు

వృత్తి, ఉద్యోగాల్లో ఒక సంఘటన ఆశ్చర్యం కలిగిస్తుంది. పిల్లలకు చదువు, ఉద్యోగ అవకాశాలు లభిస్తాయి. కొత్త పరిచయాలు పెరుగుతాయి. సోదరుల నుంచి శుభవార్తలు వింటారు. స్థిరాస్తి కొనుగోలు ప్రయత్నాలు ఫలిస్తాయి. వ్యాపారాలు సాఫీగా సాగుతాయి.

వృషభ రాశి ఫలాలు

ఆర్థికంగా కొంత ఇబ్బంది ఉంటుంది. కొత్త అప్పులు చేయాల్సి వస్తుంది. దూర ప్రయాణాల్లో అవాంతరాలు కలుగుతాయి. దైవ కార్యక్రమాలపై దృష్టి సారిస్తారు. కుటుంబ వాతావరణం గందరగోళంగా ఉంటుంది. ఆరోగ్యం విషయంలో అశ్రద్ధ చేయడం మంచిది కాదు. ఉద్యోగులకు పనిభారం ఉంటుంది. 

మిథున రాశి ఫలాలు

ముఖ్యమైన వ్యవహారాల్లో వ్యయప్రయాసలు తప్పవు. మిత్రులతో కలహా సూచనలు ఉన్నాయి. వృత్తి, ఉద్యోగాల్లో పని ఒత్తిడి పెరిగి సమయానికి నిద్రాహారాలు ఉండవు. ఇంటా బయట పరిస్థితులు అనుకూలించవు. దూర ప్రయాణాలు వాయిదా వేయడం మంచిది. వ్యాపారాల్లో నిరాశ తప్పదు.

కర్కాటక రాశి ఫలాలు

ఆప్తుల నుంచి శుభకార్యాలకు ఆహ్వానాలు అందుతాయి. దీర్ఘకాలిక వివాదాలు పరిష్కారమవుతాయి. చిన్ననాటి మిత్రులతో విందు వినోదాల్లో పాల్గొంటారు. కొత్త పరిచయాలు ఏర్పడతాయి. వ్యాపార, ఉద్యోగాలు సామాన్యంగా సాగుతాయి. 

సింహ రాశి ఫలాలు

బంధు మిత్రులతో మాటపట్టింపులు ఉంటాయి. ఆధ్యాత్మిక సేవా కార్యక్రమాల్లో పాల్గొంటారు. వ్యాపారాలు నత్తనడకన సాగుతాయి. చేపట్టిన పనుల్లో జాప్యం కలుగుతుంది. ఉద్యోగులకు తోటివారితో ఊహించని వివాదాలు కలుగుతాయి. నిరుద్యోగులకు కలిసిరాదు.  

కన్య రాశి ఫలాలు

ఆర్థిక పరిస్థితి గతం కంటే మెరుగ్గా ఉంటుంది. సన్నిహితులతో సఖ్యతగా వ్యవహరిస్తారు. స్థిరాస్తి కొనుగోలు ప్రయత్నాలు ఫలిస్తాయి. అప్పుల ఒత్తిడి తగ్గుతుంది. ఉద్యోగాలు సజావుగా సాగుతాయి. కొత్త వ్యాపారాలు ప్రారంభించి లాభాలు అందుకుంటారు.

తుల రాశి ఫలాలు

అనుకోని ప్రయాణాలు చేయాల్సి వస్తుంది. ఆలయ దర్శనాలు చేసుకుంటారు. కుటుంబ సభ్యులతో స్వల్ప విభేదాలు కలుగుతాయి. పాత అప్పులు తీర్చడానికి కొత్త అప్పులు చేస్తారు. అనారోగ్య సమస్యలు బాధిస్తాయి. వ్యాపార, ఉద్యోగాలు నిరుత్సాహ పరుస్తాయి.

వృశ్చిక రాశి ఫలాలు

కుటుంబ వాతావరణం ఉత్సాహంగా ఉంటుంది. మిత్రులతో ఆలయ దర్శనాలు చేసుకుంటారు. వ్యాపారాల విస్తరణ ప్రయత్నాలు ఫలిస్తాయి. చేపట్టిన వ్యవహారాలు సాఫీగా సాగుతాయి. ఆప్తుల నుంచి కీలక సమాచారం సేకరిస్తారు. ఉద్యోగాల్లో అనుకూల వాతావరణం ఉంటుంది.

ధనుస్సు రాశి ఫలాలు

ఆర్థికంగా పురోగతి ఉంటుంది. కుటుంబానికి సంబంధించి కీలక నిర్ణయాలు అమలు చేస్తారు. నిరుద్యోగ ప్రయత్నాలు ఫలిస్తాయి. సమాజంలో ప్రముఖులతో పరిచయాలు పెరుగుతాయి. సన్నిహితుల నుంచి డబ్బు సాయం అందుతుంది. వ్యాపారాలు లాభసాటిగా సాగుతాయి. ఉద్యోగాల్లో ట్రాన్స్ ఫర్ సూచనలు ఉన్నాయి.

మకర రాశి ఫలాలు

కుటుంబ సభ్యులతో ఆలయాలు సందర్శిస్తారు. సోదరులతో స్థిరాస్తి వివాదాలు బాధిస్తాయి. వ్యాపారాలు కొంత మందగిస్తాయి. చేపట్టిన పనుల్లో అవరోధాలు కలుగుతాయి. ఆకస్మిక ప్రయాణాలు చేయాల్సి వస్తుంది. ఉద్యోగులు అధికారుల సాయంతో సమస్యలు పరిష్కరించుకుంటారు.  

కుంభ రాశి ఫలాలు

చేపట్టిన పనులు ముందుకు సాగవు. స్వల్ప అనారోగ్య సమస్యలు చికాకు తెప్పిస్తాయి. ముఖ్యమైన పనుల్లో శ్రమ తప్ప ఫలితం కనిపించదు. భూ సంబంధిత క్రయవిక్రయాలు వాయిదా పడతాయి. వ్యాపారాలు నిదానంగా సాగుతాయి. ఉద్యోగాల్లో ఇతరులతో తొందర పడి మాట్లాడటం మంచిది కాదు.

మీన రాశి ఫలాలు

ఇంటి నిర్మాణ ఆలోచనలు కార్యరూపం దాలుస్తాయి. ఆత్మీయులతో ఆనందంగా గడుపుతారు. ఆధ్యాత్మిక చింతన పెరుగుతుంది. వ్యాపారాలు మరింత పుంజుకుంటాయి. నూతన కార్యక్రమాలకు శ్రీకారం చుడతారు. ఉద్యోగ వాతావరణం ప్రశాంతంగా ఉంటుంది. నిరుద్యోగులకు నూతన అవకాశాలు లభిస్తాయి.