మంచిర్యాలలో ఈ నెల 9 చేతివృత్తిదారులకు రూ. లక్ష సాయం: ప్రారంభించనున్న కేసీఆర్

ఈ నెల  9వ తేదీన  బీసీ సామాజిక వర్గానికి  చెందిన  వృత్తిదారులకు ,చేతివృత్తులు చేసుకొనేవారికి  తెలంగాణ  ప్రభుత్వం   ఆర్ధిక సహాయం అందించనుంది.

హైదరాబాద్:   బీసీ సామాజికవర్గంలోని  కులవృత్తులు,   చేతివృత్తులు  చేసే వారికి  రూ. 1 లక్ష సహయం  చేసే  కార్యక్రమాన్ని  తెలంగాణ ప్రభుత్వం   ఈ నెల  9వ తేదీన ప్రారంభించనుంది. మంచిర్యాల జిల్లాలో  తెలంగాణ సీఎం  కేసీఆర్  ఈ పథకాన్ని ప్రారంభిస్తారు.  బీసీ వృత్తులు, చేతి వృత్తులవారికి  లక్ష నగదు   ఆర్ధిక సహాయం  అందించనుంది  ప్రభుత్వం.

రాష్ట్ర ప్రభుత్వం  అందించే  ఆర్ధిక సహాయం  కోసం  ధరఖాస్తు  చేసుకునేందుకు  రాష్ట్ర ప్రభుత్వం వెబ్ సైట్ ను  ప్రారంభించింది. https://tsobmmsbc.cgg.gov.in  వెబ్ సైట్ ద్వారా   ధరఖాస్తు  చేసుకోవాలని  రాష్ట్ర ప్రభుత్వం  కోరింది. ఫోటో, ఆధార్, కుల ధృవీకరణ  పత్రం సహా  33 కాలమ్స్ అప్లికేషన్స్ ను నింపాలి. ఈ ధరఖాస్తులను  పరిశీలించి  రాష్ట్ర ప్రభుత్వం   ఆర్ధిక సహాయం అందిస్తుంది.

 దళిత బంధు తరహలోనే  బీసీల కోసం  ఓ పథకాన్ని  ప్రకటించనున్నట్టుగా  తెలంగాణ సీఎం  కేసీఆర్  గతంలో  ప్రకటించారు.  అయితే  ప్రస్తుతం  వృత్తులు  చేసుకొనేవారికి  రూ. లక్ష  నగదును ఆర్ధిక సహాయం అందించనుంది  ప్రభుత్వం.