Hyderabad vs Mumbai Indians : ఐపీఎల్ 2024 లో ముంబైతో జరిగిన మ్యాచ్ లో హైదరాబాద్ బౌండరీలతో స‌రికొత్త రికార్డు సృష్టించింది. అలాగే, ఐపీఎల్ చరిత్రలో అత్యధిక పరుగులు సాధించిన టీమ్ గా మరో ఘ‌న‌త సాధించింది.
Travis Head - Abhishek Sharma : అబ్బబ్బ ఏం మ్యాచ్ ఇది.. దెబ్బకు దిమ్మదిరిగిపోయి బోమ్మ కనబడాలి అనే డైలాడ్ వినే వుంటారు..అలాగే, జరిగింది ఐపీఎల్ 2024 8వ మ్యాచ్ లో... ముంబై ఇండియ‌న్స్ వ‌ర్సెస్ స‌న్ రైజ‌ర్స్ హైదరాబాద్ త‌ల‌ప‌డుతున్న ఈ మ్యాచ్ లో తొలుత బ్యాటింగ్ చేసిన స‌న్ రైజ‌ర్స్ హైదరాబాద్ ధ‌నాధ‌న్ ఇన్నింగ్స్ దుమ్మురేపింది. బౌండ‌రీల వ‌ర్షం కురిపిస్తూ ముంబై బౌలింగ్ ను ఆటాడుకుంది. ఇన్నింగ్స్ ప్రారంభంలో ట్రావిస్ హెడ్ ప‌రుగుల వ‌ర‌ద పారించాడు. ఆ త‌ర్వాత అభిషేక్ శ‌ర్మ దుమ్మురేపాడు. వీరిద్దరూ పెవిలియన్ కు చేరిన త‌ర్వాత హెన్రిచ్ క్లాసెన్, ఐడెన్ మార్క్ రమ్ ముంబై బౌల‌ర్ల‌పై సునామీల విరుచుకుప‌డ్డారు. దీంతో హైదరాబాద్ టీమ్ కొత్త రికార్డులు న‌మోదుచేసింది.
ఈ మ్యాచ్ లో మొద‌ట ట్రావిస్ హెడ్ సునామీల విరుచుకుప‌డి ఈ సీజ‌న్ లో అత్యంత వేగ‌వంత‌మైన మొద‌టి హాఫ్ సెంచ‌రీ (18 బంతుల్లో) కొట్టాడు. ట్రావిస్ హెడ్ 24 బంతుల్లో 62 ప‌రుగుల త‌న ఇన్నింగ్స్ లో 9 ఫోర్లు, 3 సిక్స‌ర్లు బాదాడు. ఆ త‌ర్వాత ట్రావిస్ రికార్డును బ్రేక్ చేసిన అభిషేక్ శ‌ర్మ ఏకంగా 16 బంతుల్లోనే హాఫ్ సెంచ‌రీ కొట్టి చ‌రిత్ర సృష్టించాడు. అభిషేక్ శ‌ర్మ 23 బంతుల్లో 63 ప‌రుగుల త‌న ఇన్నింగ్స్ లో 3 ఫోర్లు, 7 సిక్స‌ర్లు బాదాడు.
ట్రావీస్ హెడ్, అభిషేక్ శ‌ర్మ‌లు ఔట్ అయిన త‌ర్వాత ఐడెన్ మార్క్ర‌మ్, హెన్రిచ్ క్లాసెన్ లు ముంబై బౌలింగ్ దుమ్ము దులిపారు. అద్బుతమైన షాట్లు, ఫోర్లు సిక్స‌ర్లతో విరుచుకుప‌డ‌టంతో హైదరాబాద్ టీమ్ 250 మార్కును దాటింది. ఈ క్ర‌మంలోనే హెన్రిచ్ క్లాసెన్ త‌న హాఫ్ సెంచ‌రీని పూర్తి చేసుకున్నాడు. ట్రావీస్ హెడ్ 34 బంతుల్లో 4 ఫోర్లు, 7 సిక్సర్ల సాయంతో 80 పరుగులతో అజేయంగా నిలిచాడు. మరో ఎండ్ లో ఐడెన్ మార్క్ రమ్ సైతం బ్యాట్ తో అదరగొట్టాడు. 28 బంతుల్లో 42 పరుగులతో నాటౌట్ గా నిలిచాడు. అతని ఇన్నింగ్స్ లో 2 ఫోర్లు, ఒక సిక్సర్ బాదాడు. హైదరాబాద్ టీమ్ 20 ఓవర్లలో 277/3 పరుగులు చేసింది. ఇది ఐపీఎల్ చరిత్రలో ఒక జట్టు చేసిన అత్యధిక స్కోర్ కావడం విశేషం. ఒక జట్టుగా బెంగళూరు సాధించిన అత్యధిక స్కోర్ రికార్డును హైదరాబాద్ బ్రేక్ చేసింది.
278 is the target for Mi! pic.twitter.com/WxXEjstFhf
— SunRisers OrangeArmy Official (@srhfansofficial)MI VS SRH : ముంబై బౌలింగ్ ను తీన్మార్ ఆడేసిన హైదరాబాద్.. బౌండరీలతో ద‌ద్ద‌రిల్లిన స్టేడియం.. !