అందరి దృష్టిని ఆకర్షిస్తున్న ‘దృష్టి’

రాహుల్ రవీంద్రన్ హీరోగా ‘దృష్టి’ సినిమా సమంత విడుదల చేసిన దృష్టి ఫస్ట్ లుక్ ఫస్ లుక్ కి ట్రెమండరస్ రెస్పాన్స్ 

అందాల రాక్షసి ఫేం రాహుల్ రవీంద్రన్ కథానాయకుడిగా నటిస్తున్న చిత్రం ‘దృష్టి’. ఈ చిత్ర ఫస్ట్ లుక్ ని సినీ నటి సమంత విడుదల చేశారు.  ఈ ఫస్ట్ లుక్ కి రెస్పాన్స్ బాగా వస్తోందని చిత్ర బృందం చెబుతోంది. ఎమ్ స్వేర్ బ్యానర్ పై తెరకెక్కుతున్న ఈ సినిమాకి రామ్ అబ్బరాజు దర్శకత్వం వహిస్తున్నారు. రాహుల్ సరసన పావని గంగి రెడ్డి నటిస్తుండగా.. వెన్నెల కిశోర్, సత్య ప్రకాష్, రవి వర్మ, ప్రమోదినీ తదితరులు కీలక పాత్ర పోషిస్తున్నారు.

ఈ సందర్భంగా దర్శక నిర్మాతలు మాట్లాడుతూ.. ఈ చిత్ర ఫస్ట్ లుక్ ని సమంత విడుదల చేయడం చాలా సంతోషంగా ఉందన్నారు. ఫస్ట్ లుక్ మంచి రెస్పాన్స్ వస్తోందని.. రాహుల్ ని ఇంతకముందెన్నడూ చూడని కోణంలో చూపించనున్నట్లు వారు చెప్పారు. ప్రస్తుతం షూటింగ్ పూర్తి చేసుకున్న ఈ చిత్రం పోస్ట్ ప్రొడక్షన్ కార్యక్రమాలు జరుపుకుంటోందన్నారు. త్వరలోనే ప్రీరిలీజ్ ఈవెంట్ చేసి.. వెంటనే ప్రేక్షకుల ముందుకు తీసుకువస్తామన్నారు.