అలాంటి పాత్రల్లో నటించాలనుంది.. కౌశల్ వ్యాఖ్యలు!

బిగ్ బాస్ సీజన్ 2 తో హీరోతో సమానమైన క్రేజ్ ని సంపాదించుకున్నాడు కౌశల్. ఒక రియాలిటీ షోతో ఇంతటి ఫాలోయింగ్ దక్కడం మామూలు విషయం కాదు. ఇప్పటికే అతడికోసం పలు వాణిజ్య కంపనీలు క్యూ కట్టేశాయి. అమెరికాలో కూడా అతడితో షోలు చేయించడానికి ప్లాన్ చేస్తున్నారు.

నవంబర్ లో కౌశల్ అమెరికాకి వెళ్లి అక్కడ కొన్ని కార్యక్రమాల్లో పాల్గొనున్నాడు. ఓ పక్క అతడిని సినిమాల్లోకి తీసుకునే ప్రయత్నాలు కూడా జరుగుతున్నాయి. బోయపాటి-రామ్చరణ్ సినిమాలో ఇప్పటికే అవకాశం దక్కించుకున్నాడు.

దీనికి సంబంధించిన అధికార ప్రకటన రానుంది. ఇప్పటివరకు క్యారెక్టర్ ఆర్టిస్ట్ గా అడపాదడపా అవకాశాలు దక్కించుకున్న కౌశల్ ఇప్పుడు తన కోసం ప్రత్యేకమైన పాత్రలు రావాలని కోరుకుంటున్నాడు.

'దృవ' సినిమాలో అరవింద్ స్వామి చేసిన పాత్ర తనకి చాలా ఇష్టమని, తనకు అలాంటి పాత్రలు సూట్ అవుతాయని అంటున్నాడు. అటువంటి పాత్రలు వస్తే కచ్చితంగా సినిమాలలో నటిస్తానని అన్నాడు. ప్రత్యేకంగా అనిపించే పాత్రల్లోనే చేయాలని అనుకుంటున్నట్లు వెల్లడించాడు. 

ఇవి కూడా చదవండి..