ఎన్టీఆర్ ని ఫాలో అవుతున్న రేణుదేశాయ్

ఎన్టీఆర్ హోస్టుగా బిగ్ బాస్ షో మరో రెండు వారాల్లో ముగియనున్న బిగ్ బాస్ మరో రియాల్టీ షోకి హోస్టుగా రేణు దేశాయ్

పవన్ కల్యాణ్ మాజీ భార్య రేణుదేశాయ్.. యంగ్ టైగర్ ఎన్టీఆర్ బాటలో నడుస్తోంది. ప్రస్తుతం ఎన్టీఆర్.. స్టార్ మాలో ప్రసారమౌతున్న  రియాల్టీ షో ‘బిగ్ బాస్’ కి హోస్టుగా వ్యవహరిస్తున్న సంగతి తెలిసందే. ఆ బిగ్ బాస్ షో.. మరో రెండు వారాల్లో పూర్తి కానుంది. ఆ తర్వాత.. ఓ డ్యాన్స్ రియాల్టీ షోని ప్రసారం చేసేందుకు స్టార్ మా ఏర్పాట్లు చేస్తోంది.

 అయితే.. ఈ  డ్యాన్స్ రియాల్టీ షోకి రేణుదేశాయ్ హోస్టుగా వ్యవహరించనున్నారు.  పవన్ కల్యాణ్ తో  వివాహం అయిన తర్వాత సినిమాల్లో నటించడానికి రేణు.. స్వస్తి పలికిన సంగతి తెలిసిందే.  తర్వాత కొన్ని కారణాలతో ఆమె పవన్ తో విడిపోయారు. ఆ తర్వాత తన పిల్లల ఆలనా పాలనా చూస్తూనే ఓ సినిమాకి దర్శకత్వం వహించారు.

తాజాగా డ్యాన్స్ షోకి హోస్టుగా వ్యవహరించేందుకు అంగీకరించారు. మరి నటిగా, ఓ తల్లిగా తనను తాను నిరూపించుకున్న రేణు.. హోస్టుగా ఎంత వరకు నిరూపించుకుంటారో చూడాలి.