'చిత్రాంగద'ను సొంతం చేసుకున్న అభిషేక్ పిక్చర్స్

 ప్రముఖ కథానాయిక అంజలి టైటిల్ పాత్రలో తెలుగు, తమిళ భాషల్లో ఓ క్రేజీ చిత్రం రూపొందుతోంది. తెలుగులో చిత్రాంగద పేరుతో.. తమిళంలో యార్నీ పేరుతో ఏకకాలంలో తెరకెక్కుతోన్న ఈ హరీజెంటల్ థ్రిల్లర్ కామెడీ చిత్రానికి అశోక్ దర్శకత్వం వహిస్తున్నారు.

ప్రస్తుతం చిత్రాంగద మూవీ నిర్మాణానంతర పనులు జరుగుతున్నాయి. కాగా ఈ చిత్రానికి సంబంధించిన తెలుగు వెర్షన్ ప్రపంచవ్యాప్త హక్కులను  ప్రముఖ నిర్మాణ సంస్థ అభిషేక్ పిక్చర్స్ సొంతం చేసుకోవడం విశేషం. ఈ  సందర్భంగా నిర్మాతలు చిత్ర విశేషాలు తెలియజేస్తూ  ఇటీవల ఈ చిత్ర ఫస్ట్‌కాపీని చూసిన అభిషేక్ పిక్చర్స్ అధినేతలు.. ఎంతో ఇంప్రెస్ అయ్యామన్నారు. ఫ్యాన్సీ రేటుతో తెలుగు వెర్షన్ ప్రపంచవ్యాప్త హక్కులను సొంతం చేసుకున్నందుకు సంతోషంగా ఉందన్నారు.

"ఇప్పటి వరకు ఎవరూ టచ్ చేయని హరీజెంటల్ థ్రిల్లర్ కామెడీ జానర్‌లో రూపొందుతున్న చిత్రమిది. సినిమా ఆద్యంతం ఉత్కంఠగా, ఆసక్తికరంగా వుంటుంది. చిత్రంలో వుండే ట్విస్ట్‌లు ఆడియన్స్‌కు షాక్ గురిచేస్తాయి. అంజలి పాడిన పాట చిత్రానికి హైలైట్‌గా వుంటుంది. తెలుగుతో పాటు తమిళంలో కూడా అంజలియే ఈ పాట పాడింది.ఇప్పటి వరకు కథానాయిక అంజలిని తన కెరీర్‌లో చేయనటువంటి ఓ విభిన్నమైన పాత్రను చిత్రాంగదలో పోషిస్తుంది. టైటిల్ పాత్రలో ఆమె అభినయం చిత్రానికి హైలైట్‌గా వుంటుంది. కొన్ని అదృశ్య శక్తుల కారణంగా ఆమె జీవితం ఏ విధంగా చిక్కుల్లో పడింది? తనకు ఎదురైన సవాళ్లను అధిగించే క్రమంలో చిత్రాంగదకు ఎలాంటి పరిస్థితులు ఎదురయ్యాయి? అన్నదే మా చిత్ర ఇతివృత్తం" అని సంస్థ అధినేతలు తెలిపారు.

గీతాంజలి తర్వాత అంజలి నటిస్తున్న మరో లేడి ఓరియెంటెడ్ చిత్రమిది. మహిళా ప్రధాన కథాంశంతో రూపొందిస్తున్న ఈ హారర్, థ్రిల్లర్‌లో ప్రతి సన్నివేశం ఊహించని మలుపులతో ఆద్యంతం ఉత్కంఠభరితంగా సాగుతుంది. కథానుగుణంగా ఆమెరికాలోని పలు అందమైన లొకేషన్స్ కీలక ఘట్టాల్ని చిత్రీకరించాం. ఈ నెలాఖరులో ఆడియోను, డిసెంబరు మొదటివారంలో చిత్రాన్ని  విడుదల చేయడానికి సన్నాహాలు చేస్తున్నాం అన్నారు.

జెపీ, సప్తగిరి, రాజారవీంద్ర,  సిందుతులానీ,రక్ష, దీపక్, సాక్షిగులాటి, జబర్ధస్త్ సుధీర్, జ్యోతి తదితరులు నటిస్తున్న ఈ చిత్రానికి సంగీతం: సెల్వగణేష్, స్వామినాథన్,  ఎడిటర్: ప్రవీణ్‌పూడి, కెమెరా:బాల్‌రెడ్డి (హైదరాబాద్) మరియు, జేమ్స్ క్వాన్, రోహిన్ (యూఎస్‌ఎ), సమర్పణ: టీసీఎస్ రెడ్డి, వెంకట్ వాడపల్లి,  కథ-స్క్రీన్‌ప్లే-మాటలు-దర్శకత్వం: అశోక్.జి, నిర్మాతలు: గంగపట్నం శ్రీధర్, రెహమాన్.