IND vs NZ Final Live: ఇండియా vs న్యూజిలాండ్ ఛాంపియన్స్ ట్రోఫీ 2025 ఫైనల్ లైవ్ అప్‌డేట్స్

IND vs NZ: 22 సంవత్సరాల సుదీర్ఘ నిరీక్షణ తర్వాత, భారత క్రికెట్ జట్టు ఛాంపియన్స్ ట్రోఫీ టైటిల్‌ను గెలుచుకుంది. ఫైనల్లో న్యూజిలాండ్‌ను ఓడించి రోహిత్ శర్మ నేతృత్వంలోని టీం ఇండియా టైటిల్‌ను గెలుచుకుని చరిత్ర సృష్టించింది. 
 

India vs New Zealand: న్యూజిలాండ్‌తో ఛాంపియన్స్ ట్రోఫీ ఫైనల్లో రోహిత్ శర్మ రికార్డు కొట్టాడు. సచిన్ టెండూల్కర్, రాహుల్ ద్రావిడ్ లాంటి లెజెండరీల సరసన చేరాడు. రోహిత్ కొట్టిన రికార్డేంటి? మధ్యలో టెన్షన్ ఎందుకు?

India vs New Zealand: బ్యాటింగ్, బౌలింగ్ లో అదరగొట్టిన భారత్ ఐసీసీ ఛాంపియన్స్ ట్రోఫీ 2025లో తన జైత్రయాత్రను కొనసాగించింది. ఫైనల్ మ్యాచ్ లో న్యూజిలాండ్ ను చిత్తుగా ఓడించి ఛాంపియన్ గా నిలిచింది.
 

India vs New Zealand live, ICC Champions Trophy 2025 final: భారత్ ఆరో వికెట్ కోల్పోయింది. హార్దిక్ పాండ్యా 18 పరుగుల వద్ద ఔట్ అయ్యాడు. 48 ఓవర్లలో భారత్ 6 వికెట్లు కోల్పోయి 245 పరుగులతో ఆడుతోంది. 

India vs New Zealand Live: భారత జట్టు ఐదో వికెట్ కోల్పోయింది. బ్రేస్ వెల్ బౌలింగ్ లో బిగ్ షాట్ ఆడిన అక్షర్ పటేల్ క్యాచ్ రూపంలో ఓరూర్కే కు చిక్కాడు. అక్షర్ 29 పరుగుల ఇన్నింగ్స్ ఆడాడు.  భారత్ 42 ఓవర్లలో 203-5 పరుగులతో ఆటను కొనసాగిస్తోంది. 

India vs New Zealand live: భారత జట్టు టార్గెట్ దిశగా ముందుకు సాగుతున్న సమయంలో మంచి ఇన్నింగ్స్ ఆడుతున్న శ్రేయాస్ అయ్యర్ 48 పరుగుల వద్ద సాంట్నర్ బౌలింగ్ లో రచిన్ కు క్యాచ్ రూపంలో దొరికిపోయాడు. భారత్: 190-4 (39 ఓవర్లు)

India vs New Zealand live: భారత జట్టు కెప్టెన్ రోహిత్ శర్మ బ్యాట్ మరోసారి శక్తివంతమైన రీతిలో గర్జించింది. ICC ఛాంపియన్స్ ట్రోఫీ 2025 ఫైనల్ మ్యాచ్‌లో న్యూజిలాండ్‌పై అద్భుతమైన హాఫ్ సెంచరీ కొట్టాడు. ధోని రికార్డును బ్రేక్ చేశాడు. 
 

India vs New Zealand live: భార‌త కెప్టెన్ రోహిత్ శ‌ర్మ 76 ప‌రుగుల వ‌ద్ద ఔట్ అయ్యాడు. హిట్ మ్యాన్ త‌న ఇన్నింగ్స్ లో 7 ఫోర్లు, 3 సిక్స‌ర్లు బాదాడు.

భారత్ 129-3 (28.1 ఓవర్లు) 

India vs New Zealand live: భారత్ రెండో వికెట్ కోల్పోయింది. విరాట్ కోహ్లీ ఒక్క పరుగుకే ఔట్ అయ్యాడు. బ్రేస్ వేల్ బౌలింగ్ లో కోహ్లీ ఎల్బీడబ్ల్యూగా పెవిలియన్ కు చేరాడు. దీంతో భారత్ 20 ఓవర్ల తర్వాత 2 వికెట్లు కోల్పోయి 108 పరుగులతో ఆటను కొనసాగిస్తోంది. క్రీజులో రోహిత్ శర్మ 70 పరుగులు, శ్రేయాస్ అయ్యర్ 1 పరుగుతో క్రీజులో ఉన్నారు. 

India vs New Zealand live: రోహిత్ శర్మ 41 బంతుల్లో హాఫ్ సెంచరీ పూర్తి చేశాడు. ఛాంపియన్స్ ట్రోఫీలో అత్యంత వేగవంతమైన హాఫ్ సెంచరీ ఇది. ప్రస్తుతం 11 ఓవర్లలో భారత్ 65 పరుగులతో ఆడుతోంది. 

India vs New Zealand live: ఛాంపియ‌న్స్ ట్రోఫీ 2025 ఫైన‌ల్ మ్యాచ్ లో న్యూజిలాండ్ ఉంచిన 252 పరుగుల టార్గెట్ ను అందుకోవడంలో భారత్ కు శుభారంభం లభించింది. 5  ఓవర్లలో ఒక్క వికెట్ కోల్పోకుండా భారత్ 31 పరుగులతో ఆటను కొనసాగిస్తోంది. రోహిత్ 21 పరుగులు, గిల్ 5 పరుగులతో క్రీజులో ఉన్నారు.

India vs New Zealand live: ఛాంపియ‌న్స్ ట్రోఫీ 2025 ఫైన‌ల్ మ్యాచ్ లో న్యూజిలాండ్ టాస్ గెలిచి మొద‌ట బ్యాటింగ్ కు దిగింది. అయితే, భార‌త జ‌ట్టు చెత్త ఫీల్డింగ్ తో వ‌రుస‌గా క్యాచ్ లు వ‌దిలిపెట్టింది. మ‌రో చెత్త రికార్డును త‌న ఖాతాలో వేసుకుంది. 
 

IND vs NZ Final Live: భారత్ ముందు న్యూజిలాండ్ 252 పరుగుల టార్గెట్ ఉంచింది. 50 ఓవర్లలో న్యూజిలాండ్ 7 వికెట్లు కోల్పోయి 251 పరుగులు చేసింది. బ్రేస్ వెల్ సూపర్ ఇన్నింగ్స్ తో కీవీస్ జట్టు 250+ పరుగుల మార్కును అందుకుంది. 

న్యూజిలాండ్ బ్యాటింగ్:

డారిల్ మిచెల్ - 63 పరుగులు

బ్రేస్ వెల్ - 53*

రచిన్ రవీంద్ర - 37

గ్లెన్ ఫిలిప్స్ - 34

భారత్ బౌలింగ్:

కుల్దీప్ యాదవ్ - 2 వికెట్లు

వరుణ్ చక్రవర్తి - 2

న్యూజిలాండ్‌ ఇన్నింగ్స్ ముగిసింది. నిర్ణీత 50 ఓవర్లలలో 7 వికెట్ల నష్టానికి 251 పరుగులు చేసింది. టీమిండియా విజయానికి 252 పరుగులు కావాల్సి ఉంది. 

న్యూజిలాండ్‌ మరో వికెట్ కోల్పోయింది. మిచెల్ సాంట్నర్ రన్నవుట్ రూపంలో అవుట్‌ అయ్యాడు. దీంతో న్యూజిలాండ్‌ 7 వికెట్లు కోల్పోయింది. ప్రస్తుతం 49.3 ఓవర్లకు 246 పరుగులు చేసింది. 

IND vs NZ Final Live:  న్యూజిలాండ్ 6వ వికెట్ కోల్పోయింది. షమీ బౌలింగ్ తో డారిల్ మిచెల్ క్యాచ్ రూపంలో రోహిత్ శర్మకు దొరికిపోయాడు. 63 పరుగులు చేసి మిచెల్ పెవిలియన్ కు చేరాడు. ప్రస్తుతం న్యూజిలాండ్ 46  ఓవర్లలో 6 వికెట్లు కోల్పోయి 212 పరుగులతో ఆటను కొనసాగిస్తోంది. 

న్యూజిలాండ్‌ కీలక వికెట్‌ కోల్పోయింది. 63 పరుగుల వద్ద మిచెల్‌ షమీ బౌలింగ్‌లో రోహిత్‌కు క్యాచ్‌ ఇచ్చి వెనుదిరిగాడు. 46వ ఓవర్లు ముగిసే సమయానికి న్యూజిలాండ్‌ స్కోర్‌ 212 పరుగుల వద్ద కొనసాగుతోంది. 

న్యూజిలాండ్‌ స్కోర్‌ 200 దాటింది. 45 ఓవర్లు ముగిసే సమయానికి 5 వికెట్లు కోల్పోయి 201 పరుగల వద్ద ఉంది. ప్రస్తుతం క్రీజులో మిచెల్‌ (53), మైకేల్‌ బ్రాస్‌వెల్‌ 24 పరుగుల వద్ద కొనసాగుతున్నారు. 

మిచెల్‌, ఫిలిప్స్‌ భాగస్వామిని చెక్‌ పెడింది. బరుణ్‌ చక్రవర్తి బౌలింగ్‌లో ఫిలిప్స్‌ బౌల్డ్‌ అయ్యాడు. గ్లెన్‌ ఫిలిప్స్‌ 52 బంతేలకలో 34 పరుగులు చేశాడు. ప్రస్తుతం న్యూజిలాండ్‌ 40 ఓవర్లు పూర్తయ్యే సమయానికి 5 వికెట్లు కోల్పోయి 172 పరుగులు చేసింది. 

భారత బౌలర్ల దాటికి న్యూజిలాండ్‌ తడబడుతోంది. 36 ఓర్లు ముగిసే సమయానికి న్యూజిలాండ్‌ 4 వికెట్ల నష్టానికి కేవలం 156 పరుగులు మాత్రమే చేసింది. ప్రస్తుతం క్రీజులో ఫిలిప్స్‌ (28), మిచెల్‌ (41)పరుగుల వద్ద కొనసాగుతున్నారు. వీరిద్దరూ కలిసి మంచి భాగస్వామ్యాన్ని క్రియేట్‌ దిశగా నెమ్మదిగా అడుగులు వేస్తున్నారు. ఈ పాట్నర్‌షిప్‌ను బ్రేక్‌ చేసేందుకు బౌలర్లు ప్రయత్నాలు మొదలు పెట్టారు. 
 

IND vs NZ Final Live: 4వ వికెట్ కోల్పోయిన న్యూజిలాండ్.. రవీంద్ర జడేజా బౌలింగ్ తో 23.2 ఓవర్ వద్ద టామ్ లాథమ్ ఎల్బీడబ్ల్యూగా అవుట్ అయ్యాడు. అతను 30 బంతులు ఆడి 14 పరుగులు చేశాడు. న్యూజిలాండ్ 24 ఓవర్లు పూర్తయ్యే సరికి 4 వికెట్లు కోల్పోయి 110 పరుగులతో ఆటను కొనసాగిస్తోంది.  

Champions Trophy 2025 Prize Money: ఛాంపియన్స్ ట్రోఫీ ఫైనల్లో భారత్, న్యూజిలాండ్ లు తలపడుతున్నాయి. అయితే, గెలిచిన టీమ్, ఓడిన టీమ్ ఎంత ప్రైజ్ మనీ అందుకుంటాయో తెలుసా? 

IND vs NZ Final Live: 20 ఓవర్లు ముగిసే సరికి న్యూజిలాండ్ 101-3 పరుగులతో ఆటను కొనసాగిస్తోంది. 

టామ్ లాథమ్ : 12*

 మిచెల్ : 17*

IND vs NZ Final Live: న్యూజిలాండ్ 15 ఓవర్లు ముగిసే సరికి  83-3 పరుగులతో ఆటను కొనసాగిస్తోంది.

IND vs NZ Final Live: ఫైనల్ పోరులో భారత బౌలర్లు అదరగొడుతున్నాడు. కుల్దీప్ యాదవ్ అద్భుతమైన బౌలింగ్ తో వరుసగా వికెట్లు తీసుకున్నాడు. తన తొలి ఓవర్ లో రచిన్ రవీంద్రను ఔట్ చేసిన కుల్దీప్ తన తర్వాతి ఓవర్ లో కేన్ విలియమ్సన్ రూపంలో రెండో వికెట్ ను తీశాడు. కేన్ 11 పరుగులు చేసి పెవిలియన్ కు చేరాడు. 

IND vs NZ Final Live: కీవీస్ రెండో వికెట్ కోల్పోయింది. మంచి ఫామ్ లో ఉన్న రచిన్ రవీంద్రను కుల్దీప్ యాదవ్ 11 ఓవర్ తొలి బంతికే పెవిలియన్ కు పంపాడు. రచిన్ 37 పరుగులు కొట్టి అవుట్ అయ్యాడు. న్యూజిలాండ్ రెండు వికెట్లు కోల్పోయి 11 ఓవర్లలో 72 పరుగులతో ఆటను కొనసాగిస్తోంది. 

India vs New Zealand: ICC ఛాంపియన్స్ ట్రోఫీ 2025 ఫైనల్ మ్యాచ్‌లో టీమ్ ఇండియా కెప్టెన్ రోహిత్ శర్మ (Rohit Sharma) మరోసారి టాస్ ఓడిపోయాడు. ఓ చెత్త రికార్డుతో బ్రియాన్ లారా సరసన నిలిచాడు.

IND vs NZ Final Live: న్యూజిలాండ్ తొలి వికెట్ కోల్పోయింది. వరుణ్ చక్రవర్తి బౌలింగ్ తో విల్ యంగ్ 15 పరుగుల వద్ద ఎల్బీడబ్ల్యూగా ఔట్ అయ్యాడు. దీంతో న్యూజిలాండ్ 7.5 ఓవర్లలో 1 వికెట్ కోల్పోయి 57 పరుగులతో ఆటను కొనసాగిస్తోంది. రచిన్ రవీంద్ర 34* పరుగులతో ఆడుతున్నాడు. 

IND vs NZ Final Live:  5 ఓవర్ల ముగిసే సరికి న్యూజిలాండ్ 37/0 (5) 

విల్ యంగ్: 10
ర‌చిన్ ర‌వీంద్ర‌: 25

 
Champions Trophy 2025 IND vs NZ: ఛాంపియ‌న్స్ ట్రోఫీ 2025 ఫైన‌ల్ మ్యాచ్ లో టాస్ గెలిచిన న్యూజిలాండ్ బ్యాటింగ్ ఎంచుకుంది. మ‌రోసారి భార‌త్ ముందుగా బౌలింగ్ చేయ‌నుంది. 

రెండు జట్ల ప్లేయింగ్-11

న్యూజిలాండ్: విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్ (వికెట్ కీపర్), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్), కైల్ జామిసన్, విలియం ఓ'రూర్కే, నాథన్ స్మిత్.

భారత్: రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి.

Champions Trophy 2025 IND vs NZ: ఛాంపియ‌న్స్ ట్రోఫీ 2025 ఫైన‌ల్ మ్యాచ్ లో భార‌త జ‌ట్టు చెత్త రికార్డును న‌మోదుచేసింది. వ‌రుస‌గా అత్య‌ధిక సార్లు టాస్ ఓడిన జ‌ట్టుగా నిలిచింది. న్యూజిలాండ్ టాస్ గెలిచి ముందుగా బ్యాటింగ్ ఎంచుకుంది. ఇది వన్డేల్లో భారత్ వరుసగా 15వ టాస్ ఓటమి. భార‌త కెప్టెన్ రోహిత్ శర్మ వరుసగా 12వ సారి టాస్ ఓడిపోయారు. దీంతో వన్డేల్లో అత్యధిక సార్లు టాస్ ఓడిన కెప్టెన్ గా బ్రియాన్ లారా రికార్డును సమం చేశాడు. 

Champions Trophy 2025 IND vs NZ: ఛాంపియ‌న్స్ ట్రోఫీ 2025 ఫైన‌ల్ మ్యాచ్ లో భార‌త జ‌ట్టు టాస్ ఓడిపోయింది. టాస్ గెలిచిన న్యూజిలాండ్ బ్యాటింగ్ ఎంచుకుంది. 
 

^{IND vs NZ: ఛాంపియన్స్ ట్రోఫీ 2025 ఫైనల్ సర్వం సిద్ధమైంది. మరికొద్దిసేపట్లో భారత్ vs న్యూజిలాండ్ మధ్య ఐసీసీ ఛాంపియన్స్ ట్రోఫీ ఫైనల్ మ్యాచ్ జరగనుంది. దుబాయ్ ఇంటర్నేషనల్ స్టేడియంలో జరిగే మ్యాచ్ కోసం కోట్లాది మంది క్రికెట్ అభిమానులు ఆసక్తిగా ఎదురుచూస్తున్నారు. వరుసగా అన్ని మ్యాచ్ లు గెలిచి ఇండియా ఫైనల్ కి చేరుకుంది. అటు, ప్రత్యర్థి జట్టు న్యూజిలాండ్ సైతం వరుస విజయాలతో ఫైనల్ లో అడుగు పెట్టింది. మరి నేడు హోరాహోరీగా సాగనున్న ఈ మ్యాచ్ లో గెలుపు ఎవరిది? భారత్, న్యూజిలాండ్ బలాబలాలు ఏంటి? పిచ్ ఎలా ఉంది? బ్యాటింగ్ కి అనుకూలమా? లేక బౌలింగ్ కా? తదితర అంశాలపై మ్యాచ్ ప్రివ్యూ చూసేయండి.}

Champions Trophy 2025 IND vs NZ: ఛాంపియ‌న్స్ ట్రోఫీ 2025 ఫైన‌ల్ కు భారత్ vs న్యూజిలాండ్ సిద్ధంగా ఉన్నాయి. అయితే, ఈ మ్యాచ్ లో భార‌త్ నుంచి ట్రోఫీని లాక్కునే ఇన్నింగ్స్ ల‌ను ఆడ‌గ‌ల న‌లుగురు కీవీస్ ప్లేయ‌ర్లు ఎవ‌రో ఇప్పుడు తెలుసుకుందాం. 
 

పూర్తి కథనం చదవండి

భారత జట్టు: రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్ రాహుల్ (వికెట్ కీపర్), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి, వాషింగ్టన్ సుందర్, అర్ష్‌దీప్ సింగ్, హర్షిత్ రాణా, రిషబ్ పంత్.

న్యూజిలాండ్ జట్టు: విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్(వికెట్ కీప‌ర్), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్(కెప్టెన్), మాట్ హెన్రీ, కైల్ జామిసన్, విలియం ఓరూర్కే, నాథన్ స్మిత్, మార్క్ చాప్‌మన్, డెవాన్ కాన్వే, జాకబ్ డఫీ.

India vs New Zealand live: ఛాంపియన్స్ ట్రోఫీ 2025 ఫైనల్‌లో భారత్-న్యూజిలాండ్ త‌ల‌ప‌డనున్నాయి. ఈ మ్యాచ్ లో స్పిన్ కీల‌క పాత్ర పోషించ‌నుంది. ఈ ఐసీసీ టోర్నీలో భారత స్పిన్నర్లు 21 వికెట్లతో ఆధిపత్యం చెలాయించారు. అలాగే, న్యూజిలాండ్ స్పిన్న‌ర్లు సైతం 17 వికెట్లు పడగొట్టారు. భార‌త జ‌ట్టు ఈ టోర్నీలో ఇప్ప‌టివ‌ర‌కు ఒక్క మ్యాచ్ కూడా ఓడిపోకుండా అజేయంగా ఫైన‌ల్ కు చేరుకుంది. న్యూజిలాండ్ కేవ‌లం ఒక్క మ్యాచ్ మాత్రమే ఓడిపోయి ఫైన‌ల్ కు చేరుకుంది.