కూతురిని గర్భవతిని చేసి... పారిపోయిన తండ్రి

కంటికి రెప్పలా కాపాడాల్సిన తండ్రే కన్న కూతురిపై అత్యాచారం చేస్తూ ఆమెను తల్లిని చేశాడు. అనంతపురం జిల్లా కదిరికి చెందిన ఓ వ్యక్తి మద్యానికి బానిసయ్యాడు. అతని కుమార్తె స్థానిక పాఠశాలలో తొమ్మిదో తరగతి చదువుతోంది. రోజూ పీకలదాకా తాగి ఇంటికి వచ్చే అతను మద్యం మత్తులో కన్న కూతురిపై అత్యాచారానికి పాల్పడేవాడు.

గత కొన్నాళ్లుగా తండ్రి తనపై అఘాయిత్యాన్ని ఎవరికి చెప్పుకోలేకపోయింది. కుటుంబసభ్యులెవరూ గమనించకపోవడంతో ప్రతి రోజూ కూతురితో లైంగిక వాంఛ తీర్చుకునేవాడు. ఈ క్రమంలో బాలిక గర్భం దాల్చింది..

సోమవారం పాఠశాలకు వెళ్లిన బాలిక అనారోగ్యంతో ఉండటంతో ఉపాధ్యాయులు విచారించగా అసలు విషయం వెలుగులోకి వచ్చింది. దీంతో విషయాన్ని ఓ స్వచ్ఛంద సంస్థ ద్వారా పోలీసులకు ఫిర్యాదు చేశారు. కేసు నమోదు చేసుకున్న పోలీసులు తండ్రి కోసం గాలిస్తున్నారు. ప్రస్తుతం బాలిక ఆరో నెల గర్భిణి.