విశాఖపట్నంలో పరువు హత్య.. ప్రేమించిందని కన్న బిడ్డనే చంపి, ఆపై సెల్ఫీ వీడియో తీసి..

విశాఖపట్నంలో ఘోరం జరిగింది. పదో తరగతి చదువుతున్న కూతురు ఓ యువకుడిని ప్రేమించిందని ఆగ్రహం వ్యక్తం చేస్తూ ఆమెను హతమార్చాడు. అనంతరం ఓ సెల్పీ వీడియోలో నేరాన్ని అంగీకరించాడు. 

ఆంధ్రప్రదేశ్ లో దారుణం చోటు చేసుకుంది. తన కూతురు ఓ వ్యక్తిని ప్రేమించిందని తెలుసుకున్న ఆ తండ్రి ఆగ్రహానికి లోనయ్యాడు. సొంత కూతురు అని కూడా చూడకుండా ఆమెను హతమార్చాడు. అనంతరం ఈ హత్య తానే చేసినట్టు అంగీకరిస్తూ ఓ సెల్పీ వీడియో రికార్డు చేశారు. దీనిని సోషల్ మీడియాలో పోస్టు చేశాడు.

విశాఖపట్నంలో చోటు చేసుకున్న ఈ ఘనటకు సంబంధించి వివరాలు ఇలా ఉన్నాయి. రెల్లి వీధిలో వడ్డాది వరప్రసాద్ రావు అనే వ్యక్తి నివసిస్తున్నాడు. డ్రైవర్ గా పని చేస్తూ జీవనం సాగిస్తున్నాడు. ఆయనకు ఇద్దరు కూతురర్లు ఉన్నారు. వరప్రసాద్ తన భార్య హేమలతతో చాలా కాలం కిందటే విడిపోయాడు. కాగా.. కొంత కాలం కిందట పెద్ద కుతురు లవ్ మ్యారేజ్ చేసుకొని వెళ్లిపోయింది.

తన ఇంట్లో 15 ఏళ్ల చిన్న కూతురుతో కలిసి ఉంటున్నాడు. ఆమె ప్రస్తుతం టెన్త్ క్లాస్ చదువుతోంది. ఈ క్రమంలో ఓ యువకుడిని ఆమె ప్రేమించింది. ఇటీవల అతడితో కలిసి వెళ్లిపోయింది. దీంతో తండ్రి పోలీసులకు కంప్లైంట్ ఇచ్చాడు. దీంతో పోలీసులు రెండు కుటుంబాల పెద్దలను స్టేషన్ కు పిలిపించారు. వారికి కౌన్సిలింగ్ ఇచ్చారు. రాజీ కుదిర్చారు. అనంతరం చిన్న కూతురును వరప్రసాద్ రావు ఇంటికి తీసుకొని వెళ్లాడు. కాగా.. శుక్రవారం సాయంత్రం ఆమె చనిపోయి కనిపించిందని స్థానికులు గుర్తించారు. 

వెంటనే వారు ఆ బాలికను హాస్పిటల్ కు తీసుకెళ్లారు. కానీ అప్పటికే ఆమె మరణించిందని డాక్టర్లు తెలిపారు. అయితే ఈ హత్య తానే చేశానని తండ్రి వరప్రసాద్ అంగీకరించాడు. ‘‘ నా పెద్ద కుమార్తె అప్పటికే తన ప్రేమికుడితో పారిపోయింది. ఇప్పుడు పదో తరగతి చదువుతున్న నా చిన్న కుమార్తె కూడా వేరొకరిని ప్రేమించింది. ఆమె అడిగినవన్నీ నేను సమకూర్చారు. ఆమెను ముద్దుగా పెంచాను. ఆ వ్యక్తితో మాట్లాడవద్దని నేను ఆమెను హెచ్చరించాను. కానీ వినలేదు. అందుకే నేను ఆమెను చంపాను’’ అని ఆయన సెల్పీ వీడియోలో తెలిపారు. దానిని సోషల్ మీడియాలో పోస్ట్ చేశాడు.