టీ20 వరల్డ్ కప్ లో హై వోల్టేజ్ డ్రామా.. ఆటగాళ్ల మధ్య బిగ్ ఫైట్.. వీడియో

By Mahesh Rajamoni | First Published Jun 17, 2024, 8:39 PM IST

T20 World Cup 2024 : టీ20 వరల్డ్ కప్ లో హై వోల్టేజ్ డ్రామా జరిగింది. గ్రౌండ్ లోనే ప్లేయర్లు బిగ్ ఫైట్ చేశారు. బంగ్లాదేశ్-నేపాల్ జ‌ట్ల మ‌ధ్య జ‌రిగిన మ్యాచ్ లో ఈ ఘ‌ట‌న చోటుచేసుకుంది. దీనికి సంబంధించిన వీడియో వైర‌ల్ గా మారింది.

T20 World Cup 2024: NEP vs BAN : టీ20 ప్రపంచ క‌ప్ 2024 లో ఆట‌గాళ్లు గొడ‌వ‌ప‌డ్డారు. గ్రౌండ్ లోనే ఘ‌ర్ష‌ణ‌కు దిగారు. ఎంపైర్లు రంగంలోకి దిగి ఇరుజ‌ట్ల ప్లేయ‌ర్ల‌ను గొడ‌వ నుంచి దూరం చేశారు. దీనికి సంబంధించిన వీడియో వైర‌ల్ గా మారింది. విరాల్లోకెళ్తే... బంగ్లాదేశ్-నేపాల్ మధ్య జరిగిన టీ20 ప్రపంచ కప్ 2024 లీగ్ ద‌శ మ్యాచ్‌లో హై వోల్టేజ్ డ్రామా కనిపించింది. గ్రౌండ్ లోనే మ్యాచ్ మధ్యలోనే ఇద్దరు ఆటగాళ్లు ఘర్షణ పడ్డారు. ఆ ఇద్దరు ఆటగాళ్ల కొట్టుకోవ‌డానికి గొడవకు దిగారు. నేపాల్ కెప్టెన్ రోహిత్ పాడెల్, బంగ్లాదేశ్ ఫాస్ట్ బౌలర్ తంజిమ్ హసన్ షకీబ్ మధ్య ఈ గొడవ జరిగింది.

ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ మ్యాచ్‌లో బంగ్లాదేశ్ 21 పరుగుల తేడాతో నేపాల్‌ను ఓడించి సూపర్-8లోకి ప్రవేశించింది. నేపాల్‌ ఇన్నింగ్స్‌ మూడో ఓవర్‌లో తాంజిమ్‌ హసన్‌ సాకిబ్‌ రెండు వికెట్లు తీశాడు. నేపాల్ కెప్టెన్ రోహిత్ పాడెల్ వేసిన మూడో ఓవర్ చివరి బంతికి తంజీమ్ హసన్ సాకిబ్ బౌలింగ్ చేశాడు. తంజీమ్ హసన్ సాకిబ్ వేసిన ఈ బంతిపై నేపాల్ కెప్టెన్ రోహిత్ పాడెల్ పాయింట్ దిశగా డిఫెన్స్ షాట్ ఆడాడు. దీని తరువాత, బంగ్లాదేశ్ ఫాస్ట్ బౌలర్ తంజిమ్ హసన్ సాకిబ్ అతని వైపు చూడటం ప్రారంభించాడు, ఆపై ఇద్దరి మధ్య వాగ్వాదం జరిగింది. ఈ సమయంలో నేపాల్ కెప్టెన్ రోహిత్ పాడెల్‌ను కూడా తాంజిమ్ హసన్ సాకిబ్ నెట్టాడు. పరిస్థితి విషమించడంతో అంపైర్లు జోక్యం చేసుకోవాల్సి వచ్చింది.

Latest Videos

undefined

విరాట్ భాయ్ మ‌స్తు హ్యాపీ.. బీచ్ లో ఎంజాయ్ చేస్తున్న టీమిండియా ప్లేయ‌ర్లు.. వీడియో

ఫాస్ట్ బౌలర్ టాంజిమ్ హసన్ షకీబ్ తన కెరీర్‌లో అత్యుత్తమ బౌలింగ్ ప్రదర్శన చేశాడు. ఏడు పరుగులు మాత్ర‌మే ఇచ్చి నాలుగు వికెట్లు పడగొట్టాడు. బంగ్లాదేశ్ బ్యాట్స్‌మెన్ రాణించ‌లేక‌పోయినా నేపాల్‌ను 21 పరుగుల తేడాతో ఓడించి టీ20 ప్రపంచ కప్‌లో సూపర్-8లో తన స్థానాన్ని ఖాయం చేసుకుంది. గత మ్యాచ్‌లో దక్షిణాఫ్రికాకు షాకిచ్చిన నేపాల్ బౌలర్లు మళ్లీ మంచి ప్రదర్శన చేశారు. బంగ్లాదేశ్‌ను 19.3 ఓవర్లలో 106 పరుగులకే ఆలౌట్ చేశాడు. ప్రతిస్పందనగా, నేపాల్ 78 ప‌రుగుల వ‌ద్ద 5 వికెట్లు కోల్పోయిన నేపాల్.. మిగిలిన 5 వికెట్లను ఏడు పరుగుల వ్యవధిలో కోల్పోయారు. 19.2 ఓవర్లలో 85 పరుగులకే ఆలౌటైంది.