దిశ నిందితుల ఎన్‌కౌంటర్: సుమోటో‌గా తీసుకొన్న ఎన్‌హెచ్‌ఆర్సీ

దిశ నిందితుల ఎన్‌క్ౌంటర్ ఘటనపై జాతీయ మానవ హక్కుల సంఘం స్పందించింది. ఈ ఘటనపై ఎన్‌హెచ్‌ఆర్‌సీ స్పందించింది.

హైదరాబాాద్: దిశ నిందితుల ఎన్‌కౌంటర్‌ ఘటనను జాతీయ మానవ హక్కుల కమిషన్ సుమోటోగా తీసుకొంది. మీడియాలో వచ్చిన వార్తల ఆధారంగా ఈ కేసును సుమోటో‌గా తీసుకొంది జాతీయ మానప హక్కుల సంఘం.

గత నెల 27వ తేదీన  చటాన్‌పల్లి  వద్ద దిశను నలుగురు నిందితులు  అత్యంత దారుణంగా హత్య చేశారు. ఈ హత్యలో పాల్గొన్న నలుగురు నిందితులు సీన్ రీ కన్‌స్ట్రక్షన్ చేస్తున్న సమయంలో పోలీసులపై నిందితులు కాల్పులు జరిపేందుకు ప్రయత్నం చేశారు.

పోలీసులు ఆత్మరక్షణ కోసం కాల్పులు జరిపారు. ఈ కాల్పుల ఘటనకు సంబంధించిన మీడియాలో వచ్చిన వార్తలపై జాతీయ మానవహక్కుల సంఘం స్పందించింది. ఈ ఘటన స్థలాన్ని క్షుణ్ణంగా పరిశీలించాలని జాతీయ మానవహక్కుల సంఘం ఆదేశించింది.

త్వరలోనే సంఘటన స్థలాన్ని జాతీయ మానవ హక్కుల సంఘం ప్రతినిధులు సంఘటన స్థలాన్ని పరిశీలించే అవకాశం ఉంది. జాతీయ మానవ హక్కుల సంఘం ఈ ఘటన స్థలాన్ని ఎప్పుడు పరిశీలించనుందో అనే విషయమై మరికొద్దిసేపట్లో తేలనుంది.

జాతీయ మానవహక్కుల సంఘం  తెలంగాణ పోలీసులకు దిశ నిందితుల ఎన్‌కౌంటర్ ఘటనపై నోటీసులు జారీ చేశారు. ఈ నోటీసులపై తెలంగాణ పోలీసులు ఏం సమాధానం ఇస్తారనే విషయమై ప్రస్తుతం ఆసక్తికరంగా మారింది.