ఇటలీ సూపర్ బైక్‌ల తయారీ సంస్థ ‘డుకాటీ’ దేశీయ విపణిలోకి 950 సీసీ సామర్థ్యం గల హైపర్ మోటార్డ్ బైక్‌ను ఆవిష్కరించింది.
న్యూఢిల్లీ: ఇటలీ సూపర్ బైకుల తయారీ సంస్థ డుకాటీ.. భారత విపణిలోకి సరికొత్త హైపర్‌మోటార్డ్ 950 మోడల్‌ను అందుబాటులోకి తెచ్చింది. ఈ బైక్ ధర రూ.11.99 లక్షలుగా నిర్ణయించారు.
937 సీసీ సామర్థ్యం గల ఇంజిన్ కలిగిన ఈ బైక్‌లో రెండు ఇంజిన్లు ఉన్నాయి. హైపర్‌మోటార్డ్ పరిధిని మరింత విస్తరించాలనే ఉద్దేశంతో ఈ బైక్‌ను ఆవిష్కరించామని డుకాటీ ఇండియా ఎండీ శర్గీ కెనోవాస్ చెప్పారు. ఫన్‌గా నడిపేందుకు అనువైన బైక్ ఇదని తెలిపారు.
దీంతో నూతన డ్రైవింగ్ అనుభవం కావాలనుకునే యువతియువకులకు ఈ బైక్ సరైన ఎంపిక అని డుకాటీ ఇండియా ఎండీ శెర్గి కెనోవాస్ తెలిపారు. రైడర్లను దృష్టిలో పెట్టుకొని ఈ బైక్‌ను ఆధునీకరించి విడుదల చేశామని ఆయన చెప్పారు.
హైదరాబాద్‌తోపాటు ఢిల్లీ, ముంబై, పుణె, బెంగళూరు, అహ్మదాబాద్, కోల్‌కతా, చెన్నైలోని షోరూంలలో ఈ బైక్ కోసం ముందస్తు బుకింగ్ చేసుకోవచ్చునని డుకాటీ ఇండియా ఎండీ శెర్గి కెనోవాస్ సూచించారు. థ్రిల్లింగ్ అనుభూతిని సొంతం చేసుకోవాలనుకునే వారి కోసం పూర్తిగా స్పోర్టీగా, ఫియర్ లెస్ క్యారక్టరిస్టిక్స్ ఉన్న మోడల్ బైక్ ఇదన్నారు.