పులి బోనులో చేయిపెట్టి.. ముద్దు చేయబోయాడు.. కసాబిసా కొరికేయడంతో గుండెపోటుతో..
By SumaBala Bukka | First Published Nov 4, 2022, 1:44 PM ISTపులి బోనులో చేయి పెట్టిన ఓ వ్యక్తిని పులి చంపేసిన వీడియో ఒకటి సోషల్ మీడియాలో వైరల్ గా మారింది.
పులిని చూస్తే ఏం చేస్తాం.. బాబోయ్ అంటూ పారిపోతాం.. ప్రాణాలు దక్కించుకుంటాం. నేరుగా పులి కంట్లో పడ్డామంటే ఆ రోజుతో భూమి మీద మనకు నూకలు చెల్లినట్టే.. కాకపోతే జూకి వెళ్లినప్పుడు మాత్రం.. అది బోనులో ఉంటుంది కాబట్టి వీరలెవల్లో ఫోజులు కొడుతూ.. దాంతో ఫొటోలు దిగుతాం.. ఆమడ దూరం నుంచి చూసి ఆనందిస్తాం. కానీ ఓ వ్యక్తి ఇంకాస్త ముందుకు వెళ్లాడు.. అది తనింట్లో పెంచుకునే పెంపుడు కుక్కనో, పిల్లినో అనుకున్నట్టున్నాడు.. బోనులో చేయిపెట్టి దాన్ని ముద్దు చేయబోయాడు.
అది పులి.. బోనులో ఉన్నా.. బయట ఉన్నా పులే.. ఊరుకుంటుందా.. చేతిని కసకసా నమిలేసింది. దీంతో ఆ వ్యక్తి ప్రాణాలు కోల్పోయాడు. ఈ హృదయ విదారక ఘటనకు సంబంధించిన వీడియో సోషల్ మీడియాో చక్కర్లు కొడుతోంది. ఈ వీడియోలో ఓ వ్యక్తి ఏ మాత్రం భయం లేకుండా పులి బోనులో చేయి పెట్టి దాన్ని ఆడించబోయాడు. కాసేపు ఆ పులి ఊరుకున్నా.. ఆ తరువాత ఉన్నట్టుండి అతని చేతిని అందుకుంది. చేతిని కసాబిసా కొరికేసింది. ఈ దాడిలో ఆ వ్యక్తి మృతి చెందాడు. ఈ సంఘటన మెక్సికో జూలో జరిగింది. అయితే, ఈ వీడియో చాలా పాతది. కానీ మళ్లీ సోషల్ మీడియాలో ఇప్పుడు వైరల్ అవుతోంది.
Latest Videos
undefined
ప్రియాంక పెద్ద అందగత్తెమీ కాదు.. ప్రపంచసుందరి కిరీటాన్ని రిగ్గింగ్ చేసి దక్కించుకుంది..
పులి ఎన్ క్లోజర్ దగ్గర నిలబడ్డ వ్యక్తి తన చేతితో దాన్ని సవరదీయడం మొదలుపెట్టాడు. రెండు, మూడు సార్లు అతను చెప్పినట్టు విన్న పులి.. ఆ తరువాత అతని చేతిని నోట కరుచుకుంది. ఎంతకీ వదలలేదు. దీంతో నొప్పితో ఆ వ్యక్తి విలవిల్లాడు. పెద్దగా అరిచాడు. అయితే అది పులి.. అరుపులకు లొంగుతుందా. అతని చేయి ఊడివచ్చి.. అతని ప్రాణాలు పోయేదాకా వదలలేదు. ఇప్పుడు ఈ పులి దాడికి సంబంధించిన వీడియో ఇన్ స్టా గ్రామంలో savage.wilderness అనే అకౌంత్ లో ఉంది. కొన్ని గంటల క్రితం అప్ లోట్ చేసిన ఈ వీడియోను అప్పుడే 9వేల మందికి పైగా లేక్ చేశారు. వీడియో చూసిన వారంతా షాక్ అవుతున్నారు. పులి దాడి తరువాత ఎన్ క్లోజర్ దగ్గర అంతా రక్తసిక్తంగా కనిపించడం చూడొచ్చు.
చనిపోయిన ఆ వ్యక్తి జోస్ డి జీసస్ (23) జూ సిబ్బందే. అతను పులితో సరదాగా ఆడుకోవాలనుకున్నాడు. పులికి ఆహారం తినిపిస్తూనే దానిని ముద్దు చేయాలనుకున్నాడు. దీనికోసం బోను లోపలికి చేయి పెట్టాడు. ఎప్పుడూ ఆహారం పెట్టే అతనే కావడంతో అది కూడా ఆహారమే అనుకున్నట్టుంది. చేయిని నోట కరుచుకుని వదలలేదు. దీంతో షాక్ అయి.. నొప్పితో విలవిల్లాడి జోస్ కు గుండెపోటు వచ్చింది. దీంతో అక్కడికక్కడే మృతి చెందాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి