రఘురామకృష్ణంరాజు కేసు: ఏపీ సర్కార్‌కి జాతీయ మానవహక్కుల కమిషన్ సమన్లు
By narsimha lode | First Published Jun 29, 2021, 4:38 PM ISTఏపీ ప్రభుత్వంపై జాతీయ మానవహక్కుల సంఘం ఆగ్రహం వ్యక్తం చేసింది. ఏపీ రాష్ట్ర హోం సెక్రటరీ, డీజీపీలకు సమన్లు జారీ చేసింది.
న్యూఢిల్లీ: ఏపీ ప్రభుత్వంపై జాతీయ మానవహక్కుల సంఘం ఆగ్రహం వ్యక్తం చేసింది. ఏపీ రాష్ట్ర హోం సెక్రటరీ, డీజీపీలకు సమన్లు జారీ చేసింది.నరసాపురం ఎంపీ రఘురామకృష్ణంరాజు అరెస్ట్‌పై నివేదిక పంపాలని ఏపీ ప్రభుత్వానికి జాతీయ మానవహక్కుల సంఘం నోటీసులు జారీ చేసింది. గతంలోనే ఈ నోటీసులు జారీ చేసినా ప్రభుత్వం నుండి స్పందన రాలేదు. నివేదిక పంపండంలో ఎందుకు జాప్యం అవుతుందని జాతీయ మానవహక్కుల కమిషన్ ప్రశ్నించింది. తాజాగా కండిషనల్ సమన్లు జారీ చేసింది. ఈ ఏడాది ఆగష్టు 9వ తేదీలోపుగా నివేదికను సమర్పించాలని ఆదేశించింది.
also read:మా చెల్లికి పెళ్లి... జరగాలి మళ్ళీ మళ్లీ అన్నట్లుంది జగన్ తీరు: మరో లేఖలో రఘురామ ఎద్దేవా
Latest Videos
undefined
రఘురామకృష్ణంరాజును ఏపీ సీఐడీ పోలీసులు అరెస్ట్ చేయడంపై ఆయన కొడుకు భరత్ జాతీయ మానవహక్కుల కమిషన్ కు ఫిర్యాదు చేశారు. రఘురామకృష్ణంరాజును అరెస్ట్ చేసిన సమయంలో సీఐడీ పోలీసులు వ్యవహరించిన తీరును ఈ ఫిర్యాదులో భరత్ ప్రస్తావించారు. రఘురామపై పోలీసుల దాడి విషయంలో అంతర్గత విచారణకు కూడ ఎన్‌హెచ్‌ఆర్‌సీ ఆదేశాలు జారీ చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి