హైద్రాబాద్ గండిపేట వద్ద చెరువులోకి దూసుకెళ్లిన కారు: ముగ్గురికి గాయాలు
By narsimha lode | First Published Feb 13, 2023, 8:49 PM ISTహైద్రాబాద్ నగరంలో అదుపు తప్పి కారు చెరువులోకి దూసుకెళ్లింది.
హైదరాబాద్: నగరంలోని గండిపేట కు సమీపంలో సోమవారం నాడు రాత్రి కారు చెరువులోకి దూసుకెళ్లింది. అతి వేగంగా కారు చెరువులోకి దూసుకెళ్లడంతో కారులో ప్రయాణీస్తున్న ముగ్గురు గాయపడ్డారు. గాయడిన ముగ్గురిని ఆసుపత్రికి తరలించారు. అతి వేగమే ఈ ప్రమాదానికి కారణంగా పోలీసులు చెప్పారు. దేశంలోని పలు రాష్ట్రాల్లో ప్రతి రోజూ ఏదో ఒక చోట రోడ్డుప్రమాదాలు చోటు చేసుకుంటున్నాయి. అతివేగం, నిర్లక్ష్యంగా వాహనాలు నడపడం వంటి కారణాలను పోలీసులు చెబుతున్నారు.
ఈ నెల 5వ తేదీన హైద్రాబాద్ ఔటర్ రింగ్ రోడ్డుపై జరిగిన ప్రమాదంలో ఇద్దరు మృతి చెందారు. రెండు కార్లు ఢీకొనడంతో ఈ ప్రమాదం జరిగింది. ఔటర్ రింగ్ రోడ్డుపై అదుపుతప్పి డివైడర్ ను ఢీకొని మరో కారును ఢీకొంది. దీంతో ఇద్దరు మృతి చెందగా, మరో ఇద్దరు గాయపడ్డారు. ఈ నెల 7వ తేదీన తెలంగాణలోని పెంబర్తి వద్ద జరిగిన రోడ్డు ప్రమాదంలో ముగ్గురు మృతి చెందారు. ఆగి ఉన్న డీసీఎం ను కారు ఢీకొనడంతో ఈ ప్రమాదం జరిగింది.
Latest Videos
undefined
ఈ నెల 10వ తేదీన రంగారెడ్డి జిల్లా మహేశ్వరం పోలీస్ స్టేషన్ పరిధిలో రోడ్డు ప్రమాదం జరిగింది. ఈ ప్రమాదంలో నలుగురు మృతి చెందారు. ఈ ఘటనలో మరణించినవారంతా నాగర్ కర్నూల్ జిల్లా వెల్దండ మండలం పోతేపల్లి గ్రామానికి చెందినవారుగా గుర్తించారు.
ఈ నెల 7వ తేదీన బెంగాల్ రాష్ట్రంలోని సిలిగురిలో జరిగిన రోడ్డు ప్రమాదంలో ముగ్గురు మృతిచెందగా, మరో ముగ్గురు గాయపడ్డారు. ఈ నెల 6 తేదీన యూపీలోని సుల్తాన్ పూర్ లో జరిగిన రోడ్డు ప్రమాదంలో ముగ్గురు మృతి చెందగా, ఏడుగురు గాయపడ్డారు.
ఈ నెల 9వ తేదీన ఛత్తీస్ ఘడ్ రాష్ట్రంలోని కాంకర్ జిల్లాలోని కోరార్ గ్రామ సమీపంలో జరిగిన రోడ్డు ప్రమాదంలో ఏడుగురు మృతి చెందారు ఆటో, ట్రక్కు ఢీకొట్టడంతో ఈ ప్రమాదం జరిగింది. ఈ ప్రమాదంలో ఆటోలో ప్రయాణీస్తున్న ఏడుగురు విద్యార్ధులు మృతి చెందారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి