ఔటర్‌పై ప్రమాదం..లాంగ్ ట్రిప్‌కి వెళ్లొస్తూ.. సాఫ్ట్‌వేర్ ఇంజనీర్‌ దుర్మరణం

హైదరాబాద్ ఔటర్ రింగ్ రోడ్‌పై జరిగిన రోడ్డు ప్రమాదంలో ఓ వ్యక్తి మరణించారు. వరంగల్‌కు చెందిన భరత్ కుమార్ రెడ్డి హైదరాబాద్‌లో సాఫ్ట్‌వేర్ ఇంజనీర్‌గా పనిచేస్తూ.. భార్యాపిల్లలతో కలిసి నివసిస్తున్నాడు.

ఈ క్రమంలో కారులో కుటుంబాన్ని తీసుకుని విహారయాత్రకు వెళ్లాడు.. తిరుపతి, ఒంగోల్, వరంగల్‌లో సరదాగా గడిపి.. తిరిగి నగరానికి బయలుదేరాడు. నిన్న అర్థరాత్రి హిమాయత్ సాగర్ సమీపంలో ఔటర్ రింగ్ రోడ్‌ వద్ద అతను ప్రయాణిస్తున్న కారు అదుపుతప్పి.. డివైడర్ పైకి దూసుకెళ్ళింది.

ఈ ప్రమాదంలో భరత్ కుమార్ రెడ్డి అక్కడికక్కడే మరణించగా.. అతని భార్య అనురాధ తీవ్రగాయాలతో ఆసుపత్రిలో చికిత్స పొందుతోంది. అతని కుమారుడిని మార్గమధ్యంలో వరంగల్‌లోనే వదిలి పెట్టడంతో ఆ చిన్నారి ప్రమాదం నుంచి బయట పడ్డాడు..