సీజన్‌లో మొట్టమొదటి హాఫ్ సెంచరీ చేసిన రిషబ్ పంత్...
నాలుగో వికెట్‌కి 96 పరుగుల భాగస్వామ్యం నెలకొల్పిన శ్రేయాస్ అయ్యర్, రిషబ్ పంత్...
కెప్టెన్ ఇన్నింగ్స్‌తో ఆకట్టుకున్న శ్రేయాస్ అయ్యర్...
మూడు వికెట్లు తీసిన ట్రెంట్ బౌల్ట్...
IPL 2020 Final: ఐపీఎల్ కెరీర్‌లో తొలిసారిగా ఫైనల్ చేరిన ఢిల్లీ క్యాపిటల్స్... డిఫెండింగ్ ఛాంపియన్ ముంబై ఇండియన్స్ ముందు ఓ మాదిరి టార్గెట్ ఉంచింది. టాస్ గెలిచి మొదట బ్యాటింగ్ చేసిన ఢిల్లీ క్యాపిటల్స్... మరోసారి సున్నాకే తొలి వికెట్ కోల్పోయింది. నిర్ణీత 20 ఓవర్లలో 7 వికెట్లు కోల్పోయి 156 పరుగులు చేసింది ఢిల్లీ క్యాపిటల్స్.
ఓపెనర్‌గా వచ్చిన స్టోయినిస్‌ని ఇన్నింగ్స్ తొలి బంతికే పెవిలియన్ చేర్చాడు ట్రెంట్ బౌల్ట్. అజింకా రహానే 2, శిఖర్ ధావన్ 15 పరుగులు చేసి అవుట్ కావడంతో 22 పరుగులకే 3 వికెట్లు కోల్పోయింది ఢిల్లీ. అయితే కెప్టెన్ శ్రేయాస్ అయ్యర్‌తో కలిసి నాలుగో వికెట్‌కి 96 పరుగుల భాగస్వామ్యం నెలకొల్పి ఢిల్లీని ఆదుకున్నాడు రిషబ్ పంత్.
సీజన్‌లో మొట్టమొదటి హాఫ్ సెంచరీ పూర్తిచేసుకున్న రిషబ్ పంత్ 38 బంతుల్లో 4 ఫోర్లు, 2 సిక్సర్లతో 56 పరుగులు చేసి అవుట్ కాగా హెట్మయర్ 5, అక్షర్ పటేల్ 9 పరుగులకే అవుట్ అయ్యాడు. 50 బంతుల్లో 6 ఫోర్లు, 2 సిక్సర్లతో 65 పరుగులు చేశాడు శ్రేయాస్ అయ్యార్ ముంబై ఇండియన్స్ బౌలర్లలో ట్రెంట్ బౌల్ట్ మూడు వికెట్లు తీయగా కౌల్టర్ నీల్, కృనాల్ పాండ్యా తలా ఓ వికెట్ తీశారు.