IPL2021 SRH vs DC: సన్‌రైజర్స్ ఖాతాలో మరో ఓటమి... ప్లేఆఫ్ రేసు నుంచి తప్పుకున్న ఆరెంజ్ ఆర్మీ...

8 వికెట్ల తేడాతో సన్‌రైజర్స్ హైదరాబాద్... సీజన్‌లో ఏడో పరాజయంతో ప్లేఆఫ్ రేసు నుంచి తప్పుకున్న ఆరెంజ్ ఆర్మీ... పాయింట్ల పట్టికలో టాప్‌లోకి ఢిల్లీ క్యాపిటల్స్...

IPL2021 సీజన్‌లో సన్‌రైజర్స్ హైదరాబాద్ ఖాతాలో ఏడో ఓటమి చేరింది. ఫేజ్ 2లో ఢిల్లీ క్యాపిటల్స్‌తో ఆడిన మొదటి మ్యాచ్‌లో వికెట్ల తేడాతో చిత్తుగా ఓడిన సన్‌రైజర్స్ హైదరాబాద్, 8 మ్యాచుల్లో ఏడు పరాజయాలతో ప్లేఆఫ్ రేసు నుంచి తప్పుకుంది...

135 పరుగుల టార్గెట్‌తో బరిలో దిగిన ఢిల్లీ క్యాపిటల్స్... 20 పరుగుల వద్ద తొలి వికెట్ కోల్పోయింది. 8 బంతుల్లో 2 ఫోర్లతో 11 పరుగులు చేసిన పృథ్వీషా, ఖలీల్ అహ్మద్ బౌలింగ్‌లో కేన్ విలియంసన్‌కి క్యాచ్ ఇచ్చి అవుట్ అయ్యాడు.

ఆ తర్వాత శిఖర్ ధావన్, శ్రేయాస్ అయ్యర్ కలిసి రెండో వికెట్‌కి 52 పరుగుల భాగస్వామ్యం నెలకొల్పారు.. 37 బంతుల్లో 6 ఫోర్లు, ఓ సిక్సర్‌తో 42 పరుగులు చేసిన శిఖర్ ధావన్... రషీద్ ఖాన్ బౌలింగ్‌లో అవుట్ అయ్యాడు...

72 పరుగుల వద్ద రెండో వికెట్ కోల్పోయింది ఢిల్లీ క్యాపిటల్స్‌... ఆ తర్వాత రిషబ్ పంత్, శ్రేయాస్ అయ్యర్ కలిసి లాంఛనాన్ని పూర్తిచేశారు. రిషబ్ పంత్ 21 బంతుల్లో 3 ఫోర్లు, 2 సిక్సర్లతో 35 పరుగులు చేయగా, శ్రేయాస్ అయ్యర్ 41 బంతుల్లో 2 ఫోర్లు, 2 సిక్సర్లతో 47 పరుగులు చేశాడు.

ఈ విజయంతో ఏడో విజయాన్ని అందుకున్న ఢిల్లీ క్యాపిటల్స్, పాయింట్ల పట్టికలో టాప్‌లోకి దూసుకెళ్లింది. మిగిలిన ఐదు మ్యాచుల్లో ఒక్క మ్యాచ్ గెలిస్తే, మిగిలిన జట్లతో సంబంధం లేకుండా ఫ్లేఆఫ్ చేరుకుంటుంది ఢిల్లీ క్యాపిటల్స్...