యూనిస్‌కు బ్యాటింగ్‌లో సలహా ఇస్తుంటే... అది అతనికి నచ్చలేదేమో ఏకంగా నా పీకపై కత్తి పెట్టేశాడు. మా పక్కనే ఉన్న మికీ ఆర్థర్‌ కలగజేసుకొని సముదాయించారు.
పాక్ మాజీ కెప్టెన్ యూనిస్ ఖాన్ పై ఆ జట్టు మాజీ బ్యాటింగ్ కోచ్ గ్రాంట్ ఫ్లవర్ సంచలన ఆరోపణలు చేశాడు. యూనిస్ కి సలహా ఇవ్వబోతే తన పీక మీద కత్తి పెట్టాడని ఆయన పేర్కొన్నారు.
‘పాక్ జట్టు తరఫున ఆసీస్‌ పర్యటనలో ఉండగా ఓ సంఘటన నన్ను బాగా కలవరపెట్టింది. బ్రిస్బేన్‌ టెస్టు సందర్భంగా నేను యూనిస్‌కు బ్యాటింగ్‌లో సలహా ఇస్తుంటే... అది అతనికి నచ్చలేదేమో ఏకంగా నా పీకపై కత్తి పెట్టేశాడు. మా పక్కనే ఉన్న మికీ ఆర్థర్‌ కలగజేసుకొని సముదాయించారు. ఈ సంఘటనతో నేను ఒక్కసారిగా షాకయ్యాను". కానీ కోచ్‌గా ఇదంతా నా ప్రయాణంలో భాగమే అనుకొని సరిపెట్టుకున్నాను’ అని అన్నాడు.
జింబాబ్వేకు చెందిన ఫ్లవర్‌కు 2016లో ఆస్ట్రేలియా టూర్‌లో ఈ అనుభవం ఎదురైంది. ఇతను 2015 నుంచి 2019 వరకు పాక్ బ్యాటింగ్ కోచ్‌గా పనిచేశాడు. దీనిపై 42 ఏళ్ల మాజీ కెప్టెన్ యూనిస్ స్పందించలేదు.