ఎన్నికల్లో రూ.100 కోట్ల ఖర్చు.. ఈసీ, ఈడీ, ఐటీలు ఎక్కడున్నాయి.. బీజేపీపై చర్యలు తీసుకుంటారా? : కేటీఆర్
By Mahesh Rajamoni | First Published Jul 9, 2023, 7:11 PM ISTHyderabad: భారత రాష్ట్ర సమితి (బీఆర్ఎస్) వ‌ర్కింట్ ప్రెసిడెంట్, మంత్రి కేటీఆర్ మ‌రోసారి బీజేపీని టార్గెట్ చేస్తూ తీవ్ర విమ‌ర్శ‌లు గుప్పించారు. మునుగోడు బై పోల్ లో బీజేపీ రూ.100 కోట్లు ఖర్చు పెట్టిందని సాక్షాత్తు ఆ పార్టీకి చెందిన ఒక ఎమ్మెల్యే చెప్పారనీ, ఇలా బహిరంగంగా చెబుతున్నప్పుడు ఈసీ, ఈడీ, ఐటీ ఎక్కడ ఉన్నాయి? బీజేపీపై ఏమైనా నోటీసులు జారీ చేస్తారా లేదా విచారణ చేస్తారా? అంటూ ప్రశ్నించారు.
BRS working president KTR: అసెంబ్లీ ఉప ఎన్నికల్లో తమ పార్టీ రూ.100 కోట్లు ఖర్చు చేసిందని తెలంగాణ బీజేపీ ఎమ్మెల్యే చేసిన వ్యాఖ్య‌ల‌పై కేంద్ర సంస్థలు ఎందుకు దర్యాప్తు చేయడం లేదని తెలంగాణ రాష్ట్ర సమితి (బీఆర్ఎస్) వర్కింగ్ ప్రెసిడెంట్, రాష్ట్ర ఐటీ శాఖ మంత్రి కే తారకరామారావు (కేటీఆర్) ప్రశ్నించారు. ఉప ఎన్నికల్లో తమ పార్టీ రూ.100 కోట్లు ఖర్చు చేసిందని తెలంగాణ బీజేపీ ఎమ్మెల్యే బహిరంగంగా చెబుతుంటే ఈసీఐ, ఈడీ, ఐటీలు ఎక్క‌డున్నాయ‌ని ప్రశ్నించారు. ఈ విష‌యంలో బీజేపీకి నోటీసులు జారీ చేస్తారా? విచారణ జరిపిస్తారా? అంటూ కేటీఆర్ ప్రశ్నించారు. ప్రధాని న‌రేంద్ర మోడీ అవినీతి గురించి మాట్లాడటం విడ్డురంగా ఉంద‌ని వ్యాఖ్యానించారు.
Where is ECI, ED and IT when a Telangana BJP MLA is openly claiming that his party spent 100 Crore Rupees in a By-election?
Will any notices be issued or enquiry conducted on BJP ?
Irony just died a million deaths after listening to Modi Ji speaking about corruption https://t.co/DLh2apkzZz
శనివారం వరంగల్ బహిరంగ సభలో ప్రధాని ప్రసంగాన్ని ప్రస్తావిస్తూ.. అవినీతి గురించి మోడీ మాట్లాడటం చూస్తూ నవ్వొస్తుందని అన్నారు. ప్రధాని మోడీ ప్రసంగం అబద్ధాల మూట అని కేటీఆర్ విమర్శించారు. బీజేపీ నేతృత్వంలోని కేంద్ర ప్రభుత్వం గత తొమ్మిదేళ్లలో తెలంగాణకు ఏం చేసిందో చెప్పకుండా ప్రధాని ప్రసంగం కేవలం రాష్ట్ర ప్రభుత్వాన్ని విమర్శించడంపైనే కేంద్రీకృతమైందని అన్నారు. గత తొమ్మిదేళ్లలో రాష్ట్రానికి జరిగిన అన్యాయాలకు తెలంగాణ ప్రజలు బీజేపీని తిరస్కరిస్తారని అన్నారు. కాజీపేట కోచ్ ఫ్యాక్టరీ స్థానంలో రైల్వే రిపేర్ షాపు ఏర్పాటు చేయడం నిజంగా తెలంగాణ ప్రజలను అవమానించడమేనన్నారు.
Latest Videos
undefined
కాజీపేట కోచ్ ఫ్యాక్టరీ డిమాండ్ ను పట్టించుకోకుండా మోడీ ప్రభుత్వం గుజరాత్ కు రూ.20 వేల కోట్ల విలువైన లోకోమోటివ్ ఫ్యాక్టరీని మంజూరు చేసిందన్నారు. పెండింగ్ హామీలను నెరవేర్చడంలో, డిమాండ్లను పరిష్కరించడంలో ప్రధాని నిర్లక్ష్యాన్ని, వివక్షాపూరిత వైఖరిని తెలంగాణ ప్రజలు గమనిస్తున్నారన్నారు. సరైన సమయంలో బీజేపీకి ప్రజలు తగిన గుణపాఠం చెబుతారని కేటీఆర్ అన్నారు. ప్రభుత్వ ఉద్యోగ నియామకాలపై ప్రధాని చేసిన ఆరోపణలపై మంత్రి స్పందిస్తూ.. తెలంగాణ ప్రభుత్వం లక్షా 1 వేలకు పైగా ప్రభుత్వ ఉద్యోగాలను భర్తీ చేస్తుంటే కేంద్ర ప్రభుత్వం 20 లక్షల ఖాళీలను భర్తీ చేయడంలో విఫలమై ప్రభుత్వ రంగ సంస్థల్లోని ఉద్యోగాలను ప్రైవేటీకరించడం విడ్డూరంగా ఉందన్నారు. ఐటీఐఆర్ ప్రాజెక్టును రద్దు చేసిన ప్రధాని మోడీ ద్రోహాన్ని తెలంగాణ యువత ఎప్పటికీ క్షమించదని కేటీఆర్ అన్నారు.
గవర్నర్ తమిళిసై సౌందరరాజన్ వద్ద పెండింగ్ లో ఉన్న బిల్లులపై ప్రధాని మోడీ స్పందించి ఉంటే బాగుండేదన్నారు. రాష్ట్ర ప్రభుత్వానికి మాట్లాడే ముందు కేంద్రీయ విశ్వవిద్యాలయాల్లో ఖాళీలను ప్రధాని భర్తీ చేయాలని కేటీఆర్ డిమాండ్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి