కన్నుల పండగగా ధర్మపురి లక్ష్మీనరసింహ స్వామి కళ్యాణం

దక్షిణకాశిగా పేరొందిన జగిత్యాల జిల్లా ధర్మపురి శ్రీలక్ష్మీనరసింహస్వామి బ్రహ్మోత్సవాల్లో భాగంగా ఈరోజు సాయంకాలం గోధూళి సుముహూర్తమున శ్రీ ఉగ్ర, యోగ లక్ష్మీనరసింహస్వామి తోపాటు వెంకటేశ్వర స్వామి వార్ల తిరు కల్యాణం అత్యంత వైభవంగా కన్నుల పండుగగా జరిగింది. మొదట స్వామివారి కల్యాణానికి ప్రభుత్వం తరఫున జగిత్యాల జిల్లా కలెక్టర్ రవి పట్టువస్త్రాలను సమర్పించారు. ఈ కళ్యాణ మహోత్సవంలో జిల్లా కలెక్టర్ రవి దంపతులతో పాటు మంత్రి కొప్పుల ఈశ్వర్- స్నేహాలత దంపతులు, జేసీ రాజేశం, జిల్లా పరిషత్ చైర్మన్ దావ వసంత తదితరులు పాల్గొన్నారు.