నిజాం కాలేజీలో విద్యార్ధుల ఆందోళన: కొత్త హస్టల్ భవనం కేటాయింపుపై నిరసనలు
By narsimha lode | First Published Nov 9, 2022, 12:29 PM ISTకొత్త హస్టల్ భవనాన్ని తమకే కేటాయించాలని నిజాం కాలేజీ డిగ్రీ విద్యార్ధులు బుధవారంనాడు కూడ ఆందోళనకు దిగారు.ఈ విషయమై మంత్రి కేటీఆర్ నిన్ననే విద్యార్ధులకుహామీ ఇచ్చారు. అయితే ప్రిన్సిపాల్ నుండి లిఖిత పూర్వకహామీ వస్తేనే ఆందోళన విరమిస్తామని విద్యార్ధులు చెబుతున్నారు.
హైదరాబాద్:నిజాం కాలేజీలో కొత్త హస్టల్ భవనాన్ని పీజీ విద్యార్ధులకు కేటాయించడాన్ని నిరసిస్తూ విద్యార్ధినులు బుధవారంనాడు ఆందోళన కు దిగారు. ఈ విషయమై మంత్రి కేటీఆర్ హామీ ఇచ్చినా కూడ విద్యార్ధినులు శాంతించలేదు.తమకు ప్రిన్సిపాల్ నుండి రాతపూర్వకమైన హామీ లభిస్తేనే ఆందోళన విరమిస్తామని తేల్చి చెప్పారు.
కొత్తగా నిర్మించిన హస్టల్ భవనాన్ని డిగ్రీ విద్యార్ధులకు కేటాయిస్తామని ఇచ్చిన హామీని అమలు చేయాలని విద్యార్ధినులు కోరుతున్నారు. ఈ హస్టల్ భవనాన్నితమకు తెలియకుండానే పీజీ విద్యార్ధులకు కేటాయించడంపై డిగ్రీ విద్యార్ధులు నాలుగైదు రోజులుగా ఆందోళనలు నిర్వహిస్తున్నారు.అంతేకాదు ఇదే విషయమై నాలుగు రోజుల క్రితం ప్రిన్సిపాల్ కార్యాలయం ముందు విద్యార్ధులు ఆందోళన నిర్వహించారు. దీంతో పోలీసులు రంగప్రవేశం చేశారు.
Latest Videos
ఈ ఆందోళనల విషయాన్ని కొందరు ట్విట్టర్ వేదికగా మంత్రి కేటీఆర్ దృష్టికి తీసుకెళ్లారు.దీంతో ఆయన స్పందించారు. ఈ విషయంలో జోక్యం చేసుకోవాలని మంత్రి కేటీఆర్ విద్యా శాఖ మంత్రి సబితా ఇంద్రారెడ్డికి సూచించారు.అంతేకాదు సమస్య పరిష్కరించాలని నిజాం కాలేజీ ప్రిన్సిపాల్ ను కేటీఆర్ నిన్ననే ఆదేశించారు. అయితే ఈ విషయమై కేటీఆర్ ఆదేశాలు జారీ చేసినా కూడా తమకు స్పష్టమైన హామీ రాలేదని డిగ్రీ విద్యార్ధులుఆందోళనలు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి