Today Rasi Phalalu: ఈ రాశివారికి డబ్బు విషయాల్లో ఇబ్బందులు తప్పవు!

ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 17.07.2025 గురువారానికి సంబంధించినవి.

మేష రాశి ఫలాలు

చేపట్టిన పనుల్లో అవరోధాలు ఉన్నపటికీ నిదానంగా పూర్తిచేస్తారు. పిల్లలు కొన్ని విషయాల్లో మీ మాటతో విభేదిస్తారు. దూర ప్రయాణాల్లో ఇబ్బందులు ఉంటాయి. వృత్తి, వ్యాపారాలు ఆశించిన స్థాయిలో రాణించవు. ఉద్యోగంలో అదనపు బాధ్యతలు వల్ల విశ్రాంతి ఉండదు. దీర్ఘకాలిక రుణ ఒత్తిడి పెరుగుతుంది.

వృషభ రాశి ఫలాలు

ముఖ్యమైన వ్యవహారాల్లో తొందరపాటు నిర్ణయాలు పనికిరావు. కుటుంబ సభ్యుల ప్రవర్తన చికాకు కలిగిస్తుంది. వాహన కొనుగోలు ప్రయత్నాలు వాయిదా వేస్తారు. ఆర్థిక వ్యవహారాలు మందగిస్తాయి. నిరుద్యోగుల కష్టం ఫలించదు. వ్యాపార, ఉద్యోగాల్లో నిలకడ లోపిస్తుంది.

మిథున రాశి ఫలాలు

ఆర్థిక ఇబ్బందుల నుంచి కొంతవరకు బయటపడతారు. పాత రుణాలు తీరి ఊరట పొందుతారు. నూతన పరిచయాల వల్ల ఆర్ధిక లాభాలు కలుగుతాయి. ఇతరులతో జాగ్రత్తగా వ్యవహరించాలి. కుటుంబ సభ్యుల నుంచి వ్యతిరేకత పెరుగుతుంది. వృత్తి, ఉద్యోగాల్లో సానుకూల ఫలితాలుంటాయి.

కర్కాటక రాశి ఫలాలు

ఒక వ్యవహారంలో ఇంటా బయట సమస్యలు పెరుగుతాయి. దూర ప్రాంతాల నుంచి అరుదైన సమాచారం అందుతుంది. ఆదాయం అంతగా ఉండదు. చిన్ననాటి మిత్రులతో స్వల్ప మాటపట్టింపులుంటాయి. ఉద్యోగంలో తొందరపాటు నిర్ణయాలు తీసుకోవడం మంచిది కాదు. పిల్లల ఆరోగ్యం విషయంలో శ్రద్ద వహించాలి.

సింహ రాశి ఫలాలు

బంధు మిత్రులతో సంతోషంగా గడుపుతారు. ఆకస్మిక ధన ప్రాప్తి కలుగుతుంది. కుటుంబ సభ్యుల ఆరోగ్యం విషయంలో శుభవార్తలు అందుతాయి. నూతన వ్యాపారాలకు సన్నిహితుల నుంచి పెట్టుబడులు అందుతాయి. దాయాదులతో స్థిరాస్తి వివాదాలు పరిష్కారం దిశగా సాగుతాయి. వృత్తి, ఉద్యోగాల్లో పదోన్నతులు పెరుగుతాయి.

కన్య రాశి ఫలాలు

చుట్టుపక్కల వారితో ఊహించని విభేదాలు కలుగుతాయి. డబ్బు వ్యవహారాల్లో చిన్నపాటి ఇబ్బందులు ఉంటాయి. పిల్లల ఉద్యోగ ప్రయత్నాలు కొంత నిరాశ కలిగిస్తాయి. భాగస్వామ్య వ్యాపారాలు అంతంత మాత్రంగా సాగుతాయి. ఆదాయానికి మించి ఖర్చులు పెరుగుతాయి. ఇతరుల వ్యవహారాల్లో జోక్యం చేసుకోకపోవడం మంచిది.

తుల రాశి ఫలాలు

ఆర్థిక పరిస్థితి ఆశాజనకంగా ఉంటుంది. అవసరాలకు సన్నిహితుల నుంచి డబ్బు సహాయం లభిస్తుంది. కీలక వ్యవహారాల్లో కుటుంబ సభ్యుల సహాయ సహకారాలు అందుతాయి. నూతన వ్యాపారాల ప్రారంభానికి శ్రీకారం చుడతారు. దైవ సేవా కార్యక్రమాలపై ఆసక్తి పెరుగుతుంది. నిరుద్యోగులకు శుభవార్తలు అందుతాయి.

వృశ్చిక రాశి ఫలాలు

దూరపు బంధువుల నుంచి కీలక నమాచారం అందుతుంది. చేపట్టిన పనుల్లో విజయం సాధిస్తారు. స్థిరాస్తి వివాదాల్లో సోదరులతో ఒప్పందాలు చేసుకుంటారు. ఆర్థిక పరిస్థితి గతం కంటే మెరుగుపడుతుంది. కుటుంబ సభ్యులతో సఖ్యతగా వ్యవహరిస్తారు. ఉద్యోగంలో అధికారుల ఆదరణ పెరుగుతుంది.

ధనుస్సు రాశి ఫలాలు

దైవ అనుగ్రహంతో అనుకున్న పనులు పూర్తి చేస్తారు. వృత్తి, ఉద్యోగాల్లో వివాదాలు పరిష్కారం దిశగా సాగుతాయి. ఆధ్యాత్మిక సేవ కార్యక్రమాల్లో విశేషంగా పాల్గొంటారు. వృత్తి, వ్యాపారాల్లో లాభాలు అందుకుంటారు. ఆప్తుల నుంచి శుభకార్యాలకు ఆహ్వానాలు అందుతాయి. ప్రయాణాల్లో స్వల్ప ఇబ్బందులు కలుగుతాయి.

మకర రాశి ఫలాలు

కుటుంబ సభ్యులతో కారణం లేకుండా వివాదలు కలుగుతాయి. ఆరోగ్యం విషయంలో వైద్య సంప్రదింపులు అవసరమవుతాయి. ఇంటా బయట కొన్ని పరిస్థితులు చికాకు కలిగిస్తాయి. ఉద్యోగులు అధికారులతో మరింత అప్రమత్తంగా వ్యవహరించాలి. ఆర్థిక ఇబ్బందుల వల్ల ఒత్తిడి పెరుగుతుంది. రుణ ప్రయత్నాలు అంతగా కలిసిరావు.

కుంభ రాశి ఫలాలు

ఉద్యోగంలో అదనపు బాధ్యతల నుంచి కొంత ఉపశమనం లభిస్తుంది. ప్రయాణాల్లో కొత్త పరిచయాలు పెరుగుతాయి. ఆర్థికంగా అనుకూల వాతావరణం ఉంటుంది. పాత రుణాలు తీరుతాయి. ఇంటి నిర్మాణ ఆలోచనలు కార్యరూపం దాల్చుతాయి. వ్యాపార బాధ్యతలు సమర్థవంతంగా నిర్వహించి లాభాలు పొందుతారు.

మీన రాశి ఫలాలు

సోదరుల సహకారంతో కొత్త కార్యక్రమాలకు శ్రీకారం చుడతారు. ఇంటా బయట శ్రమకు తగిన గుర్తింపు లభిస్తుంది. నూతన వ్యాపారాలు విజయవంతంగా సాగుతాయి. నిరుద్యోగులకు అప్రయత్న కార్యసిద్ధి కలుగుతుంది. ఆర్ధిక పరిస్థితి ఆశాజనకంగా ఉంటుంది. ప్రయాణాల్లో అప్రమత్తంగా వ్యవహరించాలి.