India vs England : బుమ్రా, రాహుల్ లకు కెప్టెన్సీ బాధ్యతలు ఎందుకు దక్కలేవంటే..: అజిత్ అగార్కర్ క్లారిటీ

ఇంగ్లాండ్ తో టెస్ట్ సీరిస్ కోసం భారత జట్టును ప్రకటించింది బిసిసిఐ. శుభ్ మన్ గిల్ కెప్టెన్సీలో ఐదు టెస్టుల సీరిస్ ఆడనుంది టీమిండియా. బుమ్రా, కెఎల్ రాహుల్ కు కెప్టెన్సీ పగ్గాలు ఎందుకు అప్పగించలేదంట అంటే…    Rg

India Team : ఇంగ్లాండ్‌తో టెస్ట్ సిరీస్‌కి శుభ్‌మన్ గిల్‌ని కెప్టెన్‌గా ఎంచుకోవడంపై సెలెక్షన్ కమిటీ చైర్మన్ అజిత్ అగార్కర్ వివరణ ఇచ్చారు. జస్ప్రీత్ బుమ్రా, కె.ఎల్. రాహుల్‌లను ఎందుకు పరిగణించలేదో కూడా చెప్పారు.

రోహిత్ శర్మ లేనప్పుడు బుమ్రా ఆస్ట్రేలియాలో కెప్టెన్సీ చేశాడు. కానీ ఇంగ్లాండ్‌తో ఐదు మ్యాచ్‌ల సిరీస్‌లో బుమ్రా అన్ని మ్యాచ్‌లు ఆడడు. బుమ్రా కెప్టెన్ కంటే బౌలర్‌గానే ముఖ్యం. కెప్టెన్ అయితే 15-16 మంది ఆటగాళ్ల బాధ్యత ఉంటుంది. అది బుమ్రాపై ఒత్తిడి పెంచుతుంది. బుమ్రా బౌలింగ్‌పై దృష్టి పెట్టాలని అగార్కర్ ప్రెస్ మీట్‌లో చెప్పారు. ఇంగ్లాండ్ సిరీస్ లాంటి పెద్ద సిరీస్‌కి బుమ్రా ఫిట్‌నెస్ చాలా ముఖ్యం. బుమ్రా ఫిట్‌నెస్ గురించి తనకు బాగా తెలుసని అన్నారు.

కె.ఎల్. రాహుల్ కూడా ఇంతకు ముందు కెప్టెన్‌గా వ్యవహరించాడు. అప్పుడు నేను సెలెక్టర్ కాదు. కెప్టెన్సీ గురించి రాహుల్‌తో మాట్లాడలేదు. రాహుల్ బాగా ఆడతాడని ఆశిస్తున్నా. బుమ్రా ఫిట్‌గా ఉండటం టీమ్‌కి చాలా ముఖ్యం అని అగార్కర్ అన్నారు. 

విరాట్ కోహ్లీ రిటైర్మెంట్ గురించి వస్తున్న వార్తలను కొట్టిపారేశారు. కోహ్లీ స్వయంగా రిటైర్ అవుతున్నట్లు చెప్పారు. ఏప్రిల్‌లో సెలెక్టర్లను సంప్రదించారు.  కోహ్లీ నిర్ణయాన్ని గౌరవించామని అన్నారు. శ్రేయాస్ అయ్యర్‌ని ప్రస్తుతం టెస్ట్ టీమ్‌లోకి తీసుకోలేం. దేశవాళీ క్రికెట్‌లో రాణిస్తే భవిష్యత్తులో పరిశీలిస్తామని అన్నారు.