చైనా రివేంజ్.. ట్రంప్ భారీ యాక్షన్: యుద్ధం ముదురుతుందంటూ ప్రపంచ దేశాల గగ్గోలు!

అమెరికా, చైనాల మధ్య సుంకాల యుద్ధం చిలికిచిలికి గాలివానలా మారుతోంది. ట్రంప్ చైనాపై 34శాతం టారిఫ్ లతో ఈ పోరుకు తెర తీస్తే.. చైనా నేనేం తక్కువ తినలేదంటూ ప్రతీకార సుంకాలు విధించింది. దీంతో మండిన ట్రంప్ మరో 50శాతం పెంచుతున్నామంటూ ప్రకటన చేశారు. దీంతో ఇది ఎంతవరకు వెళ్తుందో అని ప్రపంచ దేశాలు గగ్గోలు పెడుతున్నాయి.

అమెరికా, చైనా టారిఫ్ వార్: వాషింగ్టన్ నుంచి బీజింగ్ దాకా బిజినెస్ చేసేవాళ్లంతా షాక్ తిన్నారు. ట్రంప్ చైనా మీద 50% ఎక్స్ట్రా టారిఫ్ వేసి, వాళ్లకి పెద్ద దెబ్బ కొట్టారు. దీంతో చైనా నుంచి వచ్చే వాటి మీద అమెరికా పన్ను రేటు 104%కి చేరింది. ఈ యాక్షన్ తో టారిఫ్ వార్ ఇంకా ముదిరేలా ఉంది, ఇది ప్రపంచ ఎకానమీని దెబ్బతీసేలా ఉంది. 24 గంటల్లో తేల్చుకోండి, లేదంటే అంతే సంగతులు ట్రంప్ చైనాకు ఒకరోజు టైం ఇచ్చారు. మీరు మా మీద వేసిన 34% పన్ను తీసేయండి, లేదంటే శిక్ష తప్పదు అని హెచ్చరించారు. బీజింగ్ లైట్ తీసుకుంటే, వెంటనే 104% టారిఫ్ వేస్తున్నాం అని వైట్ హౌస్ ప్రకటించింది.

అమెరికాను దోచేశారు: ఇంతకాలం చైనా మీద 10% టారిఫ్ మాత్రమే వేసేవాళ్లం. కానీ వాళ్లు మన సరుకుల మీద భారీగా పన్నులు వేసేవాళ్లు. చైనా మనల్ని దోచేసింది, మన ఎకానమీని ఖాళీ చేసింది అని ట్రంప్ ఫైర్ అయ్యారు. అందుకే రిసిప్రోకల్ టారిఫ్ పాలసీ తీసుకొచ్చాం. మనం ఎంత పన్ను వేస్తామో, వాళ్లూ అంతే వేయాలి. టారిఫ్ ఎలా పెరిగిందో చూడండి: ముందు: చైనా మీద 10% టారిఫ్ తర్వాత: 34% రిసిప్రోకల్ టారిఫ్—మొత్తం 44% ఆ తర్వాత: 10% నాన్-రిసిప్రోకల్ టారిఫ్, ఇది అందరికీ వర్తిస్తుంది ఇప్పుడు: 50% ఎక్స్ట్రా ట్యాక్స్ చైనా మీద మాత్రమే—మొత్తం 104% మేం వెయిట్ చేస్తున్నాం: ట్రంప్ ట్రంప్ తన సోషల్ మీడియాలో రాస్తూ, చైనాకు ఎలా మొదలు పెట్టాలో అర్థం కావడం లేదు, కానీ డీల్ చేసుకోవాలని ఉంది. వాళ్ల కాల్ కోసం మేం ఎదురు చూస్తున్నాం అని పోస్ట్ చేశారు.

బీజింగ్ రియాక్షన్: చూసుకుందాం అమెరికా ఎక్స్ట్రా ట్యాక్స్ వేస్తే ఊరుకునేది లేదు అని చైనా వార్నింగ్ ఇచ్చింది. డబ్ల్యూటీఓకి వెళ్తాం, రకరకాల ఆంక్షలు విధిస్తాం అని బెదిరించింది.