జూ.ఎన్టీఆర్‌ నెక్ట్స్ సినిమా ఇదే, కానీ చిన్న ట్విస్ట్.. రిలీజ్‌ డేట్‌ కూడా ఫిక్స్?

Ntr Next Movie : జూ ఎన్టీఆర్‌ చేతిలో ప్రస్తుతం మూడు సినిమాలున్నాయి. తాజాగా మరో మూవీ కూడా కన్ఫమ్‌ అయ్యింది. అది 2027లో దీన్ని రిలీజ్‌ చేసే ఆలోచనలో ఉన్నట్టు సమాచారం.   

Ntr Next Movie : జూ ఎన్టీఆర్‌ సినిమాల లైనప్‌ కూడా భారీగానే ఉంది. క్రమంలో ఒక్కో ప్రాజెక్ట్ యాడ్‌ అవుతుంది. ఇప్పుడు ఆయన చేతిలో కూడా వరుసగా పాన్‌ ఇండియా మూవీస్‌ ఉన్నాయి. గతేడాది `దేవర`తో ఆకట్టుకున్న విషయం తెలిసిందే. ఇప్పుడు మూడు సినిమాలు ఆయన చేతిలో ఉన్నాయి. తాజాగా మరో మూవీ కూడా ఓకే అయ్యింది. 

`జైలర్‌` ఫేమ్‌ నెల్సన్‌ దిలీప్‌ కుమార్‌ దర్శకత్వంలో భారీ పాన్‌ ఇండియా మూవీ 

ఎన్టీఆర్‌.. తమిళ దర్శకుడుతో ఓ సినిమా చేయబోతున్నట్టు వార్తలు వచ్చిన విషయం తెలిసిందే. `జైలర్‌` ఫేమ్‌ నెల్సన్‌ దిలీప్‌ కుమార్‌ దర్శకత్వంలో సినిమా చేసేందుకు చర్చలు జరుగుతున్నాయని వార్తలు వచ్చాయి. అయితే ఇది కన్ఫమ్‌ అయ్యిందట. ఈ మూవీకి అనిరుధ్‌ రవిచందర్‌ సంగీతం అందించబోతున్నారు.

వీరి కాంబినేషన్‌లో మూవీ ఓకే అయ్యిందని తెలుస్తుంది. అయితే ఈ మూవీని మైత్రీ మూవీ మేకర్స్ నిర్మించబోతున్నారనే వార్తలు వచ్చాయి. కానీ ఇప్పుడు నిర్మాణ సంస్థ మారిందట. సితార ఎంటర్‌టైన్‌మెంట్‌ రంగంలోకి దిగింది. అంతేకాదు దర్శకుడికి అడ్వాన్స్ కూడా ఇచ్చారట.

దీంతో ఈ ప్రాజెక్ట్ లాక్‌ అయ్యిందని సమాచారం. అన్ని కుదిరితే వచ్చే ఏడాది ఈ మూవీని స్టార్ట్ చేసి, 2027లో విడుదల చేయాలనేది ప్లాన్‌ అని సమాచారం. ఈ మూవీకిగానూ నెల్సన్‌ ఏకంగా రూ.50కోట్లు పారితోషికం డిమాండ్‌ చేస్తున్నాని సమాచారం.

ప్రస్తుతం ఎన్టీఆర్‌ చేతిలో `వార్‌ 2`, ప్రశాంత్‌ నీల్‌ మూవీ, `దేవర 2`..

ప్రస్తుతం ఎన్టీఆర్‌ హిందీలో `వార్‌ 2`లో నటిస్తున్నారు. ఈ మూవీ షూటింగ్‌ దాదాపుగా అయిపోయింది. ఇటీవలే హృతిక్‌ రోషన్‌, తారక్‌లపై ఓ స్పెషల్‌ డాన్స్ నెంబర్‌ని కూడా షూట్‌ చేశారట. ఇది సినిమాకే హైలైట్‌గా ఉంటుందట. ఇద్దరూ బెస్ట్ డాన్సర్లు, వారిద్దరు కలిస్తే ఆ డాన్స్ ఏం రేంజ్‌లో ఉంటుందో ఊహించుకోవచ్చు. ఈ మూవీని ఆగస్ట్ 15న విడుదల చేయాలనుకుంటున్నారట. 

దీంతోపాటు ప్రశాంత్‌ నీల్‌ దర్శకత్వంలో సినిమా చేస్తున్నారు తారక్‌. ఇటీవలే ఈ మూవీ షూటింగ్‌ ప్రారంభమైంది. త్వరలోనే తారక్‌ ఈ మూవీ చిత్రీకరణలో పాల్గొనబోతున్నారట. కంటిన్యూగా ఈ మూవీ షూటింగ్‌లోనే ఉంటారు తారక్‌. అనంతరం `దేవర 2`లో జాయిన్‌ అవుతారట. ఈ ఏడాది ద్వితీయార్థంలో `దేవర 2` ఉంటుందని సమాచారం.

దర్శకుడు కొరటాల శివ దీనికి సంబంధించిన స్క్రిప్ట్ ని ప్రిపేర్‌ చేస్తున్నారు. ప్రశాంత్‌ నీల్‌ మూవీ అయిపోయిన వెంటనే తారక్‌.. `దేవర 2`లో జాయిన్‌ అవుతారు. అనంతరం నెల్సన్‌ దిలీప్‌కుమార్‌ మూవీ స్టార్ట్ కాబోతుంది. ప్రస్తుతం నెల్సన్‌ రజనీకాంత్‌తో `జైలర్‌ 2` మూవీని తెరకెక్కిస్తున్నారు. అనంతరం ఎన్టీఆర్‌ మూవీపై వర్క్ చేయనున్నారు.