RRR official update: వరల్డ్ బిగ్గెస్ట్ సర్‌ప్రైజ్‌కి సిద్ధమైన రాజమౌళి టీమ్‌..

దాదాపు రెండు నెలల పాటు మెసలనివ్వకుండా ప్రమోషన్‌ చేసేందుకు జక్కన్న టీమ్‌ రెడీ అవుతుందట. తాజాగా ఓ క్రేజీ అప్‌డేట్‌ ఇచ్చారు. ఈ నెల 29న వరల్డ్ బిగ్గెస్ట్ సర్‌ప్రైజ్‌ ఇవ్వబోతున్నట్టు చెప్పింది యూనిట్‌. 

తెలుగులోనే కాదు, ఇండియా వైడ్‌గా అత్యంత ప్రతిష్టాత్మకంగా, అత్యంత భారీ బడ్జెట్‌తో రూపొందుతున్న చిత్రం `ఆర్‌ఆర్‌ఆర్‌`(RRR Movie). దర్శకధీరుడు రాజమౌళి(Rajamouli) దర్శకత్వంలో తెరకెక్కుతున్న చిత్రమిది. ఎన్టీఆర్‌(Ntr), రామ్‌చరణ్‌(Ram Charan) హీరోలుగా నటిస్తున్నారు. బాలీవుడ్‌ నటి అలియాభట్‌, బ్రిటీష్‌ నటి ఒలీవియా మోర్రీస్‌ హీరోయిన్లుగా నటిస్తున్నారు. అజయ్‌ దేవగన్‌, శ్రియా కీలక పాత్రలు పోషిస్తున్నారు. తెలుగుతోపాటు దాదాపు పది ఇండియన్‌ లాంగ్వేజెస్‌లో పాన్‌ ఇండియన్‌ చిత్రంగా సినిమా విడుదల కాబోతుంది. జనవరి 7న సినిమాని ప్రపంచ వ్యాప్తంగా విడుదల చేయబోతున్నారు. 

ఈ నేపథ్యంలో RRR Movie ప్రమోషన్‌ కార్యక్రమాలు షురూ చేశారు. దాదాపు రెండు నెలల పాటు మెసలనివ్వకుండా ప్రమోషన్‌ చేసేందుకు జక్కన్న టీమ్‌ రెడీ అవుతుందట. తాజాగా ఓ క్రేజీ అప్‌డేట్‌ ఇచ్చారు. october 29thన వరల్డ్ బిగ్గెస్ట్ సర్‌ప్రైజ్‌ ఇవ్వబోతున్నట్టు చెప్పింది యూనిట్‌. మునుపెన్నడూ చూడని విధంగా ఉంటుందని తెలిపింది. అంతేకాదు అదే రోజు ఓ క్రేజీ ఎగ్జైటింగ్ అప్‌డేట్‌ ఇవ్వబోతున్నట్టు తెలిపింది యూనిట్‌. ఈ మేరకు ట్విట్టర్‌ ద్వారా ఈ విషయాన్ని వెల్లడించారు. 

ఈ నెల 29న `ఆర్‌ఆర్ఆర్‌` టీమ్‌ ఏం సర్ప్రైజ్‌ చేయబోతున్నారనేది ఆసక్తికరంగా మారింది. అయితే ఆ రోజు `ఆర్‌ఆర్‌ఆర్‌` చిత్రానికి సంబంధించిన టీజర్‌ని విడుదల చేసే అవకాశం ఉందట. అంతేకాదు దుబాయ్‌లో ప్రీ రిలీజ్‌ ఈవెంట్‌ డిటెయిల్స్ కూడా ఇవ్వబోతున్నట్టు తెలుస్తుంది. దుబాయ్‌లో భారీ ఎత్తున ఈ ఈవెంట్‌ని ప్లాన్‌ చేస్తున్నట్టు సమాచారం. మరోవైపు దీపావళి సందర్భంగా కూడా మైండ్‌ బ్లోయింగ్‌ ట్రీట్‌ ఇవ్వాలని రాజమౌళి బృందం సన్నాహాలు చేస్తుందట. 

ప్రస్తుతం సినిమాపై ఆశించిన స్థాయిలో హైప్‌ లేదు. దాదాపు నాలుగు సార్లు వాయిదా పడటంతో క్రమంగా అంచనాలు తగ్గిపోయాయి. దీంతో వరల్డ్ వైడ్‌గా ఈ సినిమా ప్రమోట్‌ చేయాలని, భారీ అంచనాలు పెంచాలని అనుకుంటున్నారట. అందులో భాగంగానే విదేశాల్లో ఈవెంట్లు ప్లాన్‌ చేస్తున్నట్టు తెలుస్తుంది. అంతేకాదు ఇండియాలోని ప్రధాన నగరాల్లోనూ ఈవెంట్లు ఏర్పాటు చేసి ప్రమోషన్‌ గట్టిగా చేయబోతున్నట్టు సమాచారం. దాదాపు రెండు నెలలపాటు ఆడియెన్స్ ని `ఆర్‌ఆర్‌ఆర్‌` ప్రమోషన్‌తో ఎంగేజ్‌ చేయాలని చూస్తున్నారు. 

`ఆర్‌ఆర్‌ఆర్‌` సినిమా జనవరి 7న విడుదల కాబోతుంది. ఈ సినిమా తెలుగు రాష్ట్రాల్లో కేవలం వారం రోజులపాటు మాత్రమే కలెక్షన్లని రాబట్టుకునే ఛాన్స్ ఉంది. ఆ తర్వాత పవన్‌ కళ్యాణ్‌ `భీమ్లా నాయక్‌`, మహేష్‌ `సర్కారు వారి పాట`, ప్రభాస్‌ `రాధేశ్యామ్‌` చిత్రాలు బ్యాక్‌ టూ బ్యాక్‌ 12,13,14 తేదీల్లో విడుదల కాబోతున్నాయి. ఈ భారీ చిత్రాల ప్రభావం `ఆర్‌ఆర్‌ఆర్‌`పై గట్టిగానే ఉంటుంది. అందుకోసం ఇతర స్టేట్స్ మార్కెట్‌, ఇతరదేశాల మార్కెట్‌పై కన్నేసిందట `ఆర్‌ఆర్‌ఆర్‌` టీమ. అందులో భాగంగా ఊహించని విధంగా ప్రమోషన్‌ కార్యక్రమాలు ప్లాన్‌ చేసినట్టు తెలుస్తుంది.