IND vs ENG: శుభవార్త.. నాలుగేళ్ల తర్వాత వైజాగ్ లో టెస్టు మ్యాచ్.. విద్యార్థుల‌కు ఫ్రీ ఎంట్రీ..
By Rajesh Karampoori | First Published Jan 13, 2024, 7:59 AM ISTIndia vs England: విశాఖ పట్టణ వాసులకు శుభవార్త.. భారత్ - ఇంగ్లాండ్ జట్ల మ‌ధ్య జ‌ర‌గ‌నున్న రెండో టెస్టు మ్యాచ్ కు విశాఖ అతిథ్యమివ్వనున్నది. దాదాపు నాలుగేళ్ల త‌రువాత టెస్టు మ్యాచ్‌ను ప్ర‌త్య‌క్షంగా చూసే అవ‌కాశం విశాఖ వాసులకు క‌లుగ‌నుంది.
India vs England: వైజాగ్ వాసులకు శుభవార్త. దాదాపు నాలుగేళ్ల తర్వాత విశాఖలోని ఏసీఏ క్రికెట్ మైదానంలో టెస్టు మ్యాచ్ జరగబోతుంది. ఈ మ్యాచ్ లో అతిథ్య భారత్ -ఇంగ్లండ్ జట్ల తలపడనున్నాయి. వాస్తవానికి టీమ్ఇండియా ప్ర‌స్తుతం అఫ్గానిస్తాన్‌తో మూడు టెస్టు మ్యాచుల సిరీస్ ఆడుతోంది. ఈ సిరీస్ ముగిసిన త‌రువాత ఇంగ్లాండ్ తో ఐదు టెస్టుల సిరీస్ ఆడనున్నది. ఈ సిరీస్ లో భాగంగా రెండో టెస్టుకు విశాఖ నగరం ఆతిథ్యమిస్తోంది.
ఈ మ్యాచ్ డాక్టర్‌ వైఎస్‌ రాజశేఖర్‌రెడ్డి ఏసీఏ-వీడీసీఏ క్రికెట్ స్టేడియంలో ఫిబ్రవరి 2 నుంచి 6 వరకు జరగనుంది. ఇప్ప‌టికే మ్యాచ్ కోసం అన్ని ఏర్పాట్లు పూర్తి చేశారు. అటు ఆన్‌లైన్‌లో.. ఇటు ఆఫ్‌లైన్‌లో మ్యాచ్ టికెట్ల‌ను విక్రయాలు జరుగుతున్నాయి. ఈ నెల 15 నుంచి ఆన్‌లైన్‌లో 26 నుంచి ఆఫ్‌లైన్‌లో టికెట్లు అందుబాటులోకి రానున్నాయి. ఆఫ్‌లైన్‌లో టికెట్ల‌ను ఏసీ ఏ విడిసిఏ స్టేడియంతో పాటు స్వర్ణ భారతి స్టేడియంలో విక్ర‌యించ‌నున్నారు. అంతేకాకుండా ప్ర‌తి రోజు 2వేల మంది విద్యార్థుల‌కు మైదానంలోకి ఉచిత ప్ర‌వేశం క‌ల్పించ‌నున్నారు.
Latest Videos
భారత్ vs ఇంగ్లాండ్ టెస్టు సిరీస్ షెడ్యూల్ ఇదే..
- తొలి టెస్టు – జ‌న‌వ‌రి 25 నుంచి 29 వరకు – ఉప్ప‌ల్‌
- రెండో టెస్టు – ఫిబ్రవరి 2 నుంచి 6 వరకు – విశాఖ‌ప‌ట్నం
- మూడో టెస్టు – ఫిబ్రవరి 15 నుంచి 19 వరకు – రాజ్‌కోట్‌
- నాలుగో టెస్టు – ఫిబ్రవరి 23 నుంచి 27 వరకు – రాంచీ
- ఐదో టెస్టు – మార్చి 7 నుంచి 11 వరకు – ధ‌ర్మ‌శాల
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి