Saturn Relief: ఈ రత్నం ధరిస్తే శని మీకు దాసోహం అవ్వాల్సిందే..!

Saturn Relief:  ఏలినాటి శని ప్రభావం ఉన్నంత కాలం ఏ రాశివారు అయినా కష్టాలు పడాల్సిందే. ముఖ్యంగా ఆర్థిక, కుటుంబ సమస్యలు వేధిస్తాయి. అయితే.. ఓ రత్నం ధరించడం వల్ల శని ప్రభావం తగ్గి అదృష్టం పెరుగుతుంది. 

శని అనుగ్రహం..

శని గ్రహాన్ని  జోతిష్యశాస్త్రంలో న్యాయ దేవతగా పరిగణిస్తారు. ఈ శని గ్రహం ప్రతి రెండున్నర సంవత్సరాలకు ఒకసారి రాశిని మార్చుకుంటూ ఉంటుంది. చాలా నెమ్మదిగా కదిలే గ్రహం ఇది. కాగా.. ఏదో ఒక సమయంలో ప్రతి రాశీ శని పరీక్షా కాలాన్ని అనుభవించాల్సిందే. ముఖ్యంగా ఏలినాటి దశ సమయంలో కొన్ని రాశులకు ఊహించని కష్టాలు ఎదురౌతూ ఉంటాయి. అయితే.. ఈ సమయంలో ఒక రత్నాన్ని ధరించడం వల్ల శని ప్రభావం తగ్గుతుంది. అంతేకాదు.. శని అనుగ్రహం కూడా కలుగుతుంది. కష్టాలన్నీ తీరిపోతాయి. మరి, ఆ రత్నం ఏంటి? దాని వల్ల కలిగే ప్రయోజనాలేంటో ఇప్పుడు తెలుసుకుందాం…

నీలమణి..

శని దేవుడి అనుగ్రహం పొందడానికి నీలమణి ధరించాలని నిపుణులు చెబుతున్నారు. ఈ రత్నం ధరించడం వల్ల శని ప్రతికూల ప్రభావాలు తగ్గి. జీవితంలో సంతోషాలు పెరుగుతాయి.  జీవితం చాలా ప్రశాంతంగా మారుతుంది. ఈ నీలమణి స్కై బ్లూ నుంచి ముదురు నీలం రంగుల్లో లభిస్తుంది…

నీలమణి ఎవరు ధరించాలి?

నవంబర్‌లో పుట్టినవారికి నీలిమణిని జన్మరత్నంగా పరిగణిస్తారు. జ్యోతిషశాస్త్రం ప్రకారం, వృషభ, తుల, మకర, కుంభ రాశుల వారు ఈ నీలిమణిని ధరించవచ్చు. మకర, కుంభ రాశులకు శని అధిపతి. ఇక వృషభ, తుల రాశులకు అధిపతి శుక్రుడు. శుక్రుడు శనికి మిత్రుడు కాబట్టి, ఈ రాశుల వారు కూడా ధరించవచ్చని పండితులు సూచిస్తారు.

శని శుభ స్థానంలో ఉన్నప్పటికీ నీలిమణి ధరించవచ్చు. కానీ, నీలిమణితో పాటు కెంపు (మాణిక్యం), ముత్యం, పగడం వంటివి ధరించకూడదు. వాటి ప్రభావాలు దీనికి వ్యతిరేకంగా పనిచేసి, నెగటివ్ ఫలితాలు వచ్చే ప్రమాదం ఉంది. నీలిమణి స్కై బ్లూ, స్విస్ బ్లూ, లండన్ బ్లూ టోపాజ్ అనే మూడు రంగులలో దొరుకుతుంది. ఈ రోజుల్లో ఆభరణాలలో కూడా నీలిమణిని వాడుతున్నారు. ఇది జీవితంలో సానుకూల భావనను కలిగిస్తుంది.

నీలిమణి ధరించడం వల్ల ఇతర లాభాలు...

నీలమణి ధరించడం వల్ల .. మానసిక ఒత్తిడి, ఆందోళన తగ్గుతాయని శాస్త్రం చెబుతోంది. రోగనిరోధక శక్తి, గుండె, మూత్రపిండాల సమస్యలకు కూడా ఇది మేలు చేస్తుందని నమ్ముతారు. ఆర్థిక వృద్ధి, సంపద, విజయం సాధించడానికి ఈ నీలిమణి సహాయపడుతుంది. వ్యాపారం లేదా కెరీర్‌లోని అడ్డంకులను తొలగించడానికి నీలిమణి ధరించాలని సూచిస్తారు. నీలిమణి ధరించడం వల్ల సంబంధాలలో ప్రేమ, విశ్వాసం, విధేయత పెరుగుతాయి.