జగిత్యాల ప్రేమదేశం కథ: 'Rx100' డైరెక్టర్ ఏమన్నాడంటే!

జగిత్యాలలో ఇద్దరు విద్యార్ధులు ఆత్మహత్య చేసుకోవడం కలకలం సృష్టించింది. ఒకే అమ్మాయిని ఇద్దరు స్నేహితులు ప్రేమించడంతో ఆమె ఎవరినీ పట్టించుకోవడం లేదనే కోపంతో ఇద్దరు స్నేహితులు పెట్రోల్ పోసుకొని నిప్పంటించుకున్నారు.

దీంతో ఇద్దరూ కూడా మృత్యువాత పడ్డారు. అయితే ఈ ఆత్మహత్యల వెనుక 'Rx100' సినిమా ప్రభావం ఉందని విచారణలో తేలింది. ఆ సినిమాలో హీరోలానే తాము కుడా సూసైడ్ చేసుకోవాలని ఇద్దరు విద్యార్ధులు ప్రయత్నించారని పోలీసులు నిర్ధారణకి వచ్చారు. దీంతో అన్ని పేపర్లలో, సోషల్ మీడియాలలో 'Rx100' ప్రభావంతో ఆత్మహత్యలు అంటూ వార్తలు వచ్చాయి.

ఈ విషయంపై స్పందించిన 'Rx100'దర్శకుడు అజయ్ భూపతి.. ''చనిపోయిన ఇద్దరు విద్యార్ధులకు ఇంకా పద్దెనిమిది సంవత్సరాలు నిండలేదు. నేను తీసిన సినిమా వారి కోసం కాదు. అది పూర్తిగా A స‌ర్టిఫికెట్ సినిమా. అలాంటి సినిమాల‌కు 18 ఏళ్లు నిండనివాళ్ల‌కు అనుమ‌తి లేదు. వాళ్ల‌ని అస్స‌లు థియేట‌ర్ల‌లోప‌లికే అనుమ‌తించ‌కుండా చూడాల్సింది'' అంటూ తెలివిగా సమాధానం చెప్పాడు. 

సంబంధిత వార్తలు..