pushpa:'పుష్ప' సినిమాపై వైసీపీ నేత వివాదాస్పద 'కుల' వ్యాఖ్యలు

ఈ సినిమాకు పోటీగా ఏ సినిమా లేక‌పోవ‌డంతో  పుష్ప రాజ్‌ త‌గ్గేదేలే అంటూ దూసుకుపోతోంది.  దేవిశ్రీ ప్రసాద్ ఈ సినిమాకు అందించిన సంగీతం దేశ వ్యాప్తంగా మారుమోగిపోతోంది.

 'పుష్ప' సినిమా గ‌త‌ నెల 17న‌ విడుద‌లైన విష‌యం తెలిసిందే. ఎర్ర చంద‌నం స్మ‌గ్లింగ్ వంటి విభిన్న‌ క‌థాంశంతో వ‌చ్చిన ఈ సినిమా ఆలిండియా రికార్డు స్థాయిలో వ‌సూళ్లు రాబ‌డుతోంది. హిందీ మిన‌హా ఇత‌ర భాష‌ల్లో ఈ సినిమా ఇప్ప‌టికే ఓటీటీలోనూ విడుద‌లైంది. భార‌త సినీ రంగంలో టాలీవుడ్ రేంజ్ ఏంటో పుష్ప ద్వారా మ‌రోసారి నిరూపిత‌మైంది. ఈ సమయంలో ఓ  వివాద‌ం పుష్ప సినిమా విష‌యంలో త‌లెత్తింది. ఆంధ్ర‌ప్ర‌దేశ్‌లో అధికార పార్టీకి అధికార ప్ర‌తినిధిగా వ్య‌వ‌హ‌రిస్తున్న ర‌విచంద్రా రెడ్డి.. పుష్ప సినిమాకు సంబంధించి వివాదాస్పద విష‌యాన్ని లేవ‌నెత్తారు.

ఇందులో విల‌న్లు, చెడ్డ ప‌నులు చేసేవాళ్లంద‌రి పేర్లూ రెడ్లే అని.. పుష్ప నిర్మాత అయిన ర‌విశంక‌ర్ క‌మ్మ కుల‌స్థుడు కావ‌డంతో ఉద్దేశ‌పూర్వ‌కంగా రెడ్ల‌ను కించ‌ప‌రిచేలా ఇందులో విల‌న్ పాత్ర‌ధారుల్ని రెడ్లుగా చూపించార‌ని ఆయ‌న ఆగ్ర‌హం వ్య‌క్తం చేశారు. ఇక సినిమాలో కొండారెడ్డి, అత‌డి ఫ్యామిలీ స్మ‌గ్లింగ్ చేస్తున్న‌ట్లు చూపిస్తారు. ఈ వివాదం ఇప్పుడు ఏ స్దాయికు వెళ్తుందో చూడాల్సి ఉంది.

మరో ప్రక్క ఈ సినిమాకు పోటీగా ఏ సినిమా లేక‌పోవ‌డంతో  పుష్ప రాజ్‌ త‌గ్గేదేలే అంటూ దూసుకుపోతోంది. సుకుమార్ త‌న‌దైన రీతిలో సినిమాను తెర‌కెక్కించ‌డం, అల్లు అర్జున్, రష్మిక, ఫహాద్‌ ఫాజిల్, సునీల్, అన‌సూయ వంటి వారి న‌ట‌న ఈ సినిమా ఇంతటి భారీ క‌లెక్ష‌న్లు సాధించ‌డానికి కార‌ణ‌మైంది. దేవిశ్రీ ప్రసాద్ ఈ సినిమాకు అందించిన సంగీతం దేశ వ్యాప్తంగా మారుమోగిపోతోంది.

మరో ప్రక్క హిందీలోనూ  'పుష్ప' జోరు మామూలుగా లేదు. విడుద‌లై 20 రోజులు దాటిన‌ప్ప‌టికీ పుష్పకు హిందీలో పోటీ ఇచ్చే సినిమా ఇంత‌వ‌ర‌కు రాలేదు. దీంతో ఈ సినిమా రూ.80 కోట్ల క్ల‌బ్‌లో చేరింది. అల్లు అర్జున్, సుకుమార్ కాంబినేష‌న్‌లో వ‌చ్చిన పుష్ప హిందీలో వ‌న్ హార్స్ రేస్  కొన‌సాగిస్తోంద‌ని సినీ విశ్లేష‌కుడు త‌ర‌ణ్ ఆద‌ర్శ్ తెలిపారు.

 ఇప్ప‌టికీ ఈ మాస్ ఎంట‌ర్‌టైన్‌మెంట్ భార‌త్‌లో నంబ‌ర్ 1గా ఉంద‌ని చెప్పారు. క‌రోనా స‌మ‌యంలోనూ పుష్ప దూసుకుపోతోంద‌ని త‌ర‌ణ్ ఆద‌ర్శ్ అన్నారు. ఈ సినిమా హిందీలో గ‌త‌ శుక్ర‌వారం రూ.1.95 కోట్లు, శ‌నివారం రూ.2.56 కోట్లు, ఆదివారం రూ.3.48 కోట్లు రాబ‌ట్టింద‌ని ఆయ‌న చెప్పారు. మొత్తానికి రూ.80.48 కోట్లు సాధించింద‌ని వివ‌రించారు.

  పుష్పరాజ్ గా అల్లు అర్జున్ ఒన్ మేన్ షో చేశాడు. రాయలసీమ డిక్షన్, పుష్పరాజ్ గా అతడి పెర్ఫార్మెన్స్ నభూతో నభవిష్యతి అన్న రీతిలో సాగింది. ఇంతకు ముందు అల్లు అర్జున్ ను ఇలాంటి పాత్రలో చూసి ఉండని అభిమానులకి ఈ సినిమా .. ప్రీరిలీజ్ ఈవెంట్ లో  సునీల్ అన్నట్టు నిజంగా పెళ్ళి తర్వాత వచ్చే రిసెప్షన్ భోజనం లాంటిదే అనిపించింది.