Malla Reddy: విద్యా సంస్థల అధినేతగా, రాజకీయనాయకుడిగా మల్లారెడ్డికి ఉన్న గుర్తింపు తెలిసిందే. ఇప్పటి వరకు కేవలం తెలంగాణకు మాత్రమే పరిమితమైన మల్లారెడ్డి తన విద్యా సంస్థలను ఇప్పుడు ఆంధ్రప్రదేశ్కు విస్తరించేందుకు సిద్ధమయ్యారు.
మల్లా రెడ్డి తన విద్యా సామ్రాజ్యాన్ని తిరుపతికి విస్తరిస్తున్నారు. ఆధ్యాత్మిక కేంద్రంగా పేరుపొందిన తిరుపతిలో కొత్త విద్యా సంస్థలను ప్రారంభించనున్నారు. ఈ విషయాన్ని మల్లారెడ్డి స్వయంగా తెలిపారు. శుక్రవారం (జూలై 10న) తిరుమల శ్రీవారిని దర్శించుకున్న మల్లారెడ్డి తిరుపతిలో విద్యా సంస్థలను ఏర్పాటు చేస్తున్నట్లు ప్రకటించారు. గత 35 ఏళ్లుగా విద్యా రంగంలో సేవలందిస్తున్నానని... తిరుపతిలో యూనివర్సిటీ స్థాపించాలన్న తన చిరకాల కల నెరవేరిందని అన్నారు మల్లారెడ్డి. 2025లోనే ఈ ఆలోచన చేశానని... శ్రీవారి దయతో ఇప్పుడు అది కార్యరూపం దాల్చిందని అన్నారు. మల్లా రెడ్డి గ్రూప్ ఇప్పటికే తెలంగాణలో పలు ఇంజనీరింగ్, మెడికల్, ఫార్మసీ కళాశాలలను విజయవంతంగా నడుపుతోంది. ఇప్పుడు ఆంధ్రప్రదేశ్ లోని తిరుపతి నగరాన్ని తమ తదుపరి లక్ష్యంగా ఎంచుకున్నారు.
25
విద్యా విస్తరణకు వ్యూహాత్మక కేంద్రం
తిరుపతి నగరాన్ని మల్లా రెడ్డి తమ విద్యా సంస్థల విస్తరణకు ఎంచుకోవడంలో వ్యూహాత్మక ఆలోచన ఉంది. ఈ ప్రాంతం విద్యార్థులకు, తల్లిదండ్రులకు ఆకర్షణీయమైన గమ్యస్థానం. ఆధ్యాత్మిక ప్రాముఖ్యతతో పాటు, తిరుపతి చుట్టుపక్కల ప్రాంతాలు విద్యాపరంగా అభివృద్ధి చెందుతున్నాయి. ఇక్కడ ఉన్నత విద్యా సంస్థలకు మంచి డిమాండ్ ఉంది. ఈ నిర్ణయం మల్లా రెడ్డి విద్యా సంస్థలకు స్థానిక విద్యార్థులను ఆకర్షించే అవకాశాన్ని కల్పిస్తుంది.
35
ఎక్కడ ఏర్పాటు చేయనున్నారు.?
శ్రీవారిని దర్శించుకున్న తర్వాత మల్లారెడ్డి మాట్లాడుతూ.. గతంలో శ్రీవారిని దర్శించుకున్న తర్వాత తిరుపతిలో ఓ యూనివర్సిటీకి అవకాశం కల్పించాలని కోరుకున్నానని తెలిపారు. ఆ రోజు కొండ దిగగానే వర్సిటీ ఏర్పాటుకు స్థలం, భవనాలతో కూడిన పాత శ్రీ కాలేజీ దక్కిందని చెప్పుకొచ్చారు. వెంటనే ఆ భవనాలను ఆధునీకరించి డీమ్డ్ యూనివర్సిటీ ఏర్పాటుకు అనుమతులు కోరగా.. కేంద్ర ప్రభుత్వం నుంచి అనుమతులు వచ్చాయని తెలిపారు. రేణిగుంట విమానాశ్రయం దగ్గర “మల్లారెడ్డి డీమ్డ్ యూనివర్సిటీ”కి అనుమతి ఇచ్చిందని మల్లారెడ్డి వివరించారు. శ్రీవారి అనుగ్రహంతో కేంద్ర, రాష్ట్రాల ప్రభుత్వ సహకారంతో ఏపీలో కూడా రాయలసీమ, ఆంధ్ర ప్రజలకు మంచి ఇంజనీర్లను, ఏఐ నిపుణులను అందిస్తానని మల్లా రెడ్డి చెప్పుకొచ్చారు.
మల్లారెడ్డి విద్యా సంస్థల ప్రవేశంతో తిరుపతిలోని విద్యా రంగంలో పోటీ మరింత పెరుగుతుంది. ఇది ఇప్పటికే ఉన్న సంస్థలకు ఒక సవాలుగా మారుతుంది. ఇప్పటికే ఏపీలోని చాలా మంది విద్యార్థులు హైదరాబాద్లోని మల్లారెడ్డి విద్యా సంస్థల్లో విద్యనభ్యసిస్తున్నారు. కాబట్టి మల్లారెడ్డి బ్రాండ్ను ఏపీ ప్రజలకు ప్రత్యేకంగా పరిచయం చేయాల్సిన పనిలేదని పలువురు అభిప్రాయపడుతున్నారు.
55
మల్లా రెడ్డి భవిష్యత్ ప్రణాళికలు
తిరుపతిలో మల్లా రెడ్డి విద్యా సంస్థల విస్తరణ ఆయన భవిష్యత్ ప్రణాళికలలో ఒక భాగం. ఇది విద్యా వ్యాపారంలో ఆయన పట్టును మరింత బలపరుస్తుంది. రాజకీయ నాయకుడిగా ఆయన ప్రాబల్యాన్ని పెంచుకునేందుకు ఈ విస్తరణ దోహదపడే అవకాశం ఉంది. మల్లా రెడ్డి గ్రూప్ భవిష్యత్తులో ఇతర రాష్ట్రాలకు కూడా విస్తరించేందుకు తిరుపతిని బేస్గా ఉపయోగించుకునే అవకాశాలు ఉన్నాయి.
