ముస్లింల అఘాయిత్యాలపై మాట్లాడకుండా మార్చేశారు.. : ప్రధాని మోడీపై ఎంఐఎం చీఫ్ ఒవైసీ ఫైర్
సారాంశం
Karnataka: "ముస్లింల అఘాయిత్యాల అంశంపై ఎవరూ మాట్లాడరు.. ముస్లింలు కనిపించకుండా పోయారు. ఇప్పుడు సెక్యులర్ పార్టీలు ముస్లిం సమస్యలను లేవనెత్తేంతగా మీరు భారత రాజకీయాలను మార్చినందుకు ప్రధాని నరేంద్ర మోడీకి అభినందనలు" అంటూ హైదరాబాద్ పార్లమెంట్ సభ్యులు అసదుద్దీన్ ఒవైసీ విమర్శలు గుప్పించారు.
Hyderabad MP Asaduddin Owaisi: ఏఐఎంఐఎం అధినేత, హైదరాబాద్ పార్లమెంట్ సభ్యులు అసదుద్దీన్ ఒవైసీ మరోసారి కేంద్రంలోని భారతీయ జనతా పార్టీ (బీజేపీ), ప్రధాని నరేంద్ర మోడీని లక్ష్యంగా చేసుకుని తీవ్రస్థాయిలో విమర్శలు గుప్పించారు. ఇదే సమయంలో ముస్లింలు ఎదుర్కొంటున్న సమస్యలను గురించి ప్రస్తావిస్తూ.. పలు ప్రతిపక్ష పార్టీలపైనా ఆయన పలు ఆరోపణలు చేశారు. ముస్లింలపై జరుగుతున్న నేరాలు, అఘాయిత్యాలను గురించి మాట్లాడకుండా రాజకీయాలను మార్చేశారంటూ ప్రధాని మోడీపై మండిపడ్డారు. అలాగే, కాంగ్రెస్, జేడీఎస్లలో కూడా ముస్లింలకు గౌరవం లేదని ఆరోపించారు. ముస్లింలు పార్టీలకు ఓట్ల ఏటీఎం యంత్రాలుగా మారారని పేర్కొన్నారు.
కర్ణాటకలోని హుమ్నాబాద్లో జరిగిన సభలో ఏఐఎంఐఎం అధినేత, హైదరాబాద్ ఎంపీ అసదుద్దీన్ ఒవైసీ మాట్లాడుతూ.. గత ఎనిమిదేళ్లలో దేశ రాజకీయ రూపురేఖలను ఎంతగానో మార్చినందుకు ప్రధాని నరేంద్ర మోడీని అభినందిస్తున్నాననీ, ఇప్పుడు సెక్యులర్ పార్టీలు కూడా ముస్లింల సమస్యలను లేవనెత్తడం లేదంటూ వ్యంగ్యాస్త్రాలు సంధించారు. 'భారత రాజకీయాల్లో ఇప్పుడు ముస్లింలకు ఎలాంటి ప్రాముఖ్యత లేదు' అని ఒవైసీ.. కాంగ్రెస్, జేడీఎస్ లను పరోక్షంగా ప్రస్తావిస్తూ విమర్శించారు. కేవలం సమాజం నుంచి ఓట్లు అడిగే రాజకీయ పార్టీలకు ముస్లింలు ఏటీఎం యంత్రాలుగా మారారని అన్నారు. "అయితే మీరు మీతో రాజకీయ పార్టీలు కావాలా లేదా అల్లా కావాలా అని మీరు ఆలోచించాలి.. ఎవరూ మీతో లేరు" అని ఒవైసీ అన్నారు.
"ముస్లింల అఘాయిత్యాల అంశంపై ఎవరూ మాట్లాడరు.. ముస్లింలు కనిపించకుండా పోయారు. ఇప్పుడు సెక్యులర్ పార్టీలు ముస్లిం సమస్యలను లేవనెత్తేంతగా మీరు భారత రాజకీయాలను మార్చినందుకు ప్రధాని నరేంద్ర మోదీకి అభినందనలు" అంటూ హైదరాబాద్ పార్లమెంట్ సభ్యులు అసదుద్దీన్ ఒవైసీ విమర్శలు గుప్పించారు. "ఈ పార్టీల నుండి నీకు ఏమైనా వస్తుందా? నేను తప్పుగా భావిస్తే, మీరు నాయకుడిగా మారండి.. నేను మీ కోసం పని చేస్తాను. అయితే బిల్కిస్ బానోకు మీరు ఏమి సమాధానం ఇస్తారో గుర్తుంచుకోండి. రేపిస్టులు విడుదల చేసిన ఆమె మీ కుమార్తె కాదు. బీజేపీ, సెక్యులర్ పార్టీలు మౌనంగా కూర్చున్నాయి' అని ఒవైసీ ఫైర్ అయ్యారు.
‘‘ఇది అంబేద్కర్ నడిచిన భూమి.. మన రక్తం, చెమటతో భూమికి సంకెళ్ల నుంచి విడిపించుకున్నాం.. ముస్లింలు తమ ప్రాణాలను ఎక్కువగా త్యాగం చేశారనీ, అప్పట్లో ఆర్ఎస్ఎస్, బీజేపీ లేవు.. తర్వాత వారంతా వచ్చి హీరోలు కాగా.. తమ రక్తాన్ని త్యాగం చేసిన వారు జీరో అయ్యారు. 1925 తర్వాత వచ్చిన వారు స్వాతంత్య్రం తీసుకురాలేదు" అని అసదుద్దీన్ ఒవైసీ.. బీజేపీ నాయకులు, ఆ పార్టీపై తీవ్ర స్థాయిలో మండిపడ్డారు. ముస్లిం రిజర్వేషన్ల అంశంపై కర్ణాటక ముఖ్యమంత్రి బసవరాజ్ బొమ్మైని ఉద్దేశించి ఒవైసీ మాట్లాడుతూ, "ఢిల్లీలో ఉన్నప్పుడు మీ పార్టీకి వచ్చే కమీషన్ను మీరు ముందుగా ముగించండి, ప్రధాని మోడీ నా ఖౌంగా నా ఖానే దుంగా" అంటూ విమర్శించారు.