కౌశల్ ద్వారా పవన్ పై సెటైర్ వేసిన ఏబీఎన్ ఆర్కే!

ఏబీఎన్ ఛానెల్ అధినేత ఆర్కే నిర్వహిస్తోన్న 'ఓపెన్ హార్ట్ విత్ ఆర్కే' ప్రోగ్రామ్ కి బిగ్ బాస్2 విజేత కౌశల్ ని ఆహ్వానించారు. ఆయనతో ఓ ఇంటర్వ్యూ చేసిన ఆర్కే అతడి ద్వారా పవన్ కళ్యాణ్ అలానే అతడి ఫ్యాన్స్ మీద సెటైర్ వేశాడు. అదెలా అంటే.. కౌశల్ కోసం ఏర్పడ్డ కౌశల్ ఆర్మీ ఇతర కంటెస్టెంట్స్ ని ట్రోల్ చేస్తున్నారు.

ఈ ప్రస్తావన కౌశల్ వద్ద తీసుకొచ్చి అతడికి సలహా ఇచ్చారు. ఉదాహరణగా పవన్ కళ్యాణ్ ఫ్యాన్స్ ని తీసుకొచ్చి.. ''పవన్ కళ్యాణ్ అభిమానులు అతడిని ఎంతగానో ప్రేమిస్తారు. కానీ వారు సోషల్ మీడియాలో పవన్ హేటర్స్ పై విరుచుకుపడుతుంటారు. 

అది సరైన పద్ధతి కాదు. కౌశల్ ఆర్మీ విషయంలో కూడా అలానే జరుగుతోంది. కాబట్టి మీరే(కౌశల్) దీన్ని బాధ్యతగా తీసుకొని ఇటువంటి పరిస్థితులు చోటు చేసుకోకుండా చూడాలి'' అంటూ పవన్ ఫ్యాన్స్ మీద సెటైర్ వేశారు.

ఈ ప్రశ్నకు సమాధానంగా కౌశల్ అతడి భార్య నీలిమ ఎవరు కౌశల్ అభిమానులో, ఎవరు అతడి పేరు చెప్పి మిగిలిన కంటెస్టెంట్స్ ని కావాలని ట్రోల్ చేస్తున్నారో విడదీసి చూడడం కష్టమని సమాధానమిచ్చారు.

ఇవి కూడా చదవండి..