విశాఖపట్టణం పరవాడ ఫార్మాసిటీలో అగ్నిప్రమాదం: నలుగురు కార్మికులు మృతి
By narsimha lode | First Published Dec 26, 2022, 9:17 PM ISTఉమ్మడి విశాఖపట్టణం జిల్లా పరవాడ ఫార్మాసిటీలో సోమవారం నాడు జరిగిన అగ్ని ప్రమాదంలో నలుగురు కార్మికులు మృతి చెందారు.మ రొకరు గాయపడ్డారు.
విశాఖపట్టణం: ఉమ్మడి విశాఖపట్టణం జిల్లా పరవాడ ఫార్మాసిటీలో సోమవారంనాడు అగ్ని ప్రమాదం జరిగింది.ఈ ప్రమాదంలో నలుగురు కార్మికులు మృతి చెందారు. మరొకరి పరిస్థితి విషమంగా ఉంది.పరవాడ ఫార్మాసిటీలోని లారస్ యూనిట్ -3 లో షార్ట్ సర్క్యూట్ తో మంటలు చెలరేగాయి. ఈ మంటల్లో చిక్కుకుని ఐదుగురు కార్మికులు గాయపడ్డారు. వారిని చికిత్స నిమిత్తం ఆసుపత్రికి తరలించారు. ఆసుపత్రిలో చికిత్స పొందుతూ నలుగురు కార్మికులు మృతి చెందారు. మరొకరి పరిస్థితి విషమంగా ఉందని వైద్యులు ప్రకటించారు.
ఈ ప్రమాదంలో మృతి చెందిన కార్మికుల మృతదేహలను కేజీహెచ్ ఆసుపత్రి మార్చురీకి తరలించారు.ఖమ్మం జిల్లాకు చెందిన బి. రాంబాబు, గుంటూరు జిల్లాకు రాజేష్ బాబు , రంగారెడ్డి జిల్లాకు సతీష్ , కోటపాడుకు చెందిన రామకృష్ణ,చోడవరం కు వెంకటరావులు ప్రమాదం జరిగిన ప్రదేశంలో పనిచేస్తున్నారు. ఈ ప్రమాదంలో ఐదుగురు తీవ్రంగా గా పడ్డారు. వారిని ఆసుపత్రికి తరలించారు.ఆసుపత్రిలో చికిత్స పొందుతూ నలుగురు మృతి చెందారు. మరొకరు ఐసీయూలో చికిత్స పొందుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి